Популярні біблійні вірші з 1 Corintios 3

Поділитись

¿Ingajawigap ni'c mijchat as̈am Dios itemplu mit Dios i-Espíritu tsʉ̱nap injo̱tni'jcat?

Ni'c nepʉn ca-oyap iguini'p jatu'c base más que jeme itnupay. Ayé inʉmo'jcʉp Jesucristu.

Jemni'c jeme ni̱pay caje' neti ne jeme nʉ'mutspay, po Dios ayé jeme i-acye'cpay nu'pʉjʉn.

Ni'c ʉjtsat tʉnmuyos̈watcap Dios. Mijchat as̈am tu'c cam jeme Dios i-acye'cpay. Mit je' is̈watcawey as̈am tu'c tʉjc.

Po cuque's̈áj lo que iwatway cada jayau en ayé s̈ʉjw ijuzga̱twa'n Dios, ni'c cuque's̈áj mit jʉjn, mit ayé jʉjn iproba̱táj lo que iwatway cada jayau.

Mit jeme ni̱pay mit jeme nʉ'mutspay nije'jatu, po cada jayau Dios iguitso'gáj as̈am iguiwajt.

Nepʉn maganiwe̱jtʉ je'yu. Te tu'c jayau mam mijchat pensa̱tp ni'c ijatp may en ayʉ̱́j tiempu, ma niwajtʉ as̈am igajatpay pa ma oya iguipʉctanwa'n iyacs̈ta'cway.