Популярні біблійні вірші з Rom 12

Поділитись

Ma langi musi iili sulia malutaa taꞌa la molaagali naa. Ma lau ana, muka lugasia God ka oolisia na mourilaa gamu ana faafaalulana na manata gamu, haia muka haitamana taa naa e diana ma e oꞌolo ma taa naa e faaelea a God. Sulia na doo nae gi naa a God e dooria.

Haia, oote waihaasi nau gi ae, sulia na kwaimanatailaa God fuaga e baita asianaa, nau ku gani gamu, haia muka falea na mourilaa gamu fuana a God iilingia ta kwaisuusia, eeri muka iilia na raolaa aabu na e faaele nia. Sulia nia naa na fooasilana mamana.

Muka eele sulia na fiitoolaa gamu. Ma muka gwaromaabe si kada mu daotoona afetailaa gi. Ma muka fooa ana si kada gi sui.

Haia, langi musi lugasia na taꞌalaa ka liufi gamu. Gamu ana naa, muka liufia na taꞌalaa ana na aade dianalaa gamu gi.

Muka rakediana tasa fuagamu kwailiu, sulia gamu na bare waihaasina ana a Christ. Ma muka manata baita ani gamu kwailiu.

Haia, na rakedianalaa na gia too ana fuana tooa gi, nia bobola uria rakedianalaa mamana, ma langi gia si kwaiilifai. Ma muka oote gamu ana taa naa e taꞌa, ma lau ana muka dau ngasi ana taa naa e diana.

Muka iilia na doo gi sui na e waluda fuagamu eeri muka too kwaimaani fai nia tooa gi sui.

Oote ruana nau gi ae, lea ta iimola e aadea tesi doo ka taꞌa fuagamu, lugasia langi musi duua. Sulia a God na ana na wane uria falea kwakwaea. Sulia na Kekedelaa Aabu e haea urii, <<A Lord e haea, <Tara nau ku duua, ma kuka oolisia na doo gi.>>>

Muka rao rigita, ma langi musi noni eela. Muka rao fuana a Lord fai nia eelelaa.

Ma sulia a God e falea na mamanaa fuagu, nau ku haea fuagamu sui: muka too faasia na manata baitalaa ani gamu i talagamu ka tasa. Ma lau ana, muka faatoꞌou gamu ana i talagamu, ma muka manata suli gamu i talagamu iilingia na baitalaa ana fiimamanalaa na a God e falea fuagamu.

Lea ta iimola e aade taꞌa fuagamu, langi musi oolisia ana aade taꞌalaa. Muka iiliili uria iililana si taa naa iimola gi sui gera manata sulia nia diana.

Muka too kwaimaani fai nia tooa gi sui. Langi musi lafe, ma lau ana muka iilia na raoa fuana tooa ete gi. Ma langi musi manata hasa mu liotoo asianaa.

Ma muka roosulia na Kekedelaa Aabu na e haea, <<Lea na maalimaea oe e fiolo, oko hangonia. Ma lea nia maeligwou, oko falea gwoulaa fuana. Sulia lea o iili urinae fuana, tara nia ka ida asianaa sulia si doo taꞌa gi na nia aadea fuamu.>>

Haia, na tooa gi na da iinokesi gamu, muka fooa eeri a God ka faadiana gera, ma langi musi gania haia ka falea kwakwaelaa fuada. Muka eele fai nia na tooa gi si kada gera eele, ma muka liobukonu fai nia na tooa gi si kada gera liobukonu.

Ma muka ado ana doo gamu gi fai gera na waihaasi gamu gi ana Christ na da siofaa. Ma muka gonitainia na tooa na da dao, eeri gera ka too i laona na luma gamu gi.

Haia, gia na tooa na gia manata mamana ana a Christ, gia gi iilingia ta noni. Ma na noni nae ka too ana bali doo oro gi, ma na bali doo naa gi na raoa gera gi eꞌete kwailiu. Sui boroi ana gia na tooa oro gi, gia ka iilingia tesi noni go ana oofuofua gia fai nia a Christ, ma gi lado fai gia kwailiu iilingia bali doo eꞌete gi ana tesi noni.