O PENGKHOTBAH 2
2
1Ngohi taputuhu mangale tohi sanangi ahi diri dika mangale tohiöriki okia ahi utumu. Mä inyawa gënanga kaparahaja. 2Ngohi idadi tamao o giete ganga o bodo deʼ o sanangi koiwa mabaraguna. 3Ihihi titila ahi nahihu mangale idadi tosawaro, ngohi tomau mangale tomahi sosanangi de tokere o angguru deʼ torameanga ma ago-agomo. Tatobote gënanga madodagi duru maoa-oa o nyawaika mangale yajame manga ngango mamodipoko o duniaka nënanga. 4-5#1Kok. 10:23-27; 2Taw. 9:22-27 Hagala o gao-gao ma ago-agomo tadiaioka. Tohigoko hagala o tau mangale ngohi. Todiai o bunga-bunga madumule deo angguru mautu deʼ hagala rupa o hohoko mautu. 6Tofaiti o baiti mangale tohihahuru o bunga-bunga madumule deʼ o dumule-dumule gënanga. 7#1Kok. 4:23 Tongohi kamanga ngöe ahi gilaongo, yaoa täijaino, yaoa ima kokil̄au ahi tauoka. Ahi aiwani o gigini iholoi ikurutika iwöe ngaro o nagonaö manga aiwani o gigini mamoi iböto yogogere o Yerusalemoka. 8#1Kok. 10:10, 14-22 Tatoomu o haaka deʼ o gurasi o soungu mahasilino hagala o kokoanoino hagala o berera ahipareta matimiuku. Yonyanyanyi o nauru deʼ o ngoheka yasanangi ahihininga de toönanga manga nyanyi-nyanyi. Tapakeino o hekata paliara manga ngöe taö igo-igo.
9 #
1Taw. 29:25
Igoungu, ngohi iholoi tolamoko ngaro o nagonaö mamoi iböto yogogere o Yerusalemoka, deʼ ahi barija kahirahi i kurutil̄e. 10Hagala ahi nahihu, tohiaikoka. Komaiwa ngohi tatumungu ahi diri mangale tajame o sanangi okiadika. Ngohi tomahi lamoko hagala ahi huha de ahi kangale mahasili, deʼ gënanga ahi hewa. 11Mä ipaha tatailako tohidodiai hagala ahi gao-gao, deʼ gënanga ahi huha de ahi hangihara o mangale taböto hagala o gao-gao gënanga, daha ngohi tamao mata-mata gënanga koiwa ma mangarati. Ahihidailako gënanga kaparahaja hokä toginïki o hidal̄oko dika. 12Sarakiaö dika womatengo o koano wakunu wadiai duga-duga okia yadodiaioka o kokoano ihira de ünanga.
Daha muläenge ngohi tomapikiri: Okia mamangarati idadi o sawaro ekola o fuma ekola o bodo? 13Igoungu, ngohi tohiöriki,
”O barija iholoi yaoa ngaro deo bodo,
hokä o dararono iholoi yao ngaro deo huhutu.
14O nyawa yososawaro yakunu yamake manga meta yodumutika;
o nyawa bodo hokä yotagi imahi bobabal̄anga.”
Mä ngohi tohiöriki okia aha idadi kaimakadaene aha yatapal̄u önanga mata-mata. 15Daha tapikiri, ”Okia idadi yatapal̄u o nyawa bodo ahaö tämake. Ho, okia mabaraguna hagala o barija?” Daha tal̄ë madipoko o barija gënanga igoungu kamamoiuku koiwa mabaraguna. 16O nyawa yobodo-bodo aha demajapati yawohanga, mä o nyawa de toönanga manga barijaokaö aha yohiningaokaua. Itotedekana ngone mata-mata aha ihihanga nanga hiningaka. Ngone mata-mata kiani hohonenge, yaoa yososawaro yaoa yoföfuma-fuma. 17Hababu gënanga o ngango koiwa mamangaratioli ngohino, mahomoa kowali. Mata-mata kaparahaja; ngohi toginikoka o hidal̄oko dika.
18Hagala ahi manarama mahasili deʼ tomä make-make aha koiwa mabaraguna ngohino, hababu ngohi kiani tïgumal̄a wohitotagalika. 19Deo nagona ihiöriki boteka ünanga wosawaro ekola wo bodo? Mä sarakiaö dika ünanga aha idadi madutu ahihidailako mahasili tomö make-makeoka madekanino towango o duniaka nënanga ahi huha de ahi kangela mabarakati deʼ ahi barija. Ho, genangö kaparahaja. 20O öraha nënanga tomatoduba tokarajangoka hoko gënanga magiria. 21Hababu o nyawa yokarajanga magiria de yapake hagala manga barija, manga ganako deʼ ai sawaro mangale wamake okianaga moi. Mä mabahaka ünanga kiani wimal̄a hagala ai huha de ai kangela mahasili o nyawaika kautuö de koiwa wohihupu ai gahauku mangale gënanga. Hoʼ, genangö kaparahaja, ikali i goungu iadilua! 22O nyawa manga umuru magurutu yokarajanga itubuho deʼ imahihuhuha; daha kiaka manga huha de manga kangela mahasili yakunu wohi amo-amoko? 23#Ayb. 5:7, 14:1 Okia dika ünanga wododiai madekana woma ngangoika, iwigao o hangihara deʼ o hininga mahiri unangika. Maöraha o hutu-hutuö maihininga irïdua. Hoʼ, mata-mata gënanga kaparahaja kamamoiuku.
24 #
Pkh. 3:13, 5:18, 9:7; Yes. 56:12; Luk. 12:19; 1Kor. 15:32 Koiwa iholoi yao mangale o nyawa mahomoa de o inomo, o ngokere deʼ yajame manga karajanga mahasili. Ngohi tamao genangö ma, ma Jou Madutu Ai ngongike. 25O nagona yakunu yol̄omo deʼ imahisosanangi de ma Jou Madutua? 26#Ayb. 32:8; Ams. 2:6 Ma Jou wahidöaka o barija, o ganako deʼ o utumu o nyawa yasosanangi Ai hininga. Mä o nyawa yobobaradoha wähuloko yokarajanga imä lingiri manga inomo o wangeil̄e deʼ yatoporono manga hasili mangale ihilapahi o nyawa yasosanangika ma Jou Madutu ai hininga. Hoʼ, mata-mata gënanga kaparahaja hokä ihi dailako yoginïki o hidal̄oko.
