1 पतरास 2 Popüler Kutsal Kitap Ayetleri

Paylaş

पर तम्हैं निं तिहै आथी, तम्हैं आसा परमेशरै आप्पू लै छ़ांटै दै। तम्हैं आसा तेऊ परमेशरे च़ाकरी करनै आल़ै प्रोहत ज़ुंण राज़अ आसा। तम्हैं आसा पबित्र अर परमेशरे आपणैं खास लोग ज़ुंण परमेशरे च़ाकरी करा। तेऊ शादै तम्हैं न्हैरै मांझ़ा का महान प्रैश्शै लै ताकि तम्हैं परमेशरे महान कामें बारै सोभी लोगा का खोज़ी सके।

“ज़ेभै ईशू क्रूसा दी मूंअ, तेऊए देही दी दैनी म्हारै पापा पिछ़ू सज़ा। तेऊ किअ अह एते तैणीं कि पाप हाम्हां दी आजू राज़ नां करे, पर ऐबै हाम्हैं तिन्‍नां धर्मीं गल्‍ला करे ज़ुंण परमेशर च़ाहा। ज़ुंण कोल़े मार तेऊ ज़िरी, हाम्हैं हुऐ तेता करै नरोगै।” तम्हैं थिऐ पैहलै कबाता पेठी दी भेडा ज़िहै। पर ऐबै आऐ आपणैं हेर-सभाल़ करनै आल़ै फुआल मसीहा सेटा लै भिई फिरी।

होशे गूरै आसा थारै बारै अह गल्‍ल शुची बोली दी, “तम्हैं निं पैहलै किछ़ बी आथी तै, पर ऐबै आसा परमेशरे परज़ा, पैहलै निं तम्हां परमेशरे झींणें बारै थोघ आथी त, पर ऐबै आसा थोघ किल्हैकि तेऊ हेरी पैहलै ई तम्हां लै आपणीं झींण रहैऊई।”

ज़िहअ एभै पैईदा हुअ द शोहरू आपणीं माओ क्लुध च़ाहा, तेही लागा हाम्हां च़ाहा डाहणीं कि परमेशर हाम्हां का सत्त खोज़े, ताकि तम्हैं तेता शिखल़ी करै परमेशरा दी विश्वास करना लै ज़ुआन शोहरू ज़िहै होए। खिरी हणअ इहअ कि परमेशरा बच़ाऊंणै तम्हैं एऊ संसारे बूरी गल्‍ला का पठी।

मेरै पैरै भाईओ, हुंह करा तम्हां लै अरज़ तम्हैं सोठा ऐहा गल्‍ला, “तम्हैं आसा एऊ संसारै परदेसी” ज़सरअ असली घअर स्वर्गै आसा, तम्हैं करनी तिन्‍नां पापी कामां का दूर रहणें कोशिश ज़ुंण थारै प्राण करनअ च़ाहा। नांईं ता तम्हैं निं परमेशरा नेल़ रही सकदै। तम्हां फेर रहा तिंयां लोग ज़ुंण परमेशरा दी विश्वास निं करदै तिंयां सका इहअ तम्हां लै दोश लाई कि थारै काम आसा बूरै। तैही डाहणअ धैन कि तम्हैं किहअ बभार करा, ताकि तिंयां थारअ भलअ बभार भाल़े। खिरीए धैल़ी मनणी तिन्‍नां अह गल्‍ल कि थारअ बभार आसा भलअ अर खिरी करनअ परमेशरो अदर ज़ेभै मसीहा ईशू संसारे नसाफ करदअ पृथूई लै फिरी एछणअ।

तम्हैं आऐ प्रभू ईशू सेटा। सह आसा तेऊ खास पात्थरा ज़िहअ ज़ुंण घअरे आथरी दी आसा लाअ द, पर सह आसा ज़िऊंदी ज़ान। कई लोगै समझ़अ सह बृथा, पर परमेशरै छ़ांटअ सह अर सह बणाअं सोभी का खास। ज़िहै मणछ खास्सै पात्थरा करै घअर बणाआं तिहअ च़ाहा परमेशर तम्हां बी तैहा टोली दी कठा ज़ोल़णअ ज़ेथ पबित्र आत्मां रहा, ताकि ज़ुंण ईशू मसीहा म्हारी तैणीं किअ, तेता करै हाम्हैं बी प्रोहता ज़िहै होए ज़ुंण बल़ीदान भैंट दैआ अर तिहै काम करे ज़ेता करै परमेशर खुश हआ।

तैही छ़ाडा सोभी रंगो बूरअ बभार करनअ। होरी लै निं धोखअ दैणअ, नां छ़ल़-कपट करनअ। होरी लै निं ज़ल़ण करनी। कोहिए बारै निं बूरी गल्‍ला करनी।

तम्हैं आऐ प्रभू ईशू सेटा। सह आसा तेऊ खास पात्थरा ज़िहअ ज़ुंण घअरे आथरी दी आसा लाअ द, पर सह आसा ज़िऊंदी ज़ान। कई लोगै समझ़अ सह बृथा, पर परमेशरै छ़ांटअ सह अर सह बणाअं सोभी का खास। ज़िहै मणछ खास्सै पात्थरा करै घअर बणाआं तिहअ च़ाहा परमेशर तम्हां बी तैहा टोली दी कठा ज़ोल़णअ ज़ेथ पबित्र आत्मां रहा, ताकि ज़ुंण ईशू मसीहा म्हारी तैणीं किअ, तेता करै हाम्हैं बी प्रोहता ज़िहै होए ज़ुंण बल़ीदान भैंट दैआ अर तिहै काम करे ज़ेता करै परमेशर खुश हआ।

पर तम्हैं ज़िहअ च़ाहा, तिहअ करनै का निं तम्हां कोहै रोक्‍की सकदअ किल्हैकि तम्हैं आसा पैहलै ई म्हारै प्रभू ईशू मसीहा करै आज़ाद हेरै दै करी। पर एता निं पाप करना लै मोक्‍कअ समझ़ी। पर थारै कामां करै लोल़ी शुझुअ कि तम्हैं आसा असली दी परमेशरे च़ाकरी करनै आल़ै दास।

किल्हैकि परमेशर च़ाहा इहअ ई कि म्हारअ भलै बभारा करै छ़ाडणअ तिन्‍नां मणछा हाम्हां लै झ़ुठअ दोश लाणअ ज़हा का परमेशरो थोघ निं आथी। किल्हैकि अह गल्‍ल आसा पाक्‍की कि तिन्‍नें झ़ुठै दोश निं शुचै आथी।