Kɨlag 25
25
1Lon Pestus ɗe tee kam dɔning Judet ye, go ndɔt kɨkõmɨta ɓai ɓebo Sejaret aw Jerusalemt. 2Nõbe, kɨbo lo ngéjanyamosɨkadkari kɨ kɨbog lo Juipg ɗe sekɨn Pol ta Pestust. 3Ndɨjena anan: Kɨ kɔi kad i la kɨla ad ɗen kɨ Pol Jerusalemt.
Juipg yan gum titbe kɨ'n tɔlɨn ne Pol dɔ ɗobt. 4Na Pestus turd an: Pol i dangait kam ɓet kɨ Sejare. Mĩ kɨɓe kɨ dɔm ɓet m'a m'aw nu nderbe. 5Pestus el tɔ an: Kɨ kɨbog losɨ madg awɨn nat sem Sejaret, ĩla de'n non ɗa nya mad kɨmajal a ne, a lan ta dɔat nu.
6Pestus ɗa sed ndɔ jijoo ke kɨlah koon kam ɓet kɨ Jerusalem, kamla tel aw gog Sejaret ye. Loti got, Pestus ndɨ dɔ pong gangtat, ndamber kad ɗen kɨ Pol. 7Lon Pol ɗe woi ye, Juipg'n ɓain Jerusalemt, lan na gugɨn dɔa gej, tetɨn tag ngãibe kɨ nyag kɨkootɓool kɨ dɔat, na asɨn kad man naj kɨ ɗubagt dɔ nyat kɨmajal jeje'n Pol ɗa nõ al. 8Na Pol kɨ dɔn elta ɔrrɨn ta dɔnt an: M'ɗa nya mad kɨmajal m'ndoorɨn mberkɨnda al ho, Juipg al ho, ke kuj ndub Luwah al ho, ke Sejar.
9Pestus ndig kad kam Juipg hɔn, kɨta 'nten la, ndɨje Pol an: I ndig kaw Jerusalemt kad gangɨn ta dɔ nyag 'nten nu u?
10Na Pol tura an: Mĩ m'ɗa nõ pong gangtat lo Sejar nẽ be, i lo kɨ sumba kad gangɨn ta dɔmt tit. M'ɗa nya mad kɨmajal m'ndoorɨn Juipg al, ĩ kɨɓe kɨ dɔi i ger ɓet. 11Ĩla mĩ kɨ ta mad dɔmt a ne, ke ĩla m'ɗa nya mad kɨ sumba koi a ne, m'orom koi al; na ĩla nyag'n deg'n ɗan ɗa tetɨn kɨ dɔmt i ta kɨ rota al a ne, de kɨ asɨ lam jidt goto. Ĩla i titbe a ne, m'ndɨje kad kɨ Sejar la gangta lom ye.
12Taa ne, Pestus elta kɨ deg kɨ ngékɔj'n. Kamla el Pol an: I ndɨje kad Sejar la gangta loi ye, a aw ro Sejart.
Pol ɗa nõ ngar Agripat kɨ Bernis
13Ndɔg tɔin ngonsĩ a ne, Ngar Agripa kɨ ngonkõa kɨdẽ Bernis ɗen Sejaret kad'n ɗan lapia Pestus. 14Ɗan ndɔ asɨ tat Sejaret, ad Pestus ɔrr girr ta lo Pol ad Ngar Agripa. Ela an: De mad i nẽ, Peliks nyàa kɨ dangait kamla m'ɗe m'ga goota ye. 15Na lon m'aw Jerusalemt ye, bɨradɔ ngéjanyamosɨkadkarig kɨ kɨbog lo Juipg ɗe sekɨna tamt, ndɨjemɨn kad'm gangta dɔat. 16Na m'turd m'an: I nyabelɓe lo romag al kad lan de titbe ji degt kɨ ngélata dɔat kad tɔlɨna, kɨkanj kad ɗa nõ degt kɨ ngélata dɔat kad ngah ta ɗob kelta ɔrrɨn ta dɔnt. 17Kɨtɔ 'nten, Juipg ɗen sem nat nẽ, mi kaa ne m'ɔi dɔ romt al: Loti got m'ndɨ dɔ pong gangtat, m'ndamber kad ɗen kɨ de'n non. 18Lon madngétaag ɗen nõ pong gangtat ye, teen kɨ ta mad kɨmajal ngãi dɔat adɨn m'oo al. 19Na majɨn na ta sia kɨ ɔj dɔ nyabelɓe kɨ kɔsɨ dɔd kɨ ta kɨ ɔj dɔ de mad kɨ tɔa i Jeju. De'n non oi, na Pol ndɨ el an i kumkajir. 20Na mĩ taa m'ger nya'n sumba kad m'ɗa al kɨta ta nõ dum dɔm. Taa ne, m'ndɨje Pol ke ndig kaw Jerusalemt nu kad gangɨn ta loa a? 21Na Pol ndɨje kad ngomɨnɨn dangait mbã kad Sejar Ogust la kɨ gangta lon ye. Ad m'ndamber kad ngomɨna dangait mbã kad m'laa kɨ ro Sejart.
22Agripa el Pestus an: Mĩ kɨ dɔm m'ndig kɨ m'oo ta lo de'n non ho. Pestus tura an: Loti a ne, a oon ta loa ka ɗang ho.
23Loti got a ne, Agripa kɨ Bernis ɗen kɨ koosɨdeg ngãibe. Andɨn kam kuj gangtat nat kɨ bɨradɔ ngéɗɔɔg kɨ deg kɨbog kɨ ɓebot'n non. Kamla Pestus ndamber kad ɗen kɨ Pol. 24Taa Pestus el an: Ngar Agripa, kɨ ĩn deg tube'n ĩn nat sej nẽbe, oon de'n ɗan, koosɨ Juipg ndan rod nat ɗe ngahmɨn kɨta ta loa Jerusalemt ho Sejaret nẽ ho, kon anan: De'n ɗan sumba kad ndɨ kɨ dɔn dõ al. 25Mĩ taa ne, m'ngaa nya kɨɗa kɨ sumba gangta koi dɔat al. Na ĩ kɨɓe kɨ dɔn ndɨje kad Sejar Ogust la gangta lon ye. Kɨtɔ 'nten la m'ɔjɨn kad m'a m'la sia mad Sejar ho ye. 26M'oo ta mad dɔat jeje kɨ m'a m'ndang maktubt m'lan mad Sejar al. Kɨtɔ 'nten la m'ɗe sia nõsɨt ho, nõ ngar Agripat ho ye, kɨtakad lon i nderɨn girr ta 'nten woi a ne, m'a m'ngaa ta mad kad m'ndang dɔat m'lan. 27Kɨtɔ m'oo tit i nya kɨ ɓood kad de la kɨ de dangait kɨkanj kad da girr ta'n lan ne ta dɔat.
Nu markerat:
Kɨlag 25: MlL
Märk
Kopiera
Jämför
Dela
Vill du ha dina höjdpunkter sparade på alla dina enheter? Registrera dig eller logga in
Mbai Bible Revision © Bible Society of Chad, 2015.
Kɨlag 25
25
1Lon Pestus ɗe tee kam dɔning Judet ye, go ndɔt kɨkõmɨta ɓai ɓebo Sejaret aw Jerusalemt. 2Nõbe, kɨbo lo ngéjanyamosɨkadkari kɨ kɨbog lo Juipg ɗe sekɨn Pol ta Pestust. 3Ndɨjena anan: Kɨ kɔi kad i la kɨla ad ɗen kɨ Pol Jerusalemt.
Juipg yan gum titbe kɨ'n tɔlɨn ne Pol dɔ ɗobt. 4Na Pestus turd an: Pol i dangait kam ɓet kɨ Sejare. Mĩ kɨɓe kɨ dɔm ɓet m'a m'aw nu nderbe. 5Pestus el tɔ an: Kɨ kɨbog losɨ madg awɨn nat sem Sejaret, ĩla de'n non ɗa nya mad kɨmajal a ne, a lan ta dɔat nu.
6Pestus ɗa sed ndɔ jijoo ke kɨlah koon kam ɓet kɨ Jerusalem, kamla tel aw gog Sejaret ye. Loti got, Pestus ndɨ dɔ pong gangtat, ndamber kad ɗen kɨ Pol. 7Lon Pol ɗe woi ye, Juipg'n ɓain Jerusalemt, lan na gugɨn dɔa gej, tetɨn tag ngãibe kɨ nyag kɨkootɓool kɨ dɔat, na asɨn kad man naj kɨ ɗubagt dɔ nyat kɨmajal jeje'n Pol ɗa nõ al. 8Na Pol kɨ dɔn elta ɔrrɨn ta dɔnt an: M'ɗa nya mad kɨmajal m'ndoorɨn mberkɨnda al ho, Juipg al ho, ke kuj ndub Luwah al ho, ke Sejar.
9Pestus ndig kad kam Juipg hɔn, kɨta 'nten la, ndɨje Pol an: I ndig kaw Jerusalemt kad gangɨn ta dɔ nyag 'nten nu u?
10Na Pol tura an: Mĩ m'ɗa nõ pong gangtat lo Sejar nẽ be, i lo kɨ sumba kad gangɨn ta dɔmt tit. M'ɗa nya mad kɨmajal m'ndoorɨn Juipg al, ĩ kɨɓe kɨ dɔi i ger ɓet. 11Ĩla mĩ kɨ ta mad dɔmt a ne, ke ĩla m'ɗa nya mad kɨ sumba koi a ne, m'orom koi al; na ĩla nyag'n deg'n ɗan ɗa tetɨn kɨ dɔmt i ta kɨ rota al a ne, de kɨ asɨ lam jidt goto. Ĩla i titbe a ne, m'ndɨje kad kɨ Sejar la gangta lom ye.
12Taa ne, Pestus elta kɨ deg kɨ ngékɔj'n. Kamla el Pol an: I ndɨje kad Sejar la gangta loi ye, a aw ro Sejart.
Pol ɗa nõ ngar Agripat kɨ Bernis
13Ndɔg tɔin ngonsĩ a ne, Ngar Agripa kɨ ngonkõa kɨdẽ Bernis ɗen Sejaret kad'n ɗan lapia Pestus. 14Ɗan ndɔ asɨ tat Sejaret, ad Pestus ɔrr girr ta lo Pol ad Ngar Agripa. Ela an: De mad i nẽ, Peliks nyàa kɨ dangait kamla m'ɗe m'ga goota ye. 15Na lon m'aw Jerusalemt ye, bɨradɔ ngéjanyamosɨkadkarig kɨ kɨbog lo Juipg ɗe sekɨna tamt, ndɨjemɨn kad'm gangta dɔat. 16Na m'turd m'an: I nyabelɓe lo romag al kad lan de titbe ji degt kɨ ngélata dɔat kad tɔlɨna, kɨkanj kad ɗa nõ degt kɨ ngélata dɔat kad ngah ta ɗob kelta ɔrrɨn ta dɔnt. 17Kɨtɔ 'nten, Juipg ɗen sem nat nẽ, mi kaa ne m'ɔi dɔ romt al: Loti got m'ndɨ dɔ pong gangtat, m'ndamber kad ɗen kɨ de'n non. 18Lon madngétaag ɗen nõ pong gangtat ye, teen kɨ ta mad kɨmajal ngãi dɔat adɨn m'oo al. 19Na majɨn na ta sia kɨ ɔj dɔ nyabelɓe kɨ kɔsɨ dɔd kɨ ta kɨ ɔj dɔ de mad kɨ tɔa i Jeju. De'n non oi, na Pol ndɨ el an i kumkajir. 20Na mĩ taa m'ger nya'n sumba kad m'ɗa al kɨta ta nõ dum dɔm. Taa ne, m'ndɨje Pol ke ndig kaw Jerusalemt nu kad gangɨn ta loa a? 21Na Pol ndɨje kad ngomɨnɨn dangait mbã kad Sejar Ogust la kɨ gangta lon ye. Ad m'ndamber kad ngomɨna dangait mbã kad m'laa kɨ ro Sejart.
22Agripa el Pestus an: Mĩ kɨ dɔm m'ndig kɨ m'oo ta lo de'n non ho. Pestus tura an: Loti a ne, a oon ta loa ka ɗang ho.
23Loti got a ne, Agripa kɨ Bernis ɗen kɨ koosɨdeg ngãibe. Andɨn kam kuj gangtat nat kɨ bɨradɔ ngéɗɔɔg kɨ deg kɨbog kɨ ɓebot'n non. Kamla Pestus ndamber kad ɗen kɨ Pol. 24Taa Pestus el an: Ngar Agripa, kɨ ĩn deg tube'n ĩn nat sej nẽbe, oon de'n ɗan, koosɨ Juipg ndan rod nat ɗe ngahmɨn kɨta ta loa Jerusalemt ho Sejaret nẽ ho, kon anan: De'n ɗan sumba kad ndɨ kɨ dɔn dõ al. 25Mĩ taa ne, m'ngaa nya kɨɗa kɨ sumba gangta koi dɔat al. Na ĩ kɨɓe kɨ dɔn ndɨje kad Sejar Ogust la gangta lon ye. Kɨtɔ 'nten la m'ɔjɨn kad m'a m'la sia mad Sejar ho ye. 26M'oo ta mad dɔat jeje kɨ m'a m'ndang maktubt m'lan mad Sejar al. Kɨtɔ 'nten la m'ɗe sia nõsɨt ho, nõ ngar Agripat ho ye, kɨtakad lon i nderɨn girr ta 'nten woi a ne, m'a m'ngaa ta mad kad m'ndang dɔat m'lan. 27Kɨtɔ m'oo tit i nya kɨ ɓood kad de la kɨ de dangait kɨkanj kad da girr ta'n lan ne ta dɔat.
Nu markerat:
:
Märk
Kopiera
Jämför
Dela
Vill du ha dina höjdpunkter sparade på alla dina enheter? Registrera dig eller logga in
Mbai Bible Revision © Bible Society of Chad, 2015.