Sailm Dhaibhidh 97
97
Salm 97
1Iehòbhah mòr 's e tha na Rìgh,
biodh aiteas air gach tìr;
'S air eileanan tha lìonmhor ann,
biodh gàirdeachas gu lèir.
2Tha neulan tiugh' is dorchadas
ma thimcheall air gach leth:
'S e 's còmhnaidh fòs da chathair-rìgh
deagh chothrom is ceart-bhreith.
3Tha teine millteach ro a ghnùis
ag imeachd air gach àird,
Len loisgear suas gu lasarach
a naimhdean anns gach àit.
4Le solas glan a dhealanaich
dhealraich an cruinne-cè:
Chunnaic an talamh siud gu dearbh,
ghrad-chlisg is chriothnaich e.
5Na cnuic, an làthair Dhia nan dùl,
leagh as air fad mar chèir;
Ro ghnùis Àrd-Rìgh an domhain mhòir
leagh iadsan as gu lèir.
6Na nèamhan cuiridh 'n cèill a cheart;
is chì gach sluagh a ghlòir.
7Do dhealbhan snaidhte meud 's a chrom
gu robh dhaibh amhluadh mòr,
Tha dèanamh uaill is ràiteachais
à iodhalan nach fiù;
Gach uile dhè a tha sibh ann,
sleuchdaibh do Dhia nan dùl.
8Rinn Sion aoibhneas nach bu ghann,
an uair a chual' i 'n sgeul,
Rinn nighean Iùdah gàirdeachas
mud bhreitheanais, a Dhè.
9Oir tha thu, Dhia Iehòbhah, àrd
os cionn gach uile thìr:
Tha thu air d'àrdachadh gu mòr,
os cionn gach dia gu lèir.
10Sibhse len ionmhainn Dia ro‑naomh,
fuathaichibh olc a‑chaoidh;
Anam a naomh sìor ghleidhidh e;
saoraidh o làimh nan daoi.
11Cuirear mar phòr gu frasach pailt,
solas don fhìreanach;
Is aoibhneas dhaibhsan fòs a tha
nan cridhe treibhdhireach.
12Biodh aiteas oirbh an Dia na glòir'
O fhìreanan gu lèir;
Is thugaibh buidheachas do Dhia,
ri cuimhn' a naomhachd fhèin.
Айни замон обунашуда:
Sailm Dhaibhidh 97: SD1992
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© Comann Bhìoball na h-Alba (Scottish Bible Society) 1992.