Ezekieli 33
33
1Likuva lya Yahova lya duka ku inze, kuvola, 2Ive mwana womundu, volera avana vavandu vovo, u va volere, Lwa ndeta kivavi ku kivala, navandu vekivala zana ni va vugula mundu mulala hagati havo, nokumuvika a ve umulindi wavo; 3ni i va lwa a lola kivavi kidzanga ku kivala zana, na a kupa kisiliva, nokugerehidza avandu; 4he ne yaho mundu ku vosi u hulira mwoyo gwekisiliva, na a vula kubugirira ligerehidzwa, nekivavi ni ki duka kumutwulidza, masahi gege ga la va ku mutwe gwigwe mwene. 5Ya hulira mwoyo gwekisilwa, naye si ya bugirira ligerehidzwa; masahi gege ga la va kuye: navutswa na a va na a bugirira ligerehidzwa, nkano yehonnya mwoyo gwigwe mwene. 6Navutswa umulindi na a lola kivavi ni kidzanga, La a vula kukupa kisiliva, navandu ni va vula kugerehidzwa, nekivavi ni ki duka kuvo, nokutwulidza mundu ku vosi hagati havo; ya twulidzwa na a veye mu bwoni bwibwe, navutswa masahi gege nda ga vanza ku mukono gwomulindi.
7Kunangwa ive, mwana womundu, mmali kuvika ive kuva mulindi ku inyumba ya Israeli; kigira yaga u hulire likuva mu munwa gwange, na u va gerehidze neligerehidza li twula ku inze. 8Lwa mbolera mu damano, O mundu mudamano, ligali u la kudza, na ive nu u va nu u ta vola kugerehidza mudamano zana kutwula ku inzira yeye; mundu mudamano uyu a la kudzira mbudamano bwibwe, navutswa masahi gege nda ga vanza ku mukono gugwo. 9Navutswa nu u va nu u gerehidza mudamano uyu a duke kweganira nokuleka inzira yeye, naye na a vula kweganira nokuleka inzira yeye; a la kudzira mbudamano bwibwe, navutswa ive u mali kwehonnya mwoyo gugwo mwene.
10Na ive, mwana womundu, u volere inyumba ya Israeli: Mwinye mwa vola ndi, mu vola, Amahyolo getu nobwoni bwetu bu veye ku kwinye, na ku ng'ahira mubwo; ku nyala ndi kuva mwoyo? 11U va volere Kuli mbeye mwoyo, Mwami Nyasaye a vola, Inze si nsangalira likudza lyomudamano; navutswa nobulahi mudamano yeganire nokuleka inzira yeye nokuhindira a ve mwoyo; mweganire, mweganire mu leke tsinzira tsyenyu tsindamano; kigira ki mwenya kukudza, mwinye avenyumba ya Israeli? 12Na ive mwana womundu, u volere avana vavandu vovo, Ubulungi bwomulungi si bu la muhonnya mu lidiku lyamahyolo gege; noku makuva gobudamano bwomudamano, si a la gwa kigira yibu mu lidiku lya yeganira nokuleka ubudamano bwibwe: kandi wobulungi si a la hindira kigira yibu mu lidiku lya a kola ubwoni. 13Lwa mbolera mulungi, ligali a la hindira; uyu na a suuvira ku bulungi bwibwe, na a kola ubwoni, vikolwa vivye vyobulungi kilala kuvyo ki la vula kwidzulitswa, navutswa mu ubwoni bwibwe bwa ya kola, a la kudzera mubwo. 14Kandi, lwa mbolera mudamano, Ive ligali u la kudza; ni yeganira nokuleka ubwoni bwibwe, na a kola aga dukana kukolwa, nagobulungi; 15umudamano uyu ni yirannya kihambiriru, nokwirannya kya ya vugula nobunuuli, nokugenda mu malago gelivamwoyo, na a vula kukola ubu damano; Iigali a la hindira a la vula kukudza. 16Ubwoni bwibwe bwa ya kola kali bulala kubwo bu la vula kwidzulitswa kuye: u mali kukola aga dukana kukolwa nagobulungi: ligali a la hindira, a ve mwoyo.
17Navutswa kandi avana vavandu vovo va vola, Inzira ya Yahova si i veye inungi mba: navutswa mu makuva gavo, inzira yavo si i veye inungi mba. 18Wobulungi lwa a girunkana nokuleka ubulungi bwibwe, nokukola ubudamano, a la kudzera mubwo. 19Wobudamano lwa ye ganira nokuleka ubudamano bwibwe, nokukola aga dukana kukolwa nagobulungi, uyu a la hindira kigira yaga. 20Navutswa mu vola, Inzira ya Yahova si i veye inungi mba. O inyumba ya Israeli, nda mu kalagira sa mulala kuli tsinzira tsitsye.
21Na ga duka mu muhiga gwelikumi na gyiviri gwelyadikidzwa lyetu, ku mueli gwelikumi, ku lidiku lya gatano lyomweli, mundu mulala wiruka kutwula Yerusalemi yadza ku inze, ni ya mbolera, Lidala li kuyeywi. 22Ma mukono gwa Yahova gwa li ku inze mgolova, inyinga uyu wiruka na a kikiri kuduka; naye ya li kuku nula nomunwa gwange, ku liduka lilye mugamba; na munwa gwange gwa kunulwa, na si nda li idimbiti kandi mba.
23Na likuva lya Yahova lya duka ku inze, kuvola, 24Ive mwana womundu, avandu va menyanga aha lekwa vyanyi mu kivala kya Israeli va volanga makuva, kuvola, Uyu Abrahamu ya li mulala, naye ya nyola kivala yiki kuva miyandu gyigye: navutswa kwinye ku veye avandu vanyingi; kivala yiki kwa hebwa kuva miyandu gyetu. 25Kunangwa u volere avandu yavo, Mwami Nyasaye a volera mwinye ndi: Mwinye mu litsanga ki tsukani namasahi, na mu ginganga tsimoni tsyenyu kuhenza vifwananyi vyenyu, nokutahidza masahi: na mwinye mu la gumira kivala yikyo? 26Mu singira ku kivavi kyenyu, mu kola kivihiri, mwononnya mukali sa mulala wowakye: na mwinye mu la nyola kivala yikyo? 27U la va volera yaga, Mwami Nyasaye a volera mwinye ndi: Kuli inze mbeye mwoyo, ligali yavo ava veye aha lekwa kuva kyanyi, va la gwa ku kivavi, na uyu u veye mmulimi habulavu nda mu haana ku tsinyam? A duke kumirwa; na yavo ava veye mu tsimpinga nomu tsimbangaywa va la kudza kigira bulwaye. 28Na nda kola kivala kuva hatswa na kyokugenya; nobwegingiri bwobunyali bwibwe bu la hera; nevigulu vya Israeli vi la va hatswa, kuduka mundu ku vosi a vule kuvita hagati hakyo. 29Hene yaho va la manya inze mbeye Yahova, lwa nkola kivala yikyo kuva hatswa neligenya, kigira kivihiri kyavo kyosi kya va kola.
30Noku makuva gogo, ive mwana womundu, avana vavandu vovo va la volerana amakuva gogo himbi namadigi nomu viliango vyetsinyumba tsyavo, na va volerana sa mulala nawakye, sa mulala namwavo wewe, va volanga, Hamba, mwadza, u hulire ni likuva ki li twulanga ku Yahova. 31Navo vadzanga ku ive kuli avandu vadzanga, na vikalanga imbiri wowo kuli avandu vange, na va huliranga makuva gogo, navutswa si va ga kolanga mba; kigira va lolekidza ubuyanzi neminwa gyavo, navutswa umwoyo gwavo gu londanga amadanyi gavo. 32Henza, ive u veye kuvo kuli lwimbu lulahi lwimba ngwa nomundu womwoyo mulahi, wa manya likupa ubukana: kigira va hu lira makuva gogo, navutswa si va ga kolanga mba. 33Lwa likuva yili li la va ho (henza, lidzanga), hene yaho va la manya ya li ho mprofeti hagati havo.
ప్రస్తుతం ఎంపిక చేయబడింది:
Ezekieli 33: MBE
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
©Bible Society of Kenya, 1967
