Популярні біблійні вірші з Matyò 28

Поділитись

Ghàyn ndu zôyn sê ndaʼà tekɨ̂m nâʼàpî ghayn ə nəyn nə ghɨghe ə nyi sèchùmtè èpàm sɨmse. Ghàyn fo môm se ghənə ezə ə pɨ̀aze, è zə vaynze è zə ə Sezuʼse Ŋwaʼase. Ghàyn zaʼle kepî ghənə nə ghənə chûmtə̀ nâʼà ə̀ghɛ ə̀kɨ̂m ghɛ m pî nə ghâyn ə nə̂. Ghàyn e ke nə m nə nyi ghasè nyì shîŋə̀ tekɨ̂m, se zaʼâ kə mbi tə mi.”

Njisə̀s ə kɨŋtə̂ paʼsə̂ ndûə sê ghənə ə pìə nə, “Zhə̀fè ə fo tyaʼke akɨ̂m sê mi ekwùtwəyn è kɨsè ə chi.

Tsì ə̀təyn ə wàmnə̀ se zəyn ghɛ ə pìə nə, “Kə ghàyn fayn. M ke ndô nə ghàyn kyiŋə Njisə̀s vɛ ə tè paynte awâmnè. È va fâyn, è və zòmə̀ ke eghɨ kə è tè pi. Ghàyn pəyn fe èluʼ vɛ ə tè nyɨ̀ŋse vəyn ətəyn.

Njisə̀s ə pìə sê ghənə nə, “Kə ghàyn fayn. Ghàyn ndu tsayn sê chùmtè epàm sɨm sɛ ə se nyi kə ghɔnyì ghɨmə nə ghənə ndu ə Ngalìlî. Ə̀ nyì fumə ə ghənə nə̀ fe mi.”

Ghɨ kɔʼsə nə eshyə̀ engaŋtəghe ə kwəynə̂ yîghə̀ chəʼse ə nə̀ èpɨaʼtê ə ghənə̂zè, ə fo èkɛ etsɨəve sê sokə̀ʼ sɛ. Ghənə ə pìə sê ghənə nə, “Ghənə tsayn nə chùmtè èpàm sə Njisə̀sè pəyn ètuʼve ə chɔŋɔ èwiyn ə vəyn mə ghàyn pɨənə̂ ndò.’ Mə Paylɛ̀t zɨ nə ə̀ nyi eghɛ zɛ ə ze kyâyn, ə ghàs ke kèpi eghɛ zɛ kə ghàs nə̀ tsâ sê vəyn se kɨ̀ytə vəyn kə ghàyn tàʼa nji ə ngəʼ.” Sokə̀ʼ sə təynse ə fiə èkɛ nə vɛ ə nə̀ kə kə̂ ghənə pî. Ə̀ za nyi akaŋ nə kɨ̂yn ə ghɨə Njûsghè tè waŋ ka se zaʼâ ndàyn.