Sailm Dhaibhidh 99
99
Salm 99
1Tha Dia na Rìgh, is criothnaicheadh
gach uile shluagh air bith;
'S e shuidheas eadar cheruban,
biodh air an talamh crith.
2An Sion tha Iehòbhah mòr,
as àrd os cionn gach sluaigh.
3D'ainm mòr ro‑uamhar molar leo,
oir tha e naomh ra luaidh.
4Is toigh le neart an Rìgh ceart-bhreith:
's tu shocraicheas a' cheart:
An Iàcob breitheanas is còir
cuiridh tu 'n gnìomh gu beachd.
5Ar Dia Iehòbhah àrdaichibh,
is sleuchdaibh dha gu caomh,
Aig stòl a chos gu h‑urramach;
oir tha e fhèin ro‑naomh.
6Am measg a shagart Aaron 's Maois,
bha Samuel den dream
A ghair air ainm: dh'iarr iadsan Dia,
fhreagair e iad san àm.
7Am baideal neòil gu gràsmhor caoin
labhair an Tighearn riu:
Na h‑àitheantan a thug e dhaibh,
's a theisteas ghleidheadh leo.
8Iehòbhah Dia, thug freagradh dhaibh:
's tu 'n Dia a mhaith an lochd,
Ged rinn thu orra dìoghaltas
airson an innleachd olc.
9Ar Dia Iehòbhah àrdaichibh
's na thulaich naomh a‑ghnàth,
Sìos sleuchdaibh dha gu h‑iriosal;
oir 's naomh ar Dia gu bràth.
Айни замон обунашуда:
Sailm Dhaibhidh 99: SD1992
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© Comann Bhìoball na h-Alba (Scottish Bible Society) 1992.