1 पतरास 1 Popüler Kutsal Kitap Ayetleri

Paylaş

म्हारै प्रभू ईशू मसीहे बाब अर परमेशरो करा शूकर। अह आसा तेऊए महान झींण कि म्हारअ हुअ नऊंअ ज़ल्म। किल्हैकि तेऊ किअ प्रभू ईशू मसीहा मरी करै ज़िऊंदअ। ऐबै ज़िऊआ हाम्हैं म्हारी ज़िन्दगी पूरी आशा डाही। हाम्हैं आसा न्हैल़ै लागै दै कि हाम्हां सह ज़ैदात भेटे ज़ुंण परमेशरै हाम्हां लै आसा डाही दी। तेता निं कोहै बरैबाद करी सकदअ। नां कुंण तेता खोई सकदअ। तिंयां निं कधि पराणैं हणैं अर तेते शोभा रहणीं सदा। परमेशरै आसा तिंयां च़िज़ा स्वर्गै तम्हां लै डाही दी।

इना सोभी गल्‍ले बारै लागा तम्हां खुश हणअ च़ाऐ एभै थोल़ी घल़ी कई रंगे तकलिफी तम्हां दुखी किल्है निं करे। इना दुखो मकसद हआ कि थारअ विश्वास परमेशरा दी पाक्‍कअ शुझिए। थारअ ईशू मसीहा दी विश्वास आसा सुन्‍नैं का बी खास्सअ किम्मती। ज़ुंण बरैबाद बी सका हई तेऊ सुन्‍नैं बी परखा अर आगी करै करा तेऊ शुचै, ज़ै थारअ विश्वास परखणैं अर दुखा दी पाक्‍कअ रहे, एता करै भेटणीं तम्हां तैहा धैल़ी खास्सी खुशी, प्रतप्प अर अदर ज़ेभै ईशू मसीहा सारै संसारै प्रगट हणअ।

पर ऐबै लोल़ी तम्हैं सोभी साबै पबित्र रहै ज़ुंण बी तम्हैं करा। किल्हैकि ज़ुंणी परमेशरै तम्हैं छ़ांटै दै आसा, सह आसा पबित्र। किल्हैकि पबित्र शास्त्रा दी आसा लिखअ द, “पबित्र हआ, किल्हैकि हुंह आसा पबित्र।”

परमेशरे मना हर गल्‍ला शोभलै लान्हैं ज़िहै ज़ुंण आपणैं बाबे हर गल्‍ला मना। तिन्‍नां कदुष्ट कामां निं ऐबै करा ज़ेता तम्हैं परमेशरो सत्त थोघ लागणै का आजी च़ाहा तै करनी।

तैही करा आपणैं मन्‍नां काबू करी परमेशरे साबै हर कामां करना लै तैर एही आशा डाही करै कि परमेशरा करनअ तम्हां लै भलअ ई भलअ कि तेऊ दैणअ तम्हां लै आपणैं जशा दी उद्धार ज़ेभै मसीहा ईशू स्वर्गा का फिरी एछणअ।

ज़िहअ परमेशर पबित्र शास्त्रा दी बोला, “मणछ आसा घाहा ज़िहअ अर एते सारी शोभा आसा घाहे फूला ज़ेही, घाहा शुक्‍का अर फूल बी अल़ा धरनीं। पर प्रभूओ बैण रहणअ जुगै-जुगै इहअ ई बणी।” अह आसा खुशीए समादो बैण ज़ुंण तम्हां का आसा खोज़अ द।