Matthew 18
18
Kina Angelleghpigaawa?
1Taam kingunginaaneng maligsaaghtet Jesusâmun tagiluteng aaptekaat, âAtaneghpagullghani Qilagem kina angelleghpigaawa?â
2Jesusâem tagsighluku taghnughhaq nekevestekaa qukiitgun. 3Pikii, âIpa ungipaatamsi, iteghnaanghitngwaaghtusi Ataneghpagullghanun Qilagem wetqukun taghnughhaghestun lliiqufsi. 4Kina alngunak ukaliighlleghhii uutun taghnughhaghtun, angelleghpigaaguq Ataneghpagullghani Qilagem. 5Kitum alngunak atemkun tuguklineghminigu whatelnguq taghnughhaq, whanga tuguklighaqaanga. 6Iwernga kitum alngunak seghleghqestekagu naliit mekestaaghhaat ugpeqingalghiit whangamneng, itagnaghnayaghtuq yuget qaamqaghfikluku uyaqwaghkun uyghagllagmeng kalefsaqumegteggu uusqallghanun kelliim.
Yakughnallgha Seghleghqellghem
7âSeghleghwaaghunaqnguut yuget qayughllak nunami whani nanghiiqulleghtupigtut seghleghqelleghmun. Nanghiiqullghet seghleghqistimun piyaghqaagut, iwernga seghleghwaaghunaqnguuq kina seghleghqestilghii yugneng!
8âIiggegpek nalighmeng itegaghpek seghleghqestekangaten, kepluki eggnaketen! Itagnaghataghaghnayaghtuten kenlengilngughmun unguvalleghmun iitquvek, iiggiteghngaaghpek nalighmeng itegiiteghngaaghpek miluutelleghqaghpeneng kenlengilnguugnun kenghegnun, inglugtun iiggelighluten nalighmeng itegalighluten. 9Iyegpeklu seghleghqestekangaten ipugluku eggnaken! Itagnaghataghaghnayaghtuten kenlengilngughmun unguvalleghmun iitquvek inglupigaq iiskelluku, miluutelleghqaghpeneng kenghanun hellâem inglugtun iyelguluten.
10âWataghllak, ukaliqegpenaki nalighhiiniit ukut mekestaghhaat. Ungipaatamsi, qilagmi yaqulgita quunpeng Atama qilagmelnguum gginaa esghaghaqaat. 11Ighnegha Yugem tagikaaguq yugulinaluki iflakat.
Ungipaghaatkegkaq Iflakaq Penniiq
12âSumeghpesini sanayaghta yuuk 100 penniilek, ataasiq aghulaqsaqan? Ivaghyaghtughnayaghtaguu aghulaqegkaq unilluki 99 penniini qeminilluki? 13Ipa piimsi, naalkegkumigu quyakeghllagyaghqaqaa pakiggulluku 99âeneng aghulaqumangilngughneng. 14Tawateghpigaq Atagpesi qilagmelnguum piyukelqenghitaa nalighhiiniit maakut mekestaghhaat iflasqelluki.
Ugpeqaalgutem Anaggutellgha
15âUgpeqaalgutegpek seghletun pikangaten, ellnginaaghulluku ungipaannaken anaggutellghaneng. Nagaskumiten taawa ilaliighunneqigllequtek. 16Iwernga nagasunghilkangaten, takunqiggnaken kelqelluku ataasiq nalighmeng maalghuk ugpeqaalgutek liisimakestengulukek sameng pilleghpetegneng. Tawaten pilghaaten qayughllak Akuzitet Igaqegkat apeghtuusaqaat maalghuk nalighmeng pingayut liisimakistet ipapighqesaghqaqaat anaggutelleq. 17Iwernga nagasunghilkaki apeghnakesi yughaghvigem yugitnun. Nagasunghilkaki talwa yughaghvigem yugi, kiyaghunnakesi Gentileângulghiistun, taxâmengllu qerngughtistengulghiistun.
18âIpa ungipaatamsi, sangwaa alngunak asightekufsigu nunami whani, asighsaghqaaguq qilagmillu. Sangwaa alngunak itemuskufsigu nunami whani, itemusaghqaaguq qilagmillu.
19âIlanganengllu ungipaannaqamsi, nunami whani maalghugulutek itagnaqutngukuftek aapnalutek sameng alngunak, Atama qilagmelnguum apeghiighlleqaa elpetegnun. 20Qayughllak maalghuggaat nalighmeng pingayuggaat qerngughuskata whanga atemkun, akulngitnisaghqaagunga.â
Ungipaghaatkegkaq Seghevutinghilnguq Qepghaghta
21Taagken Peterâem takuluku Jesus aaptekaa, âAtaneq, ugpeqaalgutma seghletun pimanginaqanganga naten uglaghqakaan seghevusaghqaqsikun? Ketwell maaghraghvinlaak?â
22Jesusâem kiimsiqaa, âMaaghraghvinleggiinaq seghevusaghqaqenghitan, iwernga 70 x 7. 23Tawaten piimken qayughllak Kiyaghneghem igleghutillgha Ataneghpagullghani Qilagem whatetuq: Umiilgem qepghaghtemi igiit yuvghiighyaghtuqii esghaghnaluki asengetulangit. 24Iiwenllu igiit yuvghiighaqii, umiilegmun itghutkaat qepghaghta asengelek 10,000 manimeng. 25Tawaten angkaan maningilnguq llivikuusaghqameng asengeminun. Enkaam umiilgem akikesqegkii ellnga, nulighha, avaqutii, saghyangillu llivikuusaaluki asengenganun. 26Iwernga qepghaghta sikmuulluni umiilegmi manungakun maniguutepiglluni pikaa, âUtaqiigaghten! Lliviknaaghaqa qamagtengngwaaghluku!â 27Umiilgem nangllegyagulluku puygusqegkaa asengenga enkaam aanestekaa.
28âTaagken taana qepghaghta aanluni nallaqaa qepghaghtelgutni 100 manimeng asengekaq. Akuqaghluku uyaqwhakun pikaa, âLlivikinga asengegpeneng!â 29Qepghalgutangan sikmuulluni nangllegsipiglluni pikaa, âUtaqiigaghten, llivikelleqamkenâ. 30Iwernga yugem nagasimangilkanga, yeghlegi anusimingllaghtestekaa kenlanga asengenga llivikellghanun. 31Ilangita qepghaghtet esghapagluku tawaten pillgha, seghleghyaguteghllagluku umiilegmeggnun apeghyaghtuqaat. 32Enkaam umiilgem qepghaghta taana tagsiqlighluku pikaa, âUyuq seghlepestaaq qepghaghta! Leganêngam seghevutamken asengeghllagpeneng, qayughllak nangllegsilghiiten. 33Qepghalguten nangllegyagusaqlegestun katam whanga nangllegyagutellemtun elpek!â 34Umiilgem sakritepiglluni taana qepghaghta aglaatestekaa amyuutkistenun anusimingllaghvigmelngughnun kenlanga qamagtengngwaaghluku asengenga llivikellghanun.
35âEsgha tawateghpigaq Atama qilagmelnguum qamagllusi piyaghqiisi, qamaken ilugpesineng seghevunneghilkufsiki yulgutesi.â
Nu markerat:
Matthew 18: ess
MĂ€rk
Dela
JÀmför
Kopiera
Vill du ha dina höjdpunkter sparade pÄ alla dina enheter? Registrera dig eller logga in
© 2018, Wycliffe Bible Translators, Inc. All rights reserved.
