Популярні біблійні вірші з Éxodo 3

Поділитись

Abebö a̧ja̧kwökwe: —Ötjödasa Isabenö Jo̧ mikwoma. Yökawodönö, Isabenö Jo̧ma weijatö ötjönöma ökwödönö pjabatö— yöba̧lijetö Diosma Moisésnöma.

Jejenö atadiökwe: — Moisés, ötjöma ökwökwö chö̧jakwo̧sa. Ötjö Diossa ökwönö webo̧, Israel jojodönö Egiptotjö lakebobö. Ja̧danö, ökwönö kwöwaisachibobö chi̧sebocha, Isabenö ötjönö webinama Diosda, jö̧ba̧lö. Baikwö kwöwaischibobö baledakobe: Moisés, ötjö chömöledönö Egiptotjö labebö öbibö kwi̧'yaja̧ ikena bi'onöda ichibö kwösödaduwakwedöja ötjönöma— yöba̧lijetö Diosma Moisésnöma.

Ikenama Isabenö Jo̧ma jö̧ba̧lijetö: —Moisés baikwö yö̧nema ichibökönuwi. Ötjöma Dioschobetjö̧ bemi niji kwö̧jatemima wainöemi, ötjö chö̧jemima. Jo̧kwaobetjö̧ sapatu yo̧bekwi, ötjönö jweinö omukwatö— jö̧ba̧lijetö.

Ikenama Isabenö Jo̧ma jö̧ba̧lijetö: —Isabenö chedobe ötjö chömöledönö, Egiptonö ju̧kwadönö juluwanö tjotidobö wetjobema, jwiinö inia tjötjinö. Ja̧danö, tjuluwedötjö tjö̧jibinö pjatatobö jwötjeba̧li̧ma cha̧ja̧kwobe. Chöwaisa, jwiinö usula tjemawobe, jö̧ba̧lö. Jo̧kwaitjö̧ mölejebetjö chichatö chömöledönö pjatatobö, Egipto jojodötjö tjö̧jibinö. Ja̧danö, Egiptotjö latjebinö pjatatobö chichatö, jelobe tji̧'yobö. Tji̧'yakwemima jwiinö otiwobe, ja̧danö jalobe, ja̧danö, a̧ji̧kwakwawedönö tjöbötjatemi otiwobe, ja̧danö batjo tjujunakwemibi otiwobe. Jobema ju'wedö tjitebo: Cananeo, heteo, amorreo, ferezeo, heveo, jebuseo jojodö tjiteboma— jö̧ba̧lijetö Isabenö Jo̧ma—.

Ja̧danö, baikwö baledijetö: Isabenö Jo̧ma ángeldanö ichejekwo̧ öwawachijetö Moisésnö, ösötje okwatjö ökwöla ubi̧danö ubinö. Moisésma jötje edinö ¡ayö! ötjema ubijayonö ubö lokötjeda ja̧, jö̧ba̧lö eda̧lijetö.

Jo̧kwaobetjö̧ Moisés, Egiptobe kwi̧'yobö wetakwö, faraónnö abebö ötjö chömöledönö, Israel jojodönö weobö, jobetjö ökwökwö latjebobö— yöba̧lijetö Isabenö Jo̧ma.