ROMANOS 6 Popüler Kutsal Kitap Ayetleri

Paylaş

Ni tikhśki uj päta pakaćha, ans ni Yöś onanchiźkitaki wiñay źetićha ni ućhumnaka Jesucriśtu Tatźtanaki.

Xalla nuź ni uj päśki anćhukakiś ana aśśiś khekićha, niźaśa anćhukki anaź ni lïxaru qamćha, ans anćhukki Yöś quśkamaź qamćha.

Niźaśa ućhumnakki wawtisku ni Criśtuźtan thatźtaćha, niźaśa ućhumnakki jakatatsqatta khiśxapa tikhźtaćha niźaśa tshi ew qamañkiś źethśxapa, xalla niźtaśaqaś ni Criśtuki ni Yöś aśtan jakatatsqattaćha.

Niźaśa anćhukki ni anćhuka xañchi anaź ni uj päśnakkiś thäkićha, xalla nïki tshi uj päś lurañaźtaqaś khesaćha. Ans anćhukki Yöśkinź ni anćhuka quś thä, tshi źoñi tikhźku qamśxapa jakatatchiźtaqaśśa, niźaśa anćhuka xañchi Yöś źkayi luraña khiśxapa thäkićha.

Xalla tïki qhanaćha; tuki ućhumnakki ujchiśćhumtaćha, xalla ni Criśtuź kuruśhkiś tikhźnan ućhumnakki niźtan chika tikhźtaśaqaśśa. Xaśiki ni uj päśnakaki anaź ućhumnak irpićha.

Xalla nuźuśaqaś anćhukki ni ujkiśtan tikhśiźtaqaś khekićha, niźaśa ućhumnakki Yöśtaxapaź źethćha, niźaśa ni Jesucriśtuźtan chika.

¿Neqhśtan ućhumnakki qhaźćhumź khekixo? ¿Ućhumnakki tirapanź uj päkiya, ni Yöś tshanti ućhumnak oqźnaxu? ¡Anaź nuź khesaćha! Ućhumnakki uj päñiźkhen tikhźtaćha; ¿xaqnuźupan ućhumnakki tira ni uj päkan qamasaxo?

Niźaśa anćhukki śumaź śiśśa, anćhuk tshi tuyñuźkiś manta päśxapa makhatasaź nïki, anćhukki ni tuyñu kaśku nïź manta päñipanź khekićha. Xalla tïki nuźupanćha, niźaśa anćhuk ni uj päśkiś kaśasaź nïki, xalla ni ujki tikhśkinpanź chhichcha, niźaśa Yöś kaśkuśti śuma qamañkiś khekićha.

Niźaśa tuki anćhukki ni ujź attataćha. Neqhśtan anćhukki thapa quśtan ni anćhukakiś Yöś śuma kintu thaxintanaka katoqchinćhukćha, xalla niźtikiśtan werhki Yöśkin sparakiź khiwćha. Neqhśtan anćhukki ni ujź attikiśtan liwrïta khisku, ni juchjiptayś manta päśkiś luśhśinćhukćha.