AYohana 16 Popüler Kutsal Kitap Ayetleri

Paylaş

“In tsin ki tak yin ikyɛng deng anɔng, nɔng i da bin sɛ yin kusonong kukyang ayɛt hom. Azatse kang, i da sɔ yin iyɔm. Nye gbinding yin! Nek Imi mi sɛ awɛng naton kazatse.”

Ni izen fɛ́ Kabik fɛ́ ka tees atsak e bi bɛ́, a bi ki tonoso yin narɔk atsak e ngma. Da a bi cɛɛt kushim ice wu awo, tit ikyɛng fɛ́ ba ku tak, a bi ki taas yin nkyɔrɔk fi in bi te.

Sak atut, iyin da i mi rip yin ikikak ni iyerek hom awo. Rip yin, ba da ki nɔɔk yin, nɔng iyɛ ikan yin bin shining.

Imi tsin ki tak yin atsak: I da mak ki se yin gyat imi ni tseng. Nek kɛ da imi tseng awo, Afidang Itseet e da bɛ́ ni yin awo; Ki imi tseng, in bi ki tom yin ni wu. Izen fɛ́ Afidang Itseet e bi bɛ́, a bi tonong banet azatse wɛshɛk fok, kuyiring bà yet kumaan e naton nggɔn anɛn, nɛ naton kusonong ajɛrɛ, ni ishɔt

“I se kpaf anɔng ni yin: Yɔkɔnɔng i se yin ne kafa kawe, in bi tin bi in ki sɛ yin, ni izen e yɔng, ayɛ yin bi tɛrɛk, vit anet fɛ́ a bi tɛ a ki kam yin ni iyɛ ikan yin. Atuk e yɔng, i bi ti i di rip yin ikikak awo. Won in ki tak yin atsak, Ada hom bi ki nɔɔk yin kaakyi ikyɛng fi i ku rip yin ni iyerek hom.

Won in ki tak yin atsak, i bi tos yin, ni nye yin kafa kawe, ni izen e yɔng, banet azatse bi nye iyɛ ikan. I nye yin kafa kawe, ngma nɛ anɔng, kafa kawe yin bi bun iyɛ ikan.