Популярні біблійні вірші з O KEJADIAN 18

Поділитись

Boteka naga o kianaga moi ma Jou wakunua Wadiai? Hokä kangano tahetongoka, o mede hiwohi ngohi aha Tainoli nenangino deʼ o öraha gënanga o ngo Sara aha mongohaka o ngohaka o nauru.”

Hababu gënanga o ngo Sara moiete ami hiningaka deʼ mo temo, ”Ngohi ihiperekioka deʼ hokonenanga tomaai, kaidadiohi katonahihuohi tomahiganu deʼ ahi rokata? – Inoli ahi rokatö maʼ iwi perekioka.”

Koigoungua karana aidifauku aha yodadi o hoana deʼ o berera ma ago-agomo deʼ yokokuaha? Koigoungua karana ünanga, mata-mata o berera deʼ o hoana o duniaka aha Tahi barakati?

O Abraham womahitigi deʼ wïleha, ”Itiai bote Jou nomau näbinaha o nyawa manga howono koiwa-iwa, kamamoi deʼ o nyawa deʼ manga howo-howonoka? O demo ma ade naga yamoritoa o nyawa yahowonua o kota gënanga magoronaka, botekä mata-mataika o kota gënanga Jou aha nabinaha? Kana ampongua ona Jou, hupaya yamoritoa gënanga yohalamati?

Ma Jou wïtemo, ”O demo ma ade Tämake yamoritoa o nyawa yahowo-howonua o Sodom mabereraka, aha Tä apongo mata-mata ika o kota gënanga mangale önanga.”