Популярні біблійні вірші з Markos 13

Поділитись

Ririh ngayan mu ka pqnqihun namu daha hbaro seediq. Kiya de ini klgelu knremun ka seediq we maha dooyun baga.”

Qlhangi, kiiyo ka yamu. Ado ini namu klai meeyah knuwan ka ali ciida.

Desun namu daha ma sbege namu daha seediq ciida we, iya plaale pslhebun mprengo su maanu. Betaq ciida, maanu ka kari bnege mu sunan we kiya ka rngaani. Ado uxe yamu ka gaga rmengo, Bgihur Utux ka kiya.

Mpkuuka ka karac ma dxeral. Kiya de kari mu we uxe mpkuuka ani betaq knuwan.”

“Ali ciida ma knuwan we ani ima ini kela. Ani snkgulan ga baro uri ma Laqi seediq uri we ini kela. Wano Tama nanak ka mkela.

Mbahang namu mccebu ma hrenang bgihur mccebu ciida, iya kiicu. Ida asi ka mooda so nii. Ani so kiya, uxe qnhdean nana.

So kiya de, yamu we kiiyo. Ado ini namu klai meeyah knuwan ka tnpusu sapah. Ye gbiyan ho? Ye ceka rabi ho? Qgquwan rodux ho? Mgrebu ho? Uxe uri we asi lux meyah, taan namu na nii mtaqi. Kari srengo mu yamu we, kari rnengo mu kana seediq uri, Yamu we, kiiyo!”

Mccebu seediq ka seediq, mccebu qnlhangan ka qnlhangan. Maha hbaro niqan krayan ma runu. Kana so nii we kiya ka prdingan ba mqraqil.

Kiya de, asi ka pllayun gmarang kana qnlhangan ka malu kari nii.

Meeyah ka hbaro seediq pooda ngayan mu, rmengo: ‘Yaku ka Kiristo’ mesa mpsridil hbaro seediq.

Asi namu ka qmlahang nanak. Ado meeniq ka seediq, bege namu daha prngagan. Psruun namu daha sapah pssliyan. Ririh yaku ma mpheyu namu berah dmpdudul ma dqbsuran paru. Pgkela namu dheya.

Ado meeyah ka mnnangi Kiristo ma uxe bale ba mpgeela kari mooda meepah pnskraya qneepah utux ma sklwiun ooda. Nasi mtduwa we, maha mpsridil seediq gneegan Utux Baro uri.

“Meniq ali ciida, kiya ka bobo mqraqil, pnkmanun ka hido, uxe mpkledax ka idas uri. Mptuting peeyah karac ka pngerah, slgelu kana ka niqan klegan ga baro.