Mistari Maarufu ya Biblia kutoka Romu 7

Àrị ịmịẹtẹ kẹ Tamụnọ ḅẹẹm, anie Wanyanaḅọ Jizọsị Kịrayịsị ḅụ miemẹ kọrị ị̀ pịrịarị ḅọ ḅe! Mie gbala ye ị̀ na sime-ḅara: ì kuroma ḅụ ngẹrị mie arị inetẹ Tamụnọ oloko kokoarị ye, tẹ nwẹnị ì meni-oju ḅụ tomina si sime-ḅara ḅẹ oloko mẹ kokoarị.

À pịkị nimi wararị mịnẹ ị̀ ḅụụ ḅio gbọrụ iḅi sọ ofori, anie ì tomina si sime-ḅara mẹ ḅụ mie à ḅẹẹarị ye. Kẹ gotẹ ọkọ ḅẹẹarị, arị iḅiye mịẹ ḅẹ tọn sọ arị inetẹ mịẹ-a.

À mịẹ ḅẹ-ḅiiarị iḅiye mẹ à mịẹ-a, anie nakara à mịẹ ḅẹ ḅii-a siye mẹ rẹ mie à mịẹarị ye.

Àrị à mịẹ ḅii-a ye mịẹarị mẹ fiearị mịnẹ mịẹarị ḅọ mẹ yẹrị-yaa; anie nakara ị̀ ḅụụ ḅio angarị si mẹ.

Mie ḅụ à kẹ ye ẹrị ḅara, anị gbala ḅọrọ oloko sọ tẹ mịnẹ, arị iḅiye mịẹ ḅẹ ḅii sakị, ḅii sakị siye, siye mie à sẹlẹ-ọkị tẹ mịẹarị ye. Ị̀ tẹmẹ suku-ḅio à Tamụnọ oloko mẹ ḍiki ḅioḅẹlẹarị

Arị à mịẹ ḅẹ ḅii-a ye mịẹarị ye mẹ fiearị mịnẹ Oloko mẹ karakara ḅụ emi.