1 Abanya Korĩnto 7
7
Emyatsi yʼerĩherũkanĩa
1Busana nʼemyatsi eyo mwahula omo barua yenyũ, Lyowene kumbe omundu sĩangatũla oko mũkalĩ. 2Nĩkwa kusangwa hali obũsĩngĩrĩ bungi, obuli mundu abye nʼomũkalĩ wuwe, nʼobuli mũkalĩ abye nʼĩba wuwe. 3Omulume ahe mũkalĩwe ebimutolere, kandi nibya omũkalĩ ahe ĩba wuwe ebimutolere. 4Omũkalĩ siawite hamũlĩ oko mubiri wuwe, nĩkwa ĩba wuwe yuli nʼehamũlĩ eyo. Kandi omulume siawite ehamũlĩ oko mubiri wuwe, nĩkwa omũkalĩwe yuwite ehamũlĩ eyo. 5Sĩmwĩmane mutalialagana erikola mutya, imwatoka erĩyĩhĩra okwʼisaba, neryo ĩmwaswahĩndana haguma, Satanĩ akasyabalengako busana nʼeritindatũlera lyenyũ.
6Nĩkwa ngababwira ebĩ, sindibahamula. 7Neryo nyiti kumbe abandu bosĩ babye nga ngye. Nĩkwa obuli mundu awite olũsũnzo luwe olũkalũa uku Nyamuhanga omuguma awite olũsũnzo lʼomũsĩndo oyũ, nʼogundi omũsĩndo olya.
8Nĩkwa ngabwira abatahĩkenĩe, nʼabakwakalĩ nyiti, lyowene kumbe bali nga ngye. 9Kandi bamataluka erĩyĩtũlerya, ĩbahĩkanĩa; kusangwa lyowene erĩhĩkanĩa kwilaba eriaka omo ngumbu.
10Nĩkwa ngategeka abahĩkenĩe, nĩkwa yo Mukama, sĩ ĩngye, ati, Omũkalĩ sĩalũe ũkwʼĩba wuwe. 11Nĩkwa omũkalĩ amalũamo, ĩsĩaswahĩkĩbawa, kutse aswesangana nʼĩba wuwe. Kandi omulume siahige omũkalĩ wuwe.
12Nĩkwa oko bandi ĩngye nabwirabo, nĩkwa si yo Mukama, nyiti, Omũlĩkyetu amabya awite omũkalĩ oyũtĩkĩrĩrye, nʼomũkalĩ oyo akalĩga erĩĩkala naye, omulume oyo siamuhige. 13Kandi omũkalĩ oyuwite ĩba oyũtĩkĩrĩrye, nʼĩba akalĩga erĩĩkala naye omũkalĩ oyo sĩalũemo. 14Kusangwa ĩba oyũtĩkĩrĩrye akalĩgawa na Nyamuhanga busana nʼomũkalĩ wuwe, kandi omũkalĩ oyũtĩkĩrĩrye, akalĩgawa na Nyamuhanga busana nʼĩba wuwe. Bite bitya, abana benyũ bangabya hali uku Nyamuhanga, nĩkwa lino bali hakũhĩ na Nyamuhanga. 15Nĩkwa oyũtĩkĩrĩrye amanza erigenda, agende. Omo mwatsi oyũ, omulume kutse omũkalĩ abali Bakristo bayisoge ekyo bakandikola, kusangwa Nyamuhanga abiritubirikira erĩĩkala omo buholo. 16Nĩkwa uwe mũkalĩ, wasĩ uti nga sĩwendĩsyalamya ĩbawe kwehĩ? Nawe uwe mulume, wasĩ uti nga sĩwendĩsyalamya omũkalĩ wawe kwehĩ?
Ukwame umwʼebyo Nyamuhanga akubirikiramo
17Nĩkwa obuli mundu alendere ngoko Mukama amutegeka, kandi alendere umwʼebyo Nyamuhanga amubirikiramo. Ko ngategeka nyitya omo syokanĩsa syosĩ. 18Kandi omundu amabirikirwa na Nyamuhanga iniabwene, sialenge eribya ngʼoyutabwene. Omundu amabirikirwa na Nyamuhanga isiabwene, sialenge erĩbanĩbwa. 19Eribana si mwatsi, kandi eritendibana si mwatsi. Nĩkwa enzumwa nene nĩ ʼteya ebihano bya Nyamuhanga. 20Obuli mundu akwame umwʼebyo Nyamuhanga amubirikiramo. 21Wabya mukobe omugulu Nyamuhanga akubirikira kwehĩ? Oyo si mwatsi, nĩkwa wamatoka eribya bwĩranda, Ukole utya. 22Kusangwa omukobe oyo wabirikirawa nʼomukama nĩ mwĩranda wʼOmukama. Nibya, omwĩranda oyo wabirikirawa na Nyamuhanga, ni mukobe wʼOmukama. 23Nyamuhanga mwabagula nʼobũgũlĩ; neryo Simubye bakobe bʼabandu. 24Balĩkyetu, obuli mundu akwame Nyamuhanga omo mwatsi ogo abyamo ekiro Nyamuhanga amubirikira.
Emyatsi yʼabatahĩkenĩe, nʼeyʼabakwakalĩ
25Neryo busana nʼomwatsi wʼabatahĩkenĩe, singwite kihano kyʼomukama, nĩkwa ngabũga ekyage ngʼoyuteregula busana nʼeribana eriganyira lyʼomukama. 26Ngaganĩraya busana nʼamalĩge wa sesene, nyiti lyowene omundu ĩkale ngoko ane lino. 27Ũhĩkĩrye omũkalĩ kwehĩ? Susonde erimuhiga. Sũhĩkĩrye kwehĩ? Susonde erĩhĩkya omũkalĩ. 28Nĩkwa wamahĩkya omũkalĩ, sulitakola ekibi. Kandi omumbesa amaheruka isiatakola kibi. Nĩkwa abakaherũkanaya basyabana amalĩge omo mubiri, neryo nyanzĩre erĩbabalya oko malĩge ayo.
29Nĩkwa balĩkyetu, ngababwira nyiti, omugulu amabya muke, neryo erĩtsũka lino, abawite abakalĩ bangabya nga sibawitebo. 30Kandi abakalira babye nga siberira, nʼabakatsema, babye nga sibetsema, nʼabakagula, babye ngʼabatawite bindu. 31Abakatunda ebindu byʼekihugo babye nga sibetunda ndeke; kusangwa ekihugo kyetu sikyendisyabyaho ebiro binene. 32Nĩkwa sĩnyanzĩre mukagalwa nʼamaganĩryo. Oyũtahĩkĩrye akatsomana omũbĩrĩ wʼOmukama, kusangwa anzĩre erĩtsemesya Omukama. 33Nĩkwa oyũhĩkĩrye akatsomana emyatsi yʼekihugo, kusangwa anzĩre erĩtsemesya omũkalĩ wuwe. 34Neryo erisonda liwe ligabene, omutima wuwe ali ko myatsi ĩbĩrĩ. Kandi omũkalĩ oyũtahĩkĩbwe, kutse omumbesa, bakatsomana omũbĩrĩ wʼOmukama, iniatoka eribya mũbũyĩrĩre omo mubiri nʼomo kĩrĩmũ; nĩkwa omũkalĩ oyũhĩkĩbwe akatsomana emyatsi yʼekihugo, kusangwa anzĩre erĩtsemesya ĩba wuwe.
35Ngabũga ebĩ kusangwa nyanzĩre erĩbawatĩkya. Sĩnyanzĩre erĩbakakĩrya, nĩkwa nyanzĩre imwakola, ebitolere. Kandi nyanzĩre imwayiha oko mũbĩrĩ wʼOmukama, butsira awandi maganĩrya.
36Nĩkwa omundu amaganĩrya ati syĩkere ndeke busana nʼoyo asĩmolaya, amabya ane kigungutsya. Kandi amabya akaganĩraya ati litolere ĩbahĩkanĩa, amabya anzĩre, sihali kibi, bahĩkanaye. 37Nĩkwa oyũsĩkĩre omo mutima wuwe, ĩsialihatikanawa, kandi ĩnĩasĩ ekyo anzĩre ndeke, amasoha kwenene omo mutima wuwe ati sĩendĩsyahĩkya omumbesa oyo, akakola ndeke. 38Neryo oyũkaherũkayaoyo asĩmolaya akakola ndeke, kandi oyũtemũherũkaya akakola ndeke kwilaba.
39Omũkalĩ oyũhĩkĩbwe siali nʼehamũlĩ yʼerĩlũamo, omugulu ĩba wuwe akineho. Nĩkwa ĩba wuwe amahola, ali nʼobwĩranda bwʼeriherukira okwʼoyo anzĩre, omulume amabya ini Mukristo kwenene. 40Nĩkwa ĩngye nyiti, asyabana obutseme ndeke amatendiheruka. Nage ngaganĩraya nyiti Omũlĩmũ wa Nyamuhanga akanyisondola.
ప్రస్తుతం ఎంపిక చేయబడింది:
1 Abanya Korĩnto 7: KB80
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bible in Kinandi © Bible Society of the Democratic Republic of Congo, and Bible Society of Uganda, 1980.