Популярні біблійні вірші з MARK 10

Поділитись

Ahni ani hab wa masma si s‑hemajim i em‑wehmt ch pi ab hu ni‑haꞌichuchud em‑dahm, chum anis d Jiosh si Kehsha. Ab o em‑wui him g s‑koꞌok namkidadag heg hekaj pi ap em‑chuꞌijig. Nt wabshaba ahni em‑wehhejed wo nako mamt wo e wupulꞌo.” Neh, bash kaij g Jesus.

Kutsh ab i ha nei g Jesus k hab kaij, “Oꞌodham wehhejed o s‑hasig ch wabshaba am Jiosh wehhejed pi hasig. Jiosh at wo e nako mat wehs hab wo juh mo haschu i tatchua.”

Kush hab kaij g Jesus, “S‑ap g e tahtk k hihm. Doa apt nap pi ab ni‑hiwig.” Tsh am ha hekaj wabsh i apꞌet k nei haꞌichu k gam hu hahawa i oi g Jesus.

Pi o hab shaꞌi mahs mas g oꞌodham wo ha gawulkai hegam mat g Jiosh ab i ha wehnad.”

Tsh Jesus ab i nei ihda k ab si pihk i e el wui k hab kaij, “Hemako haꞌichu apki pi am hu hab wua. Him k gagda map haschu i eniga k ha mahki g namkigaj g shoꞌigkam k ab wo i him k ab si ni‑wecho wo e mashchamad ch an haha wo edgidad g baꞌich i s‑kehg kaisdag Jiosh kihdag ed.”

Sh hab kaij g Jesus, “Shahchu ant hab wo m‑juni?” Sh hab kaij g pi neadam, “Ni‑kownalig, ab g i ni‑doajid mant wo nent.”

T wabshaba pi hab masma hab wo shaꞌi chum mahsk am em‑shahgid ahpim mam ab ni‑hiwig. Mt wabsh si s‑hemajim am wo i ha wehmtad g e‑wehm wohochuddam hab sha masma mam d wabsh ha‑pionag mamtp wo tatchuad mamt wo ha wanimedad.

Nt wo si shel em‑ahgi mamt hab waꞌi masma am wo i wahp.”

Kut wabshaba hegam mo wabsh hejel chum si e haꞌichuchud hahawa pi d wo haꞌichuk. T hegam mo hejel pi e haꞌichuchud am hahawa d wo si haꞌichuk.”

K wabshaba ged hu i shohshonkam am ahgas: Jiosh at am ha nahto g cheoj ch uwi mat d wo e wehhejedkamk. Kut id hekaj g oꞌodham wo dagito g e‑ohg ch e‑jeꞌe k am wo i e wehmt g e‑hohnig wehm. Kut hegam gohk hab wo e juh mat d wo hemakok. Pegih, t pi hab hahawa ep wo mahsk mat d wo gohkk ch wabshaba d wo hemakok.