JOHAN 16 Popüler Kutsal Kitap Ayetleri

Paylaş

Eye koa buyu hinou neletao hi kaonayu buloure donou, chi hainahai Enou neletao hi paopeire. Deiphao hisü neletao vea-holai; ana khuveilo! Enou deiphaoye koloure.”

Ana cheche Rako sünanou veyu kisü, puhnou neletaoye acheche teiteihi süthaive peilai; daiolouzü puhnou lah puh mado hinou chi paolai moe, ana puhnou chouyu talisü puhnou paolai, alia puhnou neletao hi thaikhai veretao vanou paopa peilai.

Chu koute neletao nou Azhih hinou hatalia khokhai mohie. Khokhaio ea neletao vei asah nasü chekhoure donou neletao nou ngaoloulai.

Ana Enou neletao hi acheche nasü paowe: Enou tayuhai neletao donou veipuhie, daiolouzü E tamo louzü, soukha-apeio nasü neletao hi velaimoe. Ana Enou talouzü, puhye Enou neletao hi seive peilai. Alia puhnou veyu kisü, deiphao maiye mah vanou, acheche vanou ea chikuyu vanou puletao hai mahre touyusü panou süloulai

Sübüa, neletao hi-a chupha hisü le veayu bue, ana Enou neletaoye ve daopulai ea neletao lesü saloulai, alia maita linoua neletao vei sayu nasü neletao hinou pota laimoe. “Teithe sükisü neletao nou Ahinou halia kholaimoe. Cheche vuzünou Enou neletao hi paowe, neletao nou hatali Puo hinou kholouzü, puhnou Azhih hinou sünasü neletao hi peilai.

Cheche vuzünou Enou neletao hi paowe, neletaosü kralai ea dopfülai, ana deiphao maiwo le salai; neletao hai le vealai, ana neletao vei le veayu hai panou le sayuhi soudalai.