जोहन्‍ना 16 Popüler Kutsal Kitap Ayetleri

Paylaş

“ईंयां गल्‍ला बोली मंऐं तम्हां का तै कि तम्हां मुंह दी शांती भेटे, संसारै हआ तम्हां भारी कष्ट, पर हैअ डाहै, मंऐं हेरअ संसार ज़िती।”

पर ज़ेभै सत्तो आत्मां एछणअ, तेऊ खोज़णीं तम्हां का सत्ते सह बात। किल्हैकि तेऊ निं आपणीं बाखा किछ़ै गल्‍ल खोज़णीं। पर ज़ुंण तेऊ परमेशरा का शुणनी, तेऊ खोज़णीं तिंयां ई गल्‍ला अर आजू हणैं आल़ी सारी गल्‍ला खोज़णीं तेऊ तम्हां का।

अज़ी बी निं तम्हैं मेरै नाओंऐं किछ़ै मांगअ आथी, ज़ै तम्हैं मांगे, तै जाणीं तम्हां सह गल्‍ल भेटी ज़ेता तम्हैं मांगा ताकि थारी खुशी पूरी होए।

“तैबी खोज़ा हुंह तम्हां का सत्त आसा इहअ कि मेरअ डेऊणअ आसा तम्हां लै भलअ। ज़ै हुंह नांईं डेऊं, तै निं सह मज़त करनै आल़अ तम्हां सेटा लै एछणअ। पर ज़ांऊं हुंह डेऊणअ, तेखअ छ़ाडणअ मुंह सह तम्हां सेटा लै। तेऊ लाणअ संसारे मणछा लै दोश कि तिन्‍नैं किअ पाप। तिन्‍नां का रहैऊंणअ तेऊ कि तिन्‍नैं निं परमेशरे साबै धर्म किअ अर इहअ बी कि परमेशरा करनअ एकी धैल़ी ऐहा गल्‍लो नसाफ किल्हैकि तिन्‍नैं निं तिहअ किअ ज़ुंण परमेशरै तिन्‍नां लै बोलअ त।

“तम्हां बी आसा एभै शोग, पर हुंह एछणअ तम्हां सेटा लै भिई अर तम्हैं हणैं तेभै खुश अर तैहा खुशी निं तम्हां का कोहै छ़ड़ैऊई सकदअ। तैहा धैल़ी निं तम्हां मुखा किछ़ै पुछ़णअ। हुंह खोज़ा तम्हां का सत्त कि, ज़ै तम्हैं बाब परमेशरा का किज़ै मांगे, मेरै नाओंए दैणअ तेऊ तम्हां लै।

हुंह खोज़ा तम्हां का सत्त आसा अह कि तम्हैं लेरनै हिक्‍का पटाक्‍की अर तम्हां जैंदरी पल़णअ शोग, पर एऊ संसारा मनाऊंणी खुशी। पर थारअ शोग बदल़णअ खुशी दी।