ROMA 6 Popüler Kutsal Kitap Ayetleri

Paylaş

Daya pampatei samula upa teka dosa; kude pamelum sajati palus kalalawah baya Kristus Yesus Tuhan takam samula pangamian sa naami tuu eleh daya Alatalla.

Dosa puang iyuh nguasa naun, daya naun puang lagi welum hang kapit hukum agama Yahudi kude hang kapit lelo Alatalla.

Makai baptisan yiru, takam napasar baya Kristus nelang umba matei sinrah hanye, nampan kala wangun Kristus nasamelum teka pampatei daya kuasa Ambah sa mulia, kalayiru pada takam tau welum hawuang pamelum wau.

Ada pada naun nyarah anggota tenga naun ma kuasa dosa neu napakai ma kawan maksud sa jahat. Kude sarah diri naun ma Alatalla yalah ulun sa haut napinda teka pampatei ma pamelum. Sarah galis diri naun ma Alatalla nampan napakai neu nampalus kabahumen Alatalla.

Takam karasa kawan pidasaran takam sa uhang yalah murunsia haut natampatei sinrah Kristus hang kayu balasangar nampan kuasa pidasaran takam sa badosa yiru nasanenuh; anri kalayiru takam puang lagi nasamalah daya dosa.

Naun pada harus nganggap diri naun matei ma dosa, kude welum hawuang hubungan sa rantep anri Alatalla itetei Kristus Yesus.

Amun kala yiru, inun sa tau naeau takam? Inun harus takam magun ngulah dosa nampan Alatalla magin sinta takam? Batantu puang! Dosa puang lagi bakuasa hang ambau takam, jari haawe tau takam welum nelang saratang ngulah dosa?

Inun naun karasa amun naun nyarah diri ma erang kaulun nampan nampalus kabahumenni himat tuu naun walah ulun sa ngalut nuu naun yiru-hau walah dosa sa nginsing naun ma pampatei, atawa walah sa ngalut nuu ma Alatalla, balalu gana kalayiru ikaeh kamulek anri Alatalla.

Kude tarima kasih ma Alatalla! Daya dahulu hie naun jari walah dosa, kude itati naun anri sagalis atei ngalut nuu ma pangajaran sa bujur sa haut naami ma naun. Naun haut nasanepah teka dosa, nelang itati jari walah ma kabahumen Alatalla.