Популярні біблійні вірші з Waefeso 6

Поділитись

Koro viha vyehu hwivyokujwanani ntahukwakujwanani na mwazi na nyama dzaswi! Ela hwakujwanani na mahaju ya mpepfo nzuka na sirikali zao. Hwakujwanani na nguvu za kiza zizokujut̯awalani huju lumwengu na nguvu za mpepfo nzuka ziizo humu angani dzuu.

Yombani kut̯wa dza vya Ruhu Mudheru evyonamuwezesa, mukimuyomba Muungu kwa haḍya zenu zonse. Wani matso na mugije kuyomba kut̯wa! Na mukwakuyombani wayombeyeni na wantu wonse wa Muungu.

Vwaani silaha zonse mupfegejwezo ni Muungu ili mupate kuid̯angara mipango mizuka ya Shaat̯ani.

D̯ubva vwaani silaha zonse za Muungu amumpiyezo, ili kwamba mazuka yakimufika mutseuja na nyuma. Na mukijwana hat̯a mwiso munasumama imara dza viviḍe.

Zaid̯i ya hayo, faro yenu naiwe dza ngao ya kugija mukononi ipate kumuchinga na vyembe vya moho vya Muzuka Shaat̯ani evyonamupfanukia. Upfokeyeni mupfonyo wa Muungu amumpiyeo, uwe dza nkofia ya chuma ya kumuchinga kitswa. Na gijani hichi chuuwo cha Muungu kiwe dza yupfanga mwijonapfegwa ni Ruhu Mudheru.

Ndookomu dzifungeni mukae t̯ayari. Hi hachi naiwe dza mulao wa kudzifunga chunoni. Maisha yenu ya kuhenda yeyo ya hachi nayamuchinge dza hiviḍe vya nguo ya chuma ivyonamuchinga asikari humu ḅagwini. Na haya *Maagu Mema yeyonamumpa naghea, nayawe dza viyahu vyenu vya kuvwaa vimumpe kut̯araga gu!

Chuuwo changu cha mwiso ni kwamba, Ḅwana namumpe nguvu kuyawana na uwezowe mukuu.

Vyoregwa kwamba, “Muhile babajo na mamajo ili uwe na naghea na upate kuishi maisha mayeya hapfa lumwenguni.” Hi ndiyo amuri ya d̯ura iyo na ahad̯i kahi ya amuri zonse.

Nywinywi wana, wat̯iini wavyazi wenu dza vya Ḅwana evyonatsaka, koro ndivyo mwivyonamala kuhenda.