Популярні біблійні вірші з KASA 17

Поділитись

Ndai zawn shi hpan da ai lam gaw Karai Kasang hpe mu yang me she mu mu ga nga, hkan tam masawp lamawm shangun na matu rai nga ai. Shing nga tim Karai Kasang gaw anhte kadai hte mung tsan nga ai n rai.

Madu gaw shawng nnan masha langai mi hpe hpan da nna dai wa hta nna masha amyu danghta hpe mayat maya hkrat wa shangun nhtawm, mungkan shara shagu hta nga pra shangun ma ai. Shanhte asak hkrung nga pra ai du hkra ladaw ni hte buga jarit ni hpe mung tau hkrau masat da ya mu ai.

Mungkan ga hte dai hta nga ai yawng mayawng hpe hpan tawn da ai Karai Kasang gaw sumsing lamu hte ginding aga a Madu rai nga ai rai nna masha lata hte shachyaw ai nawku nta ni hta rawng nga ai n rai.

Hpa majaw nga yang Madu lata san da sai wa a lata hte mungkan ga hpe tara malang ai hku daw dan na ninghtoi gaw shi tawn da nu ai rai nga ai. Dai wa hpe si ai kaw na shi hkrung sharawt la ai hte dai lata san da ai lam masha yawng hpe kam ram ai sakse madun dan nu ai,” ngu nna tsun wu ai.

Anhte gaw Karai Kasang a kashu kasha ni rai nga ga ai hte maren Karai Kasang gaw masha maka hpaji lata atsam hte tawk galaw da ai ja, gumhpraw nlung sumla hte bung ai ngu nna n mai myit la ga ai.