Lukas 6 Popüler Kutsal Kitap Ayetleri

Paylaş

Mangatád kam, tánni atádden kam be nu Diyos; ti tama a takal, natádtád sakay magsápway. Dipo ni ánya u ginamit moy a págtakalan tu agum ay itod be u gamitán nu Diyos nikam.”

Konna labi iye tu tolay, u mabait a tolay ay makapangatád ti maganda dipo mabait siya. U madukás a tolay ay makapangatád ti madukás dipo putat ti kadukássan u puso na. Dipo ni ánya u lumuwas tu labi nu tolay ay siya labe u atoy tu puso na.”

Nan mahalán moy u kadima moy hide. Mággimet kam ti maganda nide sakay magpaáddem kam a awan dán umasa ti ánya pa man a bayad. Tánni dakál u piremyo a matanggap moy. Tán hikam u magin anak nu Dakila a Diyos. Dipo siya ay makákkagbiyan tu mágkadukás sakay tu awan hide tumáttenggi ti utang a luub nikuna.

Dapat makákkagbiyán kam, konna tu Ama moy a Diyos.”

“Dyan kam humatul tánni awan kam hatulan nu Diyos. Dyan kam be magparusa tánni awan kam parusaan nu Diyos. Mágpatawaden kam tánni patawadán kam nu Diyos.

“Pero kagiyán ko nikam a mágsaneg hide nadid. Mahalán moy u kadima moy hide sakay maggimet kam ti maganda tu maiyamut hide nikam. Pagpalaán moy u mángsumpa hide sakay idasal moy u mangape hide nikam.

Gimitán moy tu agum u gusto moy a gimitán di be nikam.

Ni dapangán dikam ay ipadapang moy pa u dilupot. Ni alapán de u alikábkáb mo ay iyatád mun pate u badu mo. Atádden mo u magaged niko sakay ni te nangalap tu kabiyagan mo ay dyan mu pesole.

“U maganda a kayo ay awan magbunga ti madukás. Konna labe hod tu madukás a kayo, awan iye magbunga ti maganda.

Matengge u kayo tu pamamag-itan nu bunga na. Dipo awan ka makabudás ti bunga ni igus tu ponan a masaet. Sakay awan be makabudás ti bunga ni ubas tu ponan nu dawag.