Популярні біблійні вірші з KUHALAWA 34

Поділитись

Abaho MNDEWA kabita haulongozi wa Musa, kalonga, “Nie iyo YEHOVA! MNDEWA! Mulungu mwene bazi na mwene ngekewa, nilibule lusango lwa himahima, nimemile noge dilekile kuhuha, na kuwabule uzenzeleganye. Nogendelela kudilagusa noge jangu dilekile kuhuha ha maalufu ga milelo, nowagela kumgongo waja wali wavu na waja wahonyele na watendile vilozo, ila nowasuna awo woneke kuwa wavu na siwatagusa hewo weiyeka ila hamoja na wana zao na wana wa wana zao, mbaka mulelo wa ikadatu na mulelo wa ikane.”

“Sambiumtambikile mulungu iyagwe yoyose, kwavija nie, MNDEWA, nikemigwa wivu, nie iyo Mulungu mwene wivu.

Abaho MNDEWA kamulongela Musa, “Notenda lagano jangu hamoja na Waislaeli. Haulongozi wao notenda mizonza hainatendeka hanhu hohose muulumwengu na muundewa wowose. Wanhu wose awo uukala hagatigati yao wozona sang'hano ng'hulu zondanitende, kwavija notenda mbuli ya mkanganyo sama yako.”