Romanos 6
6
Ó kuíto̱heni ti ijie̱ la Cristo kjuínchexechón ti jeheni
1A̱ndá ijie, ¿nkehe tsixroni? ¿Á na̱xa̱ chrókjuasini ijie̱ kixin Díos la a̱ntsí chrókjua̱ko̱xi̱n kixin ti̱konoéhe̱ ti jeheni ní? 2Náhí. Jeheni la ó kjuixin ikꞌuéni la ó kuíto̱heni ti ijie̱. ¿A̱ndá nkekuènté na̱xa̱ chrókjuasini ijie̱ ínaá? 3¿Á noahñara kixin ti kuikiteni kixin kuitekaoni Cristo la éxi kꞌuénkoni chꞌan ní? 4#Col. 2:12.*Kixin ti kuikiteni la éxi xravákoni Cristo la ko kꞌuénkoni chꞌan, a̱ndá ijie la ó xechóni kixin Cristo la xechónxin chꞌan ti kjuachaxin ijié chónta ti Itꞌé chꞌan méxra̱ chrókꞌuájini ti nti̱a ni̱xin.
5Kixin ti chaxín ikꞌuéni éxi ikꞌuén chꞌan, la kja̱xin jeheni tsoxechóni éxi xechón chꞌan xi̱kaha. 6Ó noheni kixin ti nduáhya kuékꞌejóni la táha ti kꞌuénxin Cristo, kjuákꞌenkáni chꞌan ntacruz kixin ndá jína chrókꞌuitjáñaxín kaín ti ijie̱ kꞌuéchóntani kixin ijie la í sinchexiteyéhyani ti ijie̱. 7Ti nkexro ó ikꞌuén la ó kjuixin kuíto̱he ti ijie̱. 8A̱ndá jeheni ti kꞌuénkoni Cristo la ó noheni kixin tsoxechóni, la tsꞌejókoni chꞌan. 9Kixin ó noheni kixin Cristo la xechón, la í tsꞌenhña chꞌan ínaá, kixin ti kjuachꞌén la í chóntahya kjuachaxin tsꞌe̱to̱an kixin na̱xa̱ itsꞌen chꞌan. 10Ti ikꞌuén Cristo la ó naá ikꞌuén chꞌan ó kixin ti ijie̱ la í tsochóntahya kjuachaxin. A̱ndá ijie xechón chꞌan la tjechónxin chꞌan Díos la tsikosáyehe chꞌan. 11A̱ndá jahara kja̱xin chrókjuénka̱yáxinra kixin ó kjuixin ikꞌuénra, la í xitjahya tsjásinra ijie̱, kixin ó xechónra la tjejoko̱ara Díos kixin tinkachónkira Jesucristo, ti Ìnchéni.
12Méxra̱ chrókui̱to̱éhyara kixin chrókjan ti ijie̱ chrókꞌue̱tue̱hen ti cuerpo kuèntára ínaá, kixin chrókjui̱nchexiteyéhéra ti nkehe nduáhya tjénka̱yáxinra. 13Tjájonhñara ti cuerpo kuèntára kixin chrókꞌóna nkehe chrókjuásixínra ijie̱. Ícha jína chróchje̱héra Díos a̱sánra éxi ijnko chojni tsíkꞌen, ó xechón ínaá. Chje̱héra Díos ti cuerpo kuèntára kixin tsjikosáyexínra chꞌan la ko si̱chꞌera ti ixra̱ jína. 14Kixin ti ijie̱ la í chóntahya kjuachaxin tsꞌe̱tua̱hanra, kixin í jehya ti ley tꞌe̱to̱an ijie, náhí. Díos tjue̱he ti jahara la jína tjejora ijie.
Éxi ti chojni chꞌexón ixra̱
15A̱ndá ijie, ¿nkexrín chrókꞌuejóni? ¿Á na̱xa̱ chrókjuasini ijie̱ kixin ti ley la í tꞌe̱tue̱nhña ti jeheni ijie ní? Kjá náhí. Kixin Díos imá tjue̱he ti jeheni la kuaáxini chꞌan, la kjá í chrókjuasinhñani ijie̱. 16Jahara ó nohara jína kixin ti sichꞌeheni ixra̱ ijnko lamo la tsitekakoheni chꞌan, la ti xi̱kaha, la ticháxi̱n sinchexiteyéheni ti lamo kuènténi. Mé xi̱kaha tso̱hen ti na̱xa̱ sinchexiteyéheni ti ijie̱, la ti ijie̱ mé tꞌóna éxi lamoéni la tíha mé tsꞌenxíni. A̱ndá ti tsitekaoni Díos la jína tsꞌejóni. 17Ndá ijie la kjuasáye Díos, kixin kui̱konoáha̱ra chꞌan, kjónté na̱xa̱ kꞌuékjásinra ijie̱, la ti ijie̱ mé kꞌue̱tua̱hanra, a̱ndá ijie kaín a̱sánra kuitekáonra ti nkehe xráko̱hara. 18La ó kui̱to̱héra ti kꞌuékji̱nchexiteyéhéra ti ijie̱. Ndá ijie la ó kꞌónara chojni chꞌehe ixra̱ Ìnchéni. 19Ijie la níxja janhan éxi ijnko chojni ó, kixin jahara la tiénxinhñara jína. Ti senó kjui̱nchexiteyéhéra ti nkehe nduáhya kixin kꞌuékji̱chꞌera ti nkehe jínahña, ndá ijie la chrókjuájonra ti cuerpo kuèntára kixin chrókuénxín ti ixra̱ jína éxi tjinkaon Díos kixin tjóá chrókꞌuejora.
20Ti na̱xa̱ kjui̱nchexiteyéhéra ti ijie̱, la xitjahya si̱chꞌera ti ixra̱ jína la ko ndoá. 21¿Ndá nkehe kjuachara ti xi̱kaha kꞌuékji̱chꞌera ti nkehe jínahña? Ndá ijie tósuàhara kixin xi̱kaha kꞌuékji̱chꞌera. Kaín tíha la jehó tsꞌenxín chojni. 22Ndá ijie la ó kjuixin kjuìin ti nkehe kuékꞌe̱tua̱hanra kꞌuékjásinxínra ijie̱. Ndá ijie ó kjuankíxinra chꞌehéra ixra̱ Díos. Tíha la tsjinki̱tsa kixin jína tsꞌejoxi̱nra kixin tso̱tjuáxinra la ko tsꞌayéhéra ti kjuachón nkochríxín. 23Ti nkehe tsjacha ti tsjasini ijie̱ la ti itsꞌeni nkochríxín. A̱ndá ti nkehe tsi̱to̱nhe̱ni tsjajon Díos mé ti kjuachón nkochríxín kixin tinkáchónkini Ìnchéni Cristo Jesús.
Iliyochaguliwa sasa
Romanos 6: poeNTplus
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.
Romanos 6
6
Ó kuíto̱heni ti ijie̱ la Cristo kjuínchexechón ti jeheni
1A̱ndá ijie, ¿nkehe tsixroni? ¿Á na̱xa̱ chrókjuasini ijie̱ kixin Díos la a̱ntsí chrókjua̱ko̱xi̱n kixin ti̱konoéhe̱ ti jeheni ní? 2Náhí. Jeheni la ó kjuixin ikꞌuéni la ó kuíto̱heni ti ijie̱. ¿A̱ndá nkekuènté na̱xa̱ chrókjuasini ijie̱ ínaá? 3¿Á noahñara kixin ti kuikiteni kixin kuitekaoni Cristo la éxi kꞌuénkoni chꞌan ní? 4#Col. 2:12.*Kixin ti kuikiteni la éxi xravákoni Cristo la ko kꞌuénkoni chꞌan, a̱ndá ijie la ó xechóni kixin Cristo la xechónxin chꞌan ti kjuachaxin ijié chónta ti Itꞌé chꞌan méxra̱ chrókꞌuájini ti nti̱a ni̱xin.
5Kixin ti chaxín ikꞌuéni éxi ikꞌuén chꞌan, la kja̱xin jeheni tsoxechóni éxi xechón chꞌan xi̱kaha. 6Ó noheni kixin ti nduáhya kuékꞌejóni la táha ti kꞌuénxin Cristo, kjuákꞌenkáni chꞌan ntacruz kixin ndá jína chrókꞌuitjáñaxín kaín ti ijie̱ kꞌuéchóntani kixin ijie la í sinchexiteyéhyani ti ijie̱. 7Ti nkexro ó ikꞌuén la ó kjuixin kuíto̱he ti ijie̱. 8A̱ndá jeheni ti kꞌuénkoni Cristo la ó noheni kixin tsoxechóni, la tsꞌejókoni chꞌan. 9Kixin ó noheni kixin Cristo la xechón, la í tsꞌenhña chꞌan ínaá, kixin ti kjuachꞌén la í chóntahya kjuachaxin tsꞌe̱to̱an kixin na̱xa̱ itsꞌen chꞌan. 10Ti ikꞌuén Cristo la ó naá ikꞌuén chꞌan ó kixin ti ijie̱ la í tsochóntahya kjuachaxin. A̱ndá ijie xechón chꞌan la tjechónxin chꞌan Díos la tsikosáyehe chꞌan. 11A̱ndá jahara kja̱xin chrókjuénka̱yáxinra kixin ó kjuixin ikꞌuénra, la í xitjahya tsjásinra ijie̱, kixin ó xechónra la tjejoko̱ara Díos kixin tinkachónkira Jesucristo, ti Ìnchéni.
12Méxra̱ chrókui̱to̱éhyara kixin chrókjan ti ijie̱ chrókꞌue̱tue̱hen ti cuerpo kuèntára ínaá, kixin chrókjui̱nchexiteyéhéra ti nkehe nduáhya tjénka̱yáxinra. 13Tjájonhñara ti cuerpo kuèntára kixin chrókꞌóna nkehe chrókjuásixínra ijie̱. Ícha jína chróchje̱héra Díos a̱sánra éxi ijnko chojni tsíkꞌen, ó xechón ínaá. Chje̱héra Díos ti cuerpo kuèntára kixin tsjikosáyexínra chꞌan la ko si̱chꞌera ti ixra̱ jína. 14Kixin ti ijie̱ la í chóntahya kjuachaxin tsꞌe̱tua̱hanra, kixin í jehya ti ley tꞌe̱to̱an ijie, náhí. Díos tjue̱he ti jahara la jína tjejora ijie.
Éxi ti chojni chꞌexón ixra̱
15A̱ndá ijie, ¿nkexrín chrókꞌuejóni? ¿Á na̱xa̱ chrókjuasini ijie̱ kixin ti ley la í tꞌe̱tue̱nhña ti jeheni ijie ní? Kjá náhí. Kixin Díos imá tjue̱he ti jeheni la kuaáxini chꞌan, la kjá í chrókjuasinhñani ijie̱. 16Jahara ó nohara jína kixin ti sichꞌeheni ixra̱ ijnko lamo la tsitekakoheni chꞌan, la ti xi̱kaha, la ticháxi̱n sinchexiteyéheni ti lamo kuènténi. Mé xi̱kaha tso̱hen ti na̱xa̱ sinchexiteyéheni ti ijie̱, la ti ijie̱ mé tꞌóna éxi lamoéni la tíha mé tsꞌenxíni. A̱ndá ti tsitekaoni Díos la jína tsꞌejóni. 17Ndá ijie la kjuasáye Díos, kixin kui̱konoáha̱ra chꞌan, kjónté na̱xa̱ kꞌuékjásinra ijie̱, la ti ijie̱ mé kꞌue̱tua̱hanra, a̱ndá ijie kaín a̱sánra kuitekáonra ti nkehe xráko̱hara. 18La ó kui̱to̱héra ti kꞌuékji̱nchexiteyéhéra ti ijie̱. Ndá ijie la ó kꞌónara chojni chꞌehe ixra̱ Ìnchéni. 19Ijie la níxja janhan éxi ijnko chojni ó, kixin jahara la tiénxinhñara jína. Ti senó kjui̱nchexiteyéhéra ti nkehe nduáhya kixin kꞌuékji̱chꞌera ti nkehe jínahña, ndá ijie la chrókjuájonra ti cuerpo kuèntára kixin chrókuénxín ti ixra̱ jína éxi tjinkaon Díos kixin tjóá chrókꞌuejora.
20Ti na̱xa̱ kjui̱nchexiteyéhéra ti ijie̱, la xitjahya si̱chꞌera ti ixra̱ jína la ko ndoá. 21¿Ndá nkehe kjuachara ti xi̱kaha kꞌuékji̱chꞌera ti nkehe jínahña? Ndá ijie tósuàhara kixin xi̱kaha kꞌuékji̱chꞌera. Kaín tíha la jehó tsꞌenxín chojni. 22Ndá ijie la ó kjuixin kjuìin ti nkehe kuékꞌe̱tua̱hanra kꞌuékjásinxínra ijie̱. Ndá ijie ó kjuankíxinra chꞌehéra ixra̱ Díos. Tíha la tsjinki̱tsa kixin jína tsꞌejoxi̱nra kixin tso̱tjuáxinra la ko tsꞌayéhéra ti kjuachón nkochríxín. 23Ti nkehe tsjacha ti tsjasini ijie̱ la ti itsꞌeni nkochríxín. A̱ndá ti nkehe tsi̱to̱nhe̱ni tsjajon Díos mé ti kjuachón nkochríxín kixin tinkáchónkini Ìnchéni Cristo Jesús.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2016, Wycliffe Bible Translators, Inc. All rights reserved.