Популярні біблійні вірші з 1 Tesalonicenses 5

Поділитись

Ma ji'c siempre injo̱jtat. Ora̱tí̱jca siempre. Nʉmí̱jcaja Dios ni'ctiyu̱s̈ pa nu'pʉjʉn cosa, ni'c jemé ayé Dios iwampay nawátca ni'c nacupʉjcap Cristu Jesús.

Mit ayé Dios nas̈moygapay paz pi is̈limpia̱tcajac nu'pʉjʉn mal, pi is̈cuida̱tcajac nu'pʉjʉn, in-espíritu imvida mit incuerpu, pa nepʉn ma is̈caculpa̱tcac hasta ayé s̈ʉjw imi'nwa'n el Señor Jesucristu. Dios icumplia̱tp mit je' nas̈ya̱s̈cau. Mit je' nas̈actuwatcáj nu'pʉjʉn ayʉ̱́j cosa oyway.

Nicuidá̱tcʉjʉ pigawatcaja mal jeme is̈watcajapay mal. Po siguiá̱tca is̈watcawa'n oy minu'pʉjʉjnat, mit watí̱jcaja oy nu'pʉjʉn jayajwat.

Jemni'c ni-animá̱tcʉjʉ minu'pʉjʉjnat mit nimájyigʉjʉ pa incupʉjcawa'n más, ni'c yename is̈watí̱jca.

Hermanujat, tʉnʉmgajapey pi tsawiga jeme candʉ'jnatway pa iyos̈watcawa'n, pi anima̱tca jeme yo'ygapay desanima̱tic, pi majyiga jeme cacupʉjcapay oy, pi aguepca calma mit nu'pʉjʉn jayajwat.

Ni'c Dios nas̈caya̱s̈cawu pa nas̈condena̱tcáj. Je' iwamp nanisalva̱tcʉjʉwa'n, mit i-acmin el Señor Jesucristu pa nas̈salva̱tcáj.

Ni'c nu'pʉjʉn mijchat miyo'ygap Dios iluzni'c mit mitsʉ̱ngáj oy en ayé s̈ʉjw imi'nwa'n Jesús, ni'c ingawatcap mal as̈am jayajwat cacupʉjcapay, ni'c je'jat as̈am jeme yo'ygapay tsu'm chitimicni'c.