Makko 3
3
Yesu awonya omusajja eyalina omukono ogukaze
(Mat 12:9-13, Luk 6:6-10)
1N'ayingira nate mu kkuŋŋaaniro, nga mulimu omusajja eyalina omukono ogukaze.#Mat 12:9-14, Luk 6:6-11 2Ne bamutunulira nnyo okulaba oba anaamuwonyeza ku lunaku lwa ssabbiiti, balyoke bamuwawaabire. 3Awo Yesu n'agamba omusajja eyalina omukono ogukaze nti, “Yimirira wakati awo.” 4Awo n'abagamba nti, “Kikkirizibwa okukola ekirungi ku Ssabbiiti oba okukola obubi? kuwonya bulamu oba kutta?” Naye ne basirika busirisi. 5Bwe yabeetoolooza amaaso n'obusungu, ng'anakuwadde olw'obukakanyavu bw'emitima gyabwe, n'agamba omusajja nti, “Golola omukono gwo.” N'agugolola: omukono gwe ne guwona.#Yok 11:33
Abafalisaayo bateesa okutta Yesu
(Mat 12:14-16, Luk 6:11)
6Amangwago Abafalisaayo ne bafuluma ne bateesa n'Abakerodiyaani ku ye, nga bwe banaamuzikiriza.#Mat 22:16
Yesu awonya bangi
7Awo Yesu n'abayigirizwa be ne bagenda ku nnyanja, ekibiina kinene ekyava e Ggaliraaya ne kimugoberera; era n'abalala ne bava mu Buyudaaya#Mat 12:15,16, Luk 6:17-19 8n'e Yerusaalemi ne Idumaya n'emitala wa Yoludaani, n'okwetooloola Ttuulo n'e Sidoni, ekibiina kinene, bwe baawulira bye yakola, ne bajja gy'ali.#Mat 4:25 9N'agamba abayigirizwa be bamusembereze eryato limubeerenga kumpi ekibiina kireme okumunyigiriza; 10kubanga yawonya bangi, ne bonna abalina endwadde bali benyigiriza bamukwateko bawonyezebwe.#Mat 9:21; 14:36, Luk 7:21 11Era emyoyo emibi buli lwe gyamulabanga ne gigwa mu maaso ge ne gikaaba nga gigamba nti, “Ggwe Mwana wa Katonda.”#Luk 4:41 12Naye n'agikomako gireme okumwatuukiriza.#Mak 1:34
Omulimu gwa Yesu nate mu Ggaliraaya (3:13—6:6)
13Awo n'alinnya ku lusozi n'ayita abo be yayagala, ne bajja gy'ali.#Mat 10:1-4 14N'alondamu kkumi n'ababiri okubeeranga awamu naye, era abatumenga okubuulira 15n'okuba n'obuyinza okugobanga emizimu. 16Yalonda Simooni n'amutuuma erinnya Peetero;#Yok 1:42 17ne Yakobo omwana wa Zebbedaayo, ne Yokaana, muganda wa Yakobo: bano n'abatuuma amannya Bowanerege, amakulu gaalyo nti, “Baana ba kubwatuka.”#Luk 9:54 18ne Andereya ne Firipo, ne Battolomaayo, ne Matayo, ne Tomasi, ne Yakobo omwana wa Alufaayo, ne Saddayo, ne Simooni Omukananaayo, 19ne Yuda Isukalyoti, ye yamulyamu olukwe.
Yesu ne Beeruzebuli
(Mat 12:24-32, Luk 11:17-23)
N'ajja mu nnyumba, 20ekibiina ne kikuŋŋaana nate, n'okuyinza ne batayinza na kulya mmere. 21Awo ababe bwe baawulira ne bafuluma okumukwata, kubanga abantu baali bagamba nti, “Alaluse.”#Yok 7:20; 8:48,52; 10:20 22Naye abawandiisi abaaserengeta okuva e Yerusaalemi ne bagamba nti, “Aliko Beeruzebuli, era agoba dayimooni ku lwo mukulu wa badayimooni oyo.” #Mat 12:24-32, Luk 11:15-22; 12:10 23N'abayita gy'ali, n'abagambira mu ngero nti, “Setaani ayinza atya okugoba Setaani? 24Obwakabaka bwe bwawukanamu bwo bwokka, obwakabaka obwo tebuyinza kuyimirira. 25N'ennyumba bw'eyawukanamu yo yokka, ennyumba eyo teriyinza kuyimirira. 26Era oba Setaani yeegolokokeddeko ye yekka, n'ayawukanamu, tayinza kuyimirira, wabula aba yeezikiriza yekka. 27Naye tewali muntu ayinza okuyingira mu nnyumba y'omuntu ow'amaanyi okunyaga ebintu bye, nga tasoose kusiba oyo ow'amaanyi, n'alyoka anyaga ennyumba ye. 28Mazima, mbagamba nti, Abaana b'abantu balisonyiyibwa ebibi byabwe byonna, n'obuvvoozi bwabwe bwe balivvoola bwonna; 29naye oyo yenna anavvoolanga Omwoyo Omutukuvu talina kusonyiyibwa emirembe n'emirembe, naye aba azzizza omusango ogw'ekibi eky'emirembe n'emirembe.” 30Yesu yayogera bwati kubanga baayogera nti, “Aliko omwoyo omubi.”#Mak 3:22
Baganda ba Yesu ne nnyina
(Mat 12:46-50, Luk 8:19-21)
31Awo nnyina ne baganda be ne bajja, ne bamutumira ne bamuyita nga bayimiridde wabweru.#Mat 12:46-50, Luk 8:19-21 32N'ekibiina kyali kitudde nga bamwetoolodde; ne bamugamba nti, “Nnyoko ne baganda bo bali wabweru bagala okukulaba.” 33N'abaddamu ng'agamba nti, “Ani mmange ne baganda bange be baani?” 34Awo ne yeetoolooza amaaso ku baali batudde enjuyi zonna nga bamwetoolodde n'agamba nti, “ Laba mmange ne baganda bange! 35Kubanga buli muntu yenna akola Katonda by'ayagala, oyo ye muganda wange, ye mwannyinaze, ye mmange.”
Айни замон обунашуда:
Makko 3: LBR
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
All rights are reserved to the Bible Society of Uganda.