Pr 11 నుండి ప్రసిద్ధ బైబిల్ శ్లోకాలు

షేర్ చేయి

A eb' tz'el 'a sc'ojl ya'n junc tas, tzniwtj tas 'ay 'a eb'; ax eb' tzcolwji, 'oj colxoc pax eb'.

'Ay wal eb' 'anma caw wal 'ela', b'ecn sc'ojl spojn 'ec' tas 'ay 'a 'a. A eb' cha, yel xo wal niwn tzyutj eb' schan spac. 'Ay pax eb' 'anma caw b'as, tzjaw meb'a'il 'a yib'n̈ eb'.

Toto tzqui b'an̈c qui b'a, cojn q'uixwelal tzquijec cot 'a quib'an̈, yuj cha, toto jeln on̈ec, yel xo wach' 'emmquilal queq'uec.

Toto may snab'en junc mach tzjucb'tzan junc chon̈ab', caw wal tzlajw 'ejmi; ax toto niwn eb' tz'a'w nab'en, wach'n̈j tz'aj 'el'chi.

A tas tzb'o eb' tojl sb'eyb'al, a chi tz'a'n sq'uinl eb'; a eb' jelan, caw wal tzmontchj eb' 'anma yuj eb'.

A eb' alm peclal, a tas cob' c'ultac tzalx 'a eb', c'uxn tzyal-l eb'; ax eb' wach' snab'en, ton̈j tzmolcn eb' 'a snab'en.

Toto tz'o'ch qui c'ojlec 'a eb' quit 'anma'il, 'oj qui chac wach'il; ax toto may yel'ch junc 'anma chi 'a qui satec, 'oj cot 'a quib'n̈ec yuj qui tu nab'enal cha.

A eb' tzya'ch sricoal yipc sc'ojol, 'oj 'em eb' 'icha tz'aj yem stacn̈il xil te te 'a yich, palta ax eb' tojl sb'eyb'al, 'oj yic' eb' yip 'icha tz'aj syaxb' sc'ab' te te'.

A wal yic 'oj jawc jun c'u yic 'oj 'och b'eyc'ojlal 'ayn̈ec, caw wal man̈x 'a yel'ch qui ricoalec cha, cojxn qui tojl b'eyb'alec, a 'oj qui colnec 'el 'a yol sc'ab' chamel.

Toto tojl qui b'eyb'alec, a qui tojl b'eyb'alec chi tzon̈ 'i'nec b'eyoc, palta toto tzquixtjec quit 'anma'il, mun a qui tu b'eyb'alec chi tzon̈ satnec 'eli.

A swach'l yilx junc 'ix 'ix may snab'en, lajn 'icha junc q'uen argoya nab'a oro 'aych 'a sn̈i junc no chitam.

A Jehová, matz chaj sc'ojol eb' tzc'anlb'an junc 'echtab' man̈ tz'acnoc, palta ax eb' tzc'anlb'an 'echtab' tz'acan, caw tzalj yet' eb'.