Kɨlag 23
23
1Pol nda kumɨn kɨ dɔ degt kɨ ngégangta ku Juipgt ndã kamla el an: Ngankom nyaɗam, kɨ tagah kɨ ngarkamt ĩn kɨmaj ho, kɨ kɔrr njereng nõ Luwaht'n m'ɗa kɨlaɓer m'ada mbã ɓone.
2Na Ananias bɨradɔ ngéjanyamosɨkadkari el deg'n ɗan nderbe kad Polt kɨ ndan taa; 3taa ne, Pol ela an: Ĩ kaa ne Luwah a ndai ho, ĩ bɔrr kɨ ɗa kɨ hɔr, i ndɨ nẽbe kad i gangta dɔmt kɨgo mberkɨndat, na el deg kad kɨ ndamɨn ye, i kɨgo mberkɨndat al. 4Deg'n ɗan nderbe kɨ Pol ye, elɨna anan: I taj bɨradɔ ngejanyamosɨkadkari lo Luwah a? 5Pol tur an: Ngankom m'ger kad i bɨradɔ ngejanyamosɨkadkari al, kɨta ndangɨn kam maktub kɨkunjɗangt anan: A i elta kɨmal dɔ ngekõɓe dɔ degt loi al.
6Na lon Pol oo kad gaj deg madg ku ngégangtagt lo Juipg, ĩn Sadukig, kɨmadg ĩn Parisɨg ye, elta kɨ tɔgɨn an: Ngankom, mĩ Parisɨ, ngon kooj Parisɨg. Tit ndeg Parisɨg m'nda kamt kad ngékoig a ɓain lo koit, i kɨta ta 'nten la ɗa gangɨn ne ta dɔmt. 7Lon Pol elta 'nten ye, Parisɨg kɨ Sadukig mbã girr gakna, ad ngégangta ku Juipgt kegɨn na joo. 8Kɨtɔ Sadukig ndɨ elɨn anan ngékoig ndɨ ɓain lo koit al, malaikaig ke ndilg goto'n tɔ, na Parisɨg taa ne, ndɨ adɨn kamd kad nyag'n non tube ĩn nõ. 9Koosɨdeg kɨsen kɨ ndid kɨbobo, ngéndoo deg mberkɨnda madg'n ĩn Parisɨg ye, ɓain dõ kɔlɨn kɨ ndɨd kɨ dõ anan: Kɨ ngah nya mad kɨmajal ro det'n ɗan al. Maj a ne, ndil ke malaika mad ela ta.
10Lon gakɨna'n non ndɨ tel kɨbo ye, Bɨradɔ ngéɗɔɔg ɓool na ɓet deg tɔrrɨn Pol kɨɗa kɨɗa. Ad ndamber ɓut ngéɗɔɔg kad ɗisɨn, kɨ n'arɨn Pol kɨgo lo ngetɔg kɨ taana ji degt kad ɗen sia kam kuj ngomdɔɓet. 11Lon londɔ got Bɨraɓe tee hɔi ɗa kad Polt ela an: Ire kami ndang tit'n ĩn ngemanaj lom kam ɓet kɨ Jerusalemt nẽbe ye, maj kad ĩ ngemanaj tɔm kam ɓet kɨ Romt ho.
Deg madg sahn tɔl Pol
12Loti got, Juip madg ndan tad nat kɨ yokɨnda kɨ nõ Luwaht anan: J'a kɨ sanya al ho kɨ j'ãi man al ho, mbã kɨ tɔl Pol kamtã. 13Deg'n unɨn kɔd kɨ yokɨnda, kɔrd tɔi dɔsɔɔ. 14Deg'n non aw ngahn bɨradɔ ngéjanyamosɨkadkarig kɨ kɨbog lo Juipg elɨnd anan: Oon j'un kɔj kɨ yokɨnda nõ Luwaht kad j'a kɨ sanya al ho, kɨ j'ãi man al ho, na kɨ tɔl Pol kamtã. 15Kɨtɔ 'nten, tajigla ad deg madg ngégangtag lo Juipg awɨn ro bɨradɔ ngéɗɔɔgt kad ndɨjen kad ɗen kɨ Pol nõsɨt kad oon go ta loa kɨ goɗobat gog. Jĩ taa, lon Pol tee dãsɨt al ɓaitɔ a ne, j'a kɨ so kɔat kɨ tɔla. 16Na ngon kɨdɨngã mad i ngon ngonkõ Pol kɨdẽ oo dɔ ta gum'n Juipg ndɨ yan kad'n tɔlɨn ne Pol nõ, ad aw gergert ug ta'n non el Pol. 17Taa ne, Pol kun kɨbo lo ngéɗɔɔg mad kɨɗa ela an: Aw kɨ ngon kɨdɨngã n'ɗan ro bɨradɔ ngéɗɔɔgt kɨta aw kɨ ta mad nõ kad nela. 18Kɨbo lo ngéɗɔɔg, hɔ ji basa'n non aw sia ro bɨradɔ ngéɗɔɔgt ela an: Pol kɨ dangai nõ la kunɨm kɨ ront, ndɨjem kad m'ɗe kɨ basa n'ɗan roit kɨta aw kɨ ta mad kad eli. 19Bɨradɔ ngéɗɔɔg hɔ ji ngon kɨ basa'n non, tɔ ron sia kɔt ko kɨɗa, kamla ndɨjea ta, ĩn sia joo be an: Ta ɗi awɨn kad i elɨm a? 20Basa tura an: Juipg ndan tad nat kad n'ndɨjen kad loti awɨn kɨ Pol nõ ngégangtagt lo Juipg, tit ndigɨn koo go ta loa gog kɨ goɗobat be. 21Na ot kad'd kami, kɨta deg'n non kɔrd tɔi dɔsɔɔ, yan gum kad n'ɗan nya kɨ Pol. Deg'n non unɨn kɔd kɨ yokɨnda, kɨ ndɔl i dɔdt, kad n'a n'san nya al ho, n'ãin man al ho, mbã kɨ n'tɔlɨn Pol kamtã. Tajigla ɗan rod woi, na ndɨ ngoon ta kɨ tait koon. 22Taa ne, bɨradɔ ngéɗɔɔg el basa'n non an: Ot kel de mad ta dɔ tat'n elɨm nõ, kamla nya basa ye, ada aw.
Bɨradɔ ngéɗɔɔg la kɨ Pol ro Pelikst kɨ ngekõɓe
23Bɨradɔ ngéɗɔɔg kun kɨbog lo ngéɗɔɔg lon joo eld an: Ɔin ngéɗɔɔg asɨ ɓujoo, kɨ ngesɨndag dɔ tanãimɨta, kɨ ngéɗɔɔg kɨ ngéto ninga, na a ndian kɨ njad ɓujoo ho, kad ĩn kɨ ro kɨ ɗa. 24Bɨradɔ ngéɗɔɔg eld tɔ an: I ɗan go sɨndag kad i: Danɨn ne Pol awɨn sia kɨ lapia ro Pelikst kɨ ngekõɓe.
25Bɨradɔ ngéɗɔɔg ndang maktub ad Peliks, kam taa la ten: 26Mĩ Klod Lisias, m'ndang maktub 'nten mad Peliks kɨ ngekõɓe, ngemaj kɨ tɔitɔi. M'ɗai lapia.
27Juipg hɔn de'n m'ndɨ m'la sia m'adi ɗan, ɗa kɨ'n tɔlɨna, na m'aw kɨ asigarg m'ug m'ɔrran jidt kɔ. Kɨtɔ m'oo kad de'n non i de kɨ Romt. 28Na m'sah kɨ m'oo girr nya'n Juipg lan ne ta dɔat, ad m'una m'aw sia nõ ngégangtat lo Juipg. 29Na nya'n m'oo la ten: Lan ta dɔat kɨta tag kɨ kam mberkɨndagt lod, na m'ngaa ta mad kɨ asɨ kad de gangɨn ta koi, ke dangai kɨ ɗa dɔat al. 30Ug elmɨn kad Juipg lan tad ber yan gum kɨ'n tɔlɨna. Kɨtɔ 'nten la m'una m'lan kɨ dɔit ye, na m'ndɨje ngélata kɔat kad aw sekɨna nõit. 31Ngéɗɔɔg ɗan kɨgo mbert'n bɨradɔd ndad nõ, ad unɨn Pol awɨn sia go ndɔt mbã teen ɓe Antipatrist. 32Loti got, ngéɗɔɔg tel awɨn kujngomdɔɓet, na nyan ngesɨndag ad awɨn sia. 33Lon ngesɨndag aw teen ɓebot kɨ Sejaret ye, adɨn maktub Peliks ngekõɓe ho, lan Pol jiat tɔ. 34Ngekõɓe da maktub kamla ndɨje Pol an: Ĩ de kɨ ko kɨ ɗa a? Pol an: Mĩ de kɨ Silisit. 35Ngekõɓe ela an: Ɓet m'a m'oo dɔ ta loi, lon ngélata dɔit a son ne ɓe. Kamla ndamber kad ngomɨna kam kuj kõɓet lo ngar Herod.
Nu markerat:
Kɨlag 23: MlL
Märk
Kopiera
Jämför
Dela
Vill du ha dina höjdpunkter sparade på alla dina enheter? Registrera dig eller logga in
Mbai Bible Revision © Bible Society of Chad, 2015.
Kɨlag 23
23
1Pol nda kumɨn kɨ dɔ degt kɨ ngégangta ku Juipgt ndã kamla el an: Ngankom nyaɗam, kɨ tagah kɨ ngarkamt ĩn kɨmaj ho, kɨ kɔrr njereng nõ Luwaht'n m'ɗa kɨlaɓer m'ada mbã ɓone.
2Na Ananias bɨradɔ ngéjanyamosɨkadkari el deg'n ɗan nderbe kad Polt kɨ ndan taa; 3taa ne, Pol ela an: Ĩ kaa ne Luwah a ndai ho, ĩ bɔrr kɨ ɗa kɨ hɔr, i ndɨ nẽbe kad i gangta dɔmt kɨgo mberkɨndat, na el deg kad kɨ ndamɨn ye, i kɨgo mberkɨndat al. 4Deg'n ɗan nderbe kɨ Pol ye, elɨna anan: I taj bɨradɔ ngejanyamosɨkadkari lo Luwah a? 5Pol tur an: Ngankom m'ger kad i bɨradɔ ngejanyamosɨkadkari al, kɨta ndangɨn kam maktub kɨkunjɗangt anan: A i elta kɨmal dɔ ngekõɓe dɔ degt loi al.
6Na lon Pol oo kad gaj deg madg ku ngégangtagt lo Juipg, ĩn Sadukig, kɨmadg ĩn Parisɨg ye, elta kɨ tɔgɨn an: Ngankom, mĩ Parisɨ, ngon kooj Parisɨg. Tit ndeg Parisɨg m'nda kamt kad ngékoig a ɓain lo koit, i kɨta ta 'nten la ɗa gangɨn ne ta dɔmt. 7Lon Pol elta 'nten ye, Parisɨg kɨ Sadukig mbã girr gakna, ad ngégangta ku Juipgt kegɨn na joo. 8Kɨtɔ Sadukig ndɨ elɨn anan ngékoig ndɨ ɓain lo koit al, malaikaig ke ndilg goto'n tɔ, na Parisɨg taa ne, ndɨ adɨn kamd kad nyag'n non tube ĩn nõ. 9Koosɨdeg kɨsen kɨ ndid kɨbobo, ngéndoo deg mberkɨnda madg'n ĩn Parisɨg ye, ɓain dõ kɔlɨn kɨ ndɨd kɨ dõ anan: Kɨ ngah nya mad kɨmajal ro det'n ɗan al. Maj a ne, ndil ke malaika mad ela ta.
10Lon gakɨna'n non ndɨ tel kɨbo ye, Bɨradɔ ngéɗɔɔg ɓool na ɓet deg tɔrrɨn Pol kɨɗa kɨɗa. Ad ndamber ɓut ngéɗɔɔg kad ɗisɨn, kɨ n'arɨn Pol kɨgo lo ngetɔg kɨ taana ji degt kad ɗen sia kam kuj ngomdɔɓet. 11Lon londɔ got Bɨraɓe tee hɔi ɗa kad Polt ela an: Ire kami ndang tit'n ĩn ngemanaj lom kam ɓet kɨ Jerusalemt nẽbe ye, maj kad ĩ ngemanaj tɔm kam ɓet kɨ Romt ho.
Deg madg sahn tɔl Pol
12Loti got, Juip madg ndan tad nat kɨ yokɨnda kɨ nõ Luwaht anan: J'a kɨ sanya al ho kɨ j'ãi man al ho, mbã kɨ tɔl Pol kamtã. 13Deg'n unɨn kɔd kɨ yokɨnda, kɔrd tɔi dɔsɔɔ. 14Deg'n non aw ngahn bɨradɔ ngéjanyamosɨkadkarig kɨ kɨbog lo Juipg elɨnd anan: Oon j'un kɔj kɨ yokɨnda nõ Luwaht kad j'a kɨ sanya al ho, kɨ j'ãi man al ho, na kɨ tɔl Pol kamtã. 15Kɨtɔ 'nten, tajigla ad deg madg ngégangtag lo Juipg awɨn ro bɨradɔ ngéɗɔɔgt kad ndɨjen kad ɗen kɨ Pol nõsɨt kad oon go ta loa kɨ goɗobat gog. Jĩ taa, lon Pol tee dãsɨt al ɓaitɔ a ne, j'a kɨ so kɔat kɨ tɔla. 16Na ngon kɨdɨngã mad i ngon ngonkõ Pol kɨdẽ oo dɔ ta gum'n Juipg ndɨ yan kad'n tɔlɨn ne Pol nõ, ad aw gergert ug ta'n non el Pol. 17Taa ne, Pol kun kɨbo lo ngéɗɔɔg mad kɨɗa ela an: Aw kɨ ngon kɨdɨngã n'ɗan ro bɨradɔ ngéɗɔɔgt kɨta aw kɨ ta mad nõ kad nela. 18Kɨbo lo ngéɗɔɔg, hɔ ji basa'n non aw sia ro bɨradɔ ngéɗɔɔgt ela an: Pol kɨ dangai nõ la kunɨm kɨ ront, ndɨjem kad m'ɗe kɨ basa n'ɗan roit kɨta aw kɨ ta mad kad eli. 19Bɨradɔ ngéɗɔɔg hɔ ji ngon kɨ basa'n non, tɔ ron sia kɔt ko kɨɗa, kamla ndɨjea ta, ĩn sia joo be an: Ta ɗi awɨn kad i elɨm a? 20Basa tura an: Juipg ndan tad nat kad n'ndɨjen kad loti awɨn kɨ Pol nõ ngégangtagt lo Juipg, tit ndigɨn koo go ta loa gog kɨ goɗobat be. 21Na ot kad'd kami, kɨta deg'n non kɔrd tɔi dɔsɔɔ, yan gum kad n'ɗan nya kɨ Pol. Deg'n non unɨn kɔd kɨ yokɨnda, kɨ ndɔl i dɔdt, kad n'a n'san nya al ho, n'ãin man al ho, mbã kɨ n'tɔlɨn Pol kamtã. Tajigla ɗan rod woi, na ndɨ ngoon ta kɨ tait koon. 22Taa ne, bɨradɔ ngéɗɔɔg el basa'n non an: Ot kel de mad ta dɔ tat'n elɨm nõ, kamla nya basa ye, ada aw.
Bɨradɔ ngéɗɔɔg la kɨ Pol ro Pelikst kɨ ngekõɓe
23Bɨradɔ ngéɗɔɔg kun kɨbog lo ngéɗɔɔg lon joo eld an: Ɔin ngéɗɔɔg asɨ ɓujoo, kɨ ngesɨndag dɔ tanãimɨta, kɨ ngéɗɔɔg kɨ ngéto ninga, na a ndian kɨ njad ɓujoo ho, kad ĩn kɨ ro kɨ ɗa. 24Bɨradɔ ngéɗɔɔg eld tɔ an: I ɗan go sɨndag kad i: Danɨn ne Pol awɨn sia kɨ lapia ro Pelikst kɨ ngekõɓe.
25Bɨradɔ ngéɗɔɔg ndang maktub ad Peliks, kam taa la ten: 26Mĩ Klod Lisias, m'ndang maktub 'nten mad Peliks kɨ ngekõɓe, ngemaj kɨ tɔitɔi. M'ɗai lapia.
27Juipg hɔn de'n m'ndɨ m'la sia m'adi ɗan, ɗa kɨ'n tɔlɨna, na m'aw kɨ asigarg m'ug m'ɔrran jidt kɔ. Kɨtɔ m'oo kad de'n non i de kɨ Romt. 28Na m'sah kɨ m'oo girr nya'n Juipg lan ne ta dɔat, ad m'una m'aw sia nõ ngégangtat lo Juipg. 29Na nya'n m'oo la ten: Lan ta dɔat kɨta tag kɨ kam mberkɨndagt lod, na m'ngaa ta mad kɨ asɨ kad de gangɨn ta koi, ke dangai kɨ ɗa dɔat al. 30Ug elmɨn kad Juipg lan tad ber yan gum kɨ'n tɔlɨna. Kɨtɔ 'nten la m'una m'lan kɨ dɔit ye, na m'ndɨje ngélata kɔat kad aw sekɨna nõit. 31Ngéɗɔɔg ɗan kɨgo mbert'n bɨradɔd ndad nõ, ad unɨn Pol awɨn sia go ndɔt mbã teen ɓe Antipatrist. 32Loti got, ngéɗɔɔg tel awɨn kujngomdɔɓet, na nyan ngesɨndag ad awɨn sia. 33Lon ngesɨndag aw teen ɓebot kɨ Sejaret ye, adɨn maktub Peliks ngekõɓe ho, lan Pol jiat tɔ. 34Ngekõɓe da maktub kamla ndɨje Pol an: Ĩ de kɨ ko kɨ ɗa a? Pol an: Mĩ de kɨ Silisit. 35Ngekõɓe ela an: Ɓet m'a m'oo dɔ ta loi, lon ngélata dɔit a son ne ɓe. Kamla ndamber kad ngomɨna kam kuj kõɓet lo ngar Herod.
Nu markerat:
:
Märk
Kopiera
Jämför
Dela
Vill du ha dina höjdpunkter sparade på alla dina enheter? Registrera dig eller logga in
Mbai Bible Revision © Bible Society of Chad, 2015.