1 Abanya Korĩnto 8
8
Omwatsi wʼakalyo akakaherawa oko syosanamu
1Neryo busana nʼomwatsi wʼebyalya ebikaherawa oko sanamu. Tũnasĩ ĩtwe bosĩ tuti tuwite eriminya, nĩkwa eriminya likaleta eriyiheka, nĩkwa olwanzo kĩkahĩmba. 2Omundu amaganĩrya ati anasĩ ndeke, isialitaminya nga litolere akaminya. 3Nĩkwa omundu oyo wanzĩre Nyamuhanga, Nyamuhanga abirimuminya ndeke.
4Neryo busana nʼomwatsi wʼakalyo akakahererawa oko syosanamu, tũnasĩ ngoko esanamu si kindu muna-kihugo, kandi tũnasĩ ko hali Nyamuhanga muguma musa. 5Nomo hangabya esikahulawa mo nyamuhanga omo lubula kutse omo kihugo, kandi ngoko abandu bawite esyonyamuhanga nyingi, nʼabakama bangi, 6nĩkwa busana netu hali Nyamuhanga muguma, ye Tata. Kandi emyatsi yosĩ, ĩkalũa ukwʼiye, netu tuliho busana naye. Kandi hali Omukama muguma ye Yesu Kristo, oyo wahangika emyatsi yosĩ, kandi akaleka itwabyaho.
7Kandi abandu bosĩ sibaliminya ebĩ. Abandi ababiribegera esyosanamu omugulu bakalya akalyo akabirihererwa oko sanamu bakalyako ngʼobuhere bwʼesyosanamu. Nʼobunya-mutima bwabo bolo bukatsanda. 8Nĩkwa akalyo sikalituleta hakũhĩ na Nyamuhanga. Sĩtwendĩherya twamatendiryako, kandi sitwendibana endũndĩ twamalyako.
9Nĩkwa mũyĩtegaye, simuleke ehamũlĩ yenyũ yʼerirya ebyosĩ, ĩkatwĩkalya abandu bolo-bolo omwʼĩkĩrĩrya lyabo. 10Kusangwa omundu oyuwite Obunya-mutima bolo-bolo amakulolako uwe mundu wʼeriminya ndeke inukalira omo hekalũ yʼesyosanamu; iye siendisyasonda erirya ebyalya ebikaherawa oko sanamu kwehĩ? 11Neryo omundu mũlĩkyenyũ molo-molo, oyo Kristo aholera, asyahera busana nʼeriminya lyawe. 12Neryo mukakola Kristo yo nabi, kundi mukakola balĩkyenyũ bo nabi, nʼerĩhũtalya Obunya-mutima bolo-bolo bwabo. 13Neryo ebyalya byamaleka mũlĩkyetu akakola ebibi, sindiendisyaswalya esĩswĩ na kera, ngasyakolesya mũlĩkyetu yʼebibi.
ప్రస్తుతం ఎంపిక చేయబడింది:
1 Abanya Korĩnto 8: KB80
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bible in Kinandi © Bible Society of the Democratic Republic of Congo, and Bible Society of Uganda, 1980.