Популярні біблійні вірші з यहुन्ना 16

Поділитись

में थाकाँऊँ ईं बाताँ ईं वाते किदी के, थाँने माराऊँ सान्ती मले, दनियाँ में तो थाँने दुक मल्यो हे पण हिम्मत राको, में दनियाँ ने जीत लिदी हे।”

पण जद्याँ हाँच की आत्मा आई, तो थाँने हारई हाँच को गेलो बता देई, काँके वाँ खुद का आड़ीऊँ ने केई पण ज्यो कई हूणी वो केई अन आबावाळी बाताँ थाँने बताई।

अबाणू तईं थाँ मारा नामऊँ कई ने माग्यो, मांगो तो पावो अणीऊँ थाकी खुसी पुरी वे जाई।

तो भी मूँ थाँकाऊँ सई केवूँ हूँ के, मारो जाणो थाँका वाते हव हे, काँके यद्याँ मूँ ने जाऊँ तो वो हण्डाळी थाँका नके ने आई। पण यद्याँ मूँ जाऊँ, तो वींने थाँका नके खन्दा देऊँ। जद्याँ वो आई तो वो साबत करी के, पाप, धारमिकता अन परमेसर का न्याव का बारा में दनियाँ का लोगाँ की होच गलत हे।

ईं वाते थाँने भी अबाणू दुक हे, पण मूँ थाँकाऊँ पाछो मलूँ अन थाँको जीवड़ो खुसीऊँ भर जाई अन थाँकी खुसी थाँकाऊँ कुई ने कोस सकी। “वीं दन थाँ माराऊँ कई ने पूछो। मूँ थाँने सई-सई केवूँ हूँ यद्याँ मारा बापूऊँ कई मांगो तो वो मारा नामऊँ थाँने दी देई।

मूँ थाँने सई-सई केवूँ हूँ के, थाँ रोवो अन होक करो, पण आकी दनियाँ राजी वेई। थाँने दुक वेई, पण थाँको दुक सक में बदल जाई।