1 Abanya Korĩnto 2
2
Omwatsi wʼomusalaba wa Kristo
1Balĩkyetu, omugulu nabahĩkako erĩbatũlĩra omwatsi wʼekwenene wa Nyamuhanga, mondasa omo bĩnywa byʼamenge nʼebyʼekĩsehya. 2Kusangwa monayĩsũnza nyiti sĩnangaganĩrya ogundi mwatsi omo katĩkatĩ kenyũ, nina Yesu Kristo, nʼoluholo luwe oko musalaba. 3Nage nabya haguma nenyũ, inyiri molo-molo, kandi nabya nʼeriubaha, nʼerititimana lĩnene. 4Neryo ekĩnywa kyage nʼerĩtũlago lyage, sibyabya byʼekĩsehya kyʼebĩnywa byʼamenge wʼabandu, nĩkwa byabya ĩbakakangaya obũtokĩ bwʼOmũlĩmũ wa Nyamuhanga. 5Neryo erĩkĩrĩrya lyenyũ sirihangane omo menge wʼabandu, nĩkwa lihangane omo bũtokĩ bwa Nyamuhanga.
Amenge wa Nyamuhanga
6Nĩkwa tũkabũga amenge oko bandu bahĩkene. Nĩkwa si menge wʼekihugo kino, kutse amenge wʼabatabalĩ bʼekihugo kino, abakahwaho. 7Nĩkwa tũkabũga amenge wa Nyamuhanga mo lĩkũmbo, awabĩsamĩre oko bandu ago Nyamuhanga ayisoga busana nʼolukengerwa lwetu, ekihugo kite kyahangikwa. 8Abatabalĩ bʼekihugo kino mobataminya amenge aya. Kusangwa nga balibya basĩ amenge ayo, kumbe sibetabamba Omukama wʼolukengerwa oko musalaba. 9Nĩkwa Amasako akabũga ati,
Emyatsi eyo ameso ate alangira, nʼamatwĩ atĩowa,
Nʼemyatsi eyo mutima ate aganĩrya,
Eyo ni myatsi eyo Nyamuhanga abiritegeka busana nʼabandu abamwanzĩre.
10Nĩkwa Nyamuhanga abĩrĩtũbĩsũlĩrayo omo Mũlĩmũ wuwe. Nĩ Mũlĩmũ akasonda emyatsi yosĩ, akasonda erĩyĩsũnza lya Nyamuhanga. 11Ko ni mundu wahi oyo wasĩ emyatsi yʼomundu kite ekĩrĩmũ kyʼomundu oyo ekiri omwisi wuwe kwehĩ? Litya sihali oyo wasĩ emyatsi ya Nyamuhanga ate Omũlĩmũ wa Nyamuhanga. 12Nĩkwa ĩtwe sitwetangirira ekĩrĩmũ kyʼekihugo, nĩkwa twabiriangirira Omũlĩmũ ogo Nyamuhanga atuma, itwatoka eriminya emyatsi eyo Nyamuhanga abirituha mo lũsũnzo.
13Ebĩnywa ebyo tũkabũga, sĩ bĩnywa byakangĩrĩrĩbawa omo menge wʼabandu, nĩkwa ebyakangĩrĩrĩbawa nʼOmũlĩmũ, neryo tũkakũmbũla emyatsi yʼOmũlĩmũ wa Nyamuhanga oko bawite Omũlĩmũ oyo. 14Nĩkwa omundu oyutawite Omũlĩmũ sialitoka eribana olũsũnzo olũkalũa oko Mũlĩmũ. Kandi sialiminyalo kusangwa ni myatsi yʼobũkĩrũ busana naye. Kusangwa endũndĩ yalo ikasohawa omo menge wʼOmũlĩmũ. 15Nĩkwa omundu oyuwite Omũlĩmũ akatoka erisoha endũndĩ yʼemyatsi yosĩ, nĩkwa iye sialisohawa nʼomundu. 16Ngoko Amasako akabũga ati,
Nindi yo wasĩ obũlengekanĩa bwʼomukama kwehĩ?
Nindi yo wangatoka erimuhana kwehĩ?
Nĩkwa ĩtwe tuwite obũlengekanĩa bwa Kristo.
ప్రస్తుతం ఎంపిక చేయబడింది:
1 Abanya Korĩnto 2: KB80
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bible in Kinandi © Bible Society of the Democratic Republic of Congo, and Bible Society of Uganda, 1980.