Sailm Dhaibhidh 98
98
Salm 98
1O seinnibh òran nuadh do Dhia,
rinn beairtean mìorbhaileach:
'S i dheaslàmh fhèin 's a ghàirdean naomh
thug dhàsan buaidh a‑mach.
2Feuch, thaisbein Dia gu follaiseach
fhurtachd 's a shlàinte mhòr;
Am fianais chinneach nochdadh leis
fhìreantachd fhèin gu leòr.
3Chuimhnich e fhìrinn is a ghràs
do theaghlach Israèil;
Is slàint' ar Dia-ne chunnaic fòs
gach iomall tìr gu lèir.
4Do Dhia Iehòbhah togaibh suas
àrd-iolach ait, gach tìr:
Togaibh ur guth: bibh subhach fòs,
is seinnibh moladh fìor.
5Do Dhia Iehòbhah mòr nam feart
seinnibh air clàrsaich ghrinn;
Le clàrsaich (deirim) seinnibh dha,
le guth na sailm gu binn.
6Le fuaim na h‑adhairc seinnibh dha,
's le guth na trompaid àird':
Do Dhia an t‑Ard-Rìgh seinnibh fòs,
le iolach ait 's gach àit.
7Beucadh an fhairge mhòr gu borb,
's an làn tha innt' le chèil';
An domhan, is gach dùil a tha
an còmhnaidh ann gu lèir.
8Buaileadh na tuiltean mòr' am bos';
na slèibhtean bitheadh ait,
9An làthair Dhè; oir tha e teachd
air talamh thabhairt ceirt:
Le ceartas math bheir e a‑mach
breith air a' chruinne-chè;
Bheir air a' phoball breitheanas
le cothrom fìorghlan rèidh.
Айни замон обунашуда:
Sailm Dhaibhidh 98: SD1992
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© Comann Bhìoball na h-Alba (Scottish Bible Society) 1992.