Популярні біблійні вірші з O KEJADIAN 8

Поділитись

Mabounu mahemoro o huhuba wohihuba-huba gënanga yasanangi ma Jou Ai hininga, deʼ ünanga wotemo ai hiningaka, ”Ngohi aha kowalioka Talolai o dunia nënanga karana o nyawa manga manarama; Ngohi tohiöriki kaogikiri magöohi, o nyawa manga dibanga gënanga itorou. Ngohi aha komaiwaka tabinaha hagala o dodadi iwowango-wango hokä nënanga ahaö Tadodiai nënanga. Hokokia madekana naga o dunia nënanga, salalu aha naga o dadatomo maöraha deʼ o gugutuku maöraha, o dumamata maöraha deʼ o hiwara maöraha, o wange-wange deʼ o hutu-hutu.”

O Nuh wohigoko o gahumu moi o huhuba mangï mangale ma Jou. Wal̄e o rupa moi-o rupa moi ototaleo moi deʼ aiwani mahomoaohi ihohalali, daha wohihuba hokä o huhuba yatö tuhu-tuhuku o huhuba mangï gënanga mal̄okuoka.

Ma Jou Madutu wïwohangua o Nuh deʼ hagala o aiwani naga dede ünanga o kapa gënanga magoronaka. Ma Jou Madutu wadiai o hidal̄oko iwuwu, hiädono o akere gënanga imulaenge iowaha.

O wange o bobimaoa o totaleo gënanga imakilioro ünangika iao o hoka moi o zaitun magota mahoka ma hungi-hungi ma uruoka. O öraha nënanga o Nuh wohiöriki o akere iowahoka.