1 पतरास 3 Popüler Kutsal Kitap Ayetleri

Paylaş

पर आपणैं दिलै दैआ मसीहा लै ज़ैगा अर तेऊओ करा प्रभू मनी अदर। हर बगत रहणअ ज़बाबा दैणा लै तैर ज़ै कुंण तम्हां का इहअ पुछ़े कि थारी आप्पू लै परमेशरा का किज़ै आशा आसा। पर ज़बाब दैणअ तिन्‍नां सिधै-सादै सभाबा संघै। ऐहा गल्‍लो डाहै धैन कि तम्हैं करै एऊ साबै लोगा संघै बभार कि तम्हां आप्पू बूरअ निं च़ेते। तेखअ ज़ै लोग थारै खलाफ बूरअ बोले, तिंयां हणैं थारै भलै बभारा भाल़ी शर्मिंदै किल्हैकि तम्हैं आसा मसीहा ईशू दी एक हुऐ दै।

किल्हैकि परमेशर हआ धर्मीं मणछा भाल़अ लागअ द, सह हेरा तिन्‍नें अरज़ शूणीं। पर बूरै करनै आल़ै मणछा बाखा डाहा सह पिठ फरेऊई।”

थारअ हार शंगार निं लोल़ी दखाऊटी हुअ, थारअ शंगार लोल़ी इहअ हुअ ज़ुंण परमेशरे लोगा शोभा दैआ, नां कि कई रंगे गुछ़टी बाली करै अर सुन्‍नैं-च़ंदी, मोती, अर किम्मती झिकल़ै बान्हीं करै। तम्हैं लोल़ी भितरी थारै दिला का शोभलै हुऐ, ज़ुंण शोभा सदा रहा। मतलब थारअ सिधअ-सादअ सभाब अर शांत बभार ज़ेतो मोल परमेशरा का खास्सअ शुझिआ।

किल्हैकि पबित्र शास्त्रा दी आसा इहअ लिखअ द, “तम्हां मांझ़ै ज़ुंण बी मणछ आपणीं ज़िन्दगी राज्ज़ी-मौज़ी च़ाहा कि थारी अमर लाम्मी होए, अर तेथ थारअ भलअ होए? तै निं आपणीं ज़िभा का कधि बूरअ बोली, नां आपणैं होठा का झ़ुठअ बोली। सह हटै बूरै करनै का पिछ़ू, सह करै भलअ ई, सह दैऐ दिला का मेल़-ज़ोल़ करनै बाखा ज़ोर।

खिरी बोला हुंह तम्हां सोभी लै इहअ कि तम्हैं सोभै रहा आप्पू मांझ़ै एक मन्‍न हई। एकी-दुजैओ डाहणअ धैन-खैल। एकी-दुजै संघै करा भाई अर बैहणी समझ़ी झ़ूरी, होरी लै हणअ झणैल़ू अर घमंड निं कधि करनअ। बूराईए बदल़ै बूराई निं करा अर नां गाल़ी दैणैं आल़ै लै बदल़ै दी गाल़ी दैआ, पर एते उंबल़ी दैआ लोगा लै बर्गत। किल्हैकि परमेशरै आसा तम्हैं होरी लै बर्गत दैंदै शादै दै। ज़ै तम्हैं इहअ करे, परमेशरा दैणीं तम्हां लै बी बर्गत।

ज़ै तम्हैं हर बगत भली गल्‍ला करने कोशिश करे, तै निं कोही लाऐ तम्हैं च़िक्‍की।

सह हटै बूरै करनै का पिछ़ू, सह करै भलअ ई, सह दैऐ दिला का मेल़-ज़ोल़ करनै बाखा ज़ोर।

किल्हैकि, ज़ै परमेशरे दिलै तम्हां लै एही होए कि तम्हैं भलाई करी दुख भुगते, अह आसा बूराई करी दुखा भुगतणै का भलअ।