Ezekieli 33 నుండి ప్రసిద్ధ బైబిల్ శ్లోకాలు

షేర్ చేయి

U va volere Kuli mbeye mwoyo, Mwami Nyasaye a vola, Inze si nsangalira likudza lyomudamano; navutswa nobulahi mudamano yeganire nokuleka inzira yeye nokuhindira a ve mwoyo; mweganire, mweganire mu leke tsinzira tsyenyu tsindamano; kigira ki mwenya kukudza, mwinye avenyumba ya Israeli?

Kunangwa ive, mwana womundu, mmali kuvika ive kuva mulindi ku inyumba ya Israeli; kigira yaga u hulire likuva mu munwa gwange, na u va gerehidze neligerehidza li twula ku inze.

Navutswa nu u va nu u gerehidza mudamano uyu a duke kweganira nokuleka inzira yeye, naye na a vula kweganira nokuleka inzira yeye; a la kudzira mbudamano bwibwe, navutswa ive u mali kwehonnya mwoyo gugwo mwene.

Navutswa umulindi na a lola kivavi ni kidzanga, La a vula kukupa kisiliva, navandu ni va vula kugerehidzwa, nekivavi ni ki duka kuvo, nokutwulidza mundu ku vosi hagati havo; ya twulidzwa na a veye mu bwoni bwibwe, navutswa masahi gege nda ga vanza ku mukono gwomulindi.

Ya hulira mwoyo gwekisilwa, naye si ya bugirira ligerehidzwa; masahi gege ga la va kuye: navutswa na a va na a bugirira ligerehidzwa, nkano yehonnya mwoyo gwigwe mwene.