Популярні біблійні вірші з Genesi 24

Поділитись

Mãwã b̶ʌd̶e dji nezocaba Ãcõrẽa jarasia: –Mʌ̃ Ãcõrẽ, mʌ̃ boro Abrahaʌ̃ Ãcõrẽ, mʌ̃a bʌ́a bed̶ea djuburiaya nane bʌa quĩrĩãneba mʌ̃ boro Abrahaʌ̃ra quĩrã djuburiamãrẽã idjab̶a mʌ̃ sid̶a carebamãrẽã.

Mʌ̃a ab̶aʌ awẽrãa jaraya: “Mʌ̃ quĩrã djuburia bʌ zocora egode b̶ʌped̶a mʌ̃́a baidoda diadua.” Maʌ̃ne dji awẽrãba mʌ̃́a doduad̶a aibʌrʌ, idjab̶a bʌ cameyoa bid̶a baidora diayad̶a aibʌrʌ, mʌ̃a cawaya bʌa maʌ̃ awẽrãra bʌ nezoca Isa itea erob̶ʌda. Mãwãbʌrʌ mʌ̃a cawaya bʌa mʌ̃ borora quĩrĩãneba careba b̶ʌda.

Ara maʌ̃da Isaba Rebecara idji papa querasi wua demaa edesia. Mãwã Isaba Rebecara edaped̶a bio quĩrĩã b̶esia. Idjab̶a idji papa jaid̶ad̶a carea sopuara jõsia.

Maʌ̃ne Rebeca djabarãba idjira nãwã bia jarasid̶aa: Djabawẽrã, daiba quĩrĩã panʌa bʌa warrarãra zocãrã unuida. Idjab̶a quĩrĩã panʌa bʌ warrarãba ãdji dji quĩrũrãda poyad̶ida.

Maʌ̃be bajãne idjab̶a naʌ̃ ẽjũãne b̶ʌ Ãcõrẽ quĩrãpita mʌ̃́a jaradua bʌa mʌ̃ warra itea naʌ̃ Canaaʌ̃ druad̶ebema wẽrãda jʌrʌẽ́da. Ãtebʌrʌ wãdua mʌ̃ b̶ad̶a druad̶aa mʌ̃ ẽberãrãmaa. Wãrãneba jaradua mamabema wẽrãda mʌ̃ warra Isa itea eneida.