EKESODU 11 Popüler Kutsal Kitap Ayetleri

Paylaş

Jaanong MORENA a raya Moše a re: “Ke tla tlisa petso e nngwe gape e ke tla watlhayang Farao le Baegepeto ka yona; morago ga moo o tla lo naya tsela gore lo tloge mono; e bile o tla lo leleka ka thata mogang a lo lesang go huduga gotlhe.

Mme go tla swa bana ba maitibolo botlhe mo lefatsheng la Egepeto, go simolola ka morwa Farao wa ntlha yo o tla nnang mo sedulong sa gagwe sa bogosi, go ya ngwaneng wa ntlha wa lelata le le fa morago ga lelwala le maitibolo otlhe a diruiwa. Foo go tla nna selelo se segolo mo lefatsheng lotlhe la Egepeto se se iseng se ke se nne teng ka gope se le kalo, le gona se se se kitlang se tlhola se nna teng ka motlha ope se le kalo.

Mme MORENA a raya Moše a re: “Farao ga a kitla a lo utlwa, mme e le gore dikgakgamatso tsa me di ntsifale mo lefatsheng la Egepeto.”