Kɨlag 2
2
Ndil Kɨkunjɗang ɗe dɔ degt kɨ ngétaa ta lo Krist
1Lon ndɔ Pentekot asɨ woi ye, ngétaata lo Krist kawɨn na tube ndɨn lo kɨɗa. 2Tentenbe kah nya mad kɨ tit nel kɨ la kɨ tɔg ɗe ko dõ dɔrãt ɓa busɨ, kah nya'n non, asɨ kam kuj tube'n ndɨnt nõ nakɨ. 3Taa ne, oon ndõ madg tit ndõ horrg be teen kɨ rodt, ndõg'n non tɔn na, ad ndõ horr kɨɗen ndɨ dɔ det kɨɗen kudt. 4Deg tube ɗoosɨn kɨ Ndil Kɨkunjɗang ad mbã girr kelta kɨtaɓe lo deg madg kɨɗang kɨgo kadt'n Ndil ad'd kad elɨn.
5Juip madg kɨ ngéɓool Luwah ɗen kɨ dɔɓe dɔɓe kam ɓet kɨ Jerusalem. 6Lon koosɨdeg oon dɔ kah ndɨ nya'n ko ye, kawɨn na kɨ nat, ta yad biw kɨta dekɨɗen oo dɔ ta'n ngetaata lo Krist ɗa elɨn kɨ taɓe lon kɨ kɔsɨ dɔn. 7Ta yad, dɔd tel wãri ad elɨn anan: Hai. Deg tube'n ɗa elɨn ta ye ĩn deg kɨ dɔning Galilet ale? 8Ye ɗa titbãi hã dekɨɗen kujt ndɨ oo dɔ taɓe lon kɨ kɔsɨdɔn noojɨna ne a? 9Jĩ kɨ ɓai dɔning Partet kɨ Mede kɨ Elam, kɨ Mesopotami, kɨ dɔning Jude kɨ Kapadosɨ, kɨ dɔning Põt, kɨ dɔning Asi, 10kɨ dɔning Pirji, kɨ Pampilit. Kɨ ɓai dɔning Ejipt't, kɨ log kɨ Libiat, kɨ nderbe kɨ ɓebo Sirent, kɨ deg kɨ ɓain ko Romt, ĩn Juipg kɨ kooj, kɨ deg kɨ telɨn Juipg tɔ. 11Deg kɨ Kret kɨ Arabg, dekɨɗen kuujt oo dɔ ta kɨ taɓe lon dɔ nyagt kɨbobo'n Luwah ɗa. 12Ĩn tube ta yad biw, gerɨn nya kɨ kad ɗan al, ad elɨn na anan: Nya 'nten ye girra i ɗi a?
13Na deg madg ɗa gon ngétaata lo Krist ad elɨn anan: Deg'n ɗan ãin kasɨnduu ad ɗad.
Pierr elta koosɨdeg
14Taa ne, Pierr ɓai ɗa dõ nat kɨ ngombangkɨlag kɨkɨlah gidaikɨɗa elta kɨ ndin kɨbo an: Ĩn deg kɨ dɔning Galilet, kɨ ngendɨ ɓebo Jerusalemt, i nelɨn mbisɨ oon ne dɔ ta'n m'a m'elsɨ nõ maj.
15Deg'n ɗan, kasɨnduu ɗad tit'n i ɗa elɨn ne nõ al, kɨta lo i kɨ nõkadndah ɓaitɔ. 16Na ta'n ngekelta kɨ ta Luwaht Joel el ye, nya'n non tɔl konɨn ɓone. Oon tag'n el la ten: 17Luwah el an: Kam ndɔg kɨ dɔboit nya'n a ɗa nya la ten, m'a mad Ndilɨm i dɔ degt tube, ngansɨg kɨdɨngãg, kɨ kɨɗẽg a ndɔ'n Ndil kam tɔmt, m'a mad basag losɨ a oon nya kam Ndilt, na m'a m'da nya bɨgag losɨ kam niit. 18Ã, kam ndɔgt'n non, m'a mad Ndilɨm i dɔ ɓergt kɨdɨngãg kɨ kɨdẽgt, a ndɔ'n Ndil kam tɔmt ho. 19M'a mad nyag kɨ yaya teen kam dɔrãt dõ, kɨ nyag kɨkootɓool a ɗan nya kam dɔningt ne, mosɨ a ãi, horr kɨ sahorr a ɓain; 20kàd a tel til, nah a tel tit mosɨ ho, kamla ndɔ lo Bɨraɓe a ɗe ye, ndɔ'n non a i ndɔ kɨbo kɨmaj tɔitɔi. 21Ad deg tube'n a kunɨn tɔ Bɨraɓe a ne, a ngahn kaj.
22Deg kɨ Israelt oon dɔ ta'n ɓet m'a m'elsɨ nõ maj. Jeju kɨ Najaret i de'n kɨtakula Luwah ɔj'jɨn kɨlaɗag kɨ tɔg, kɨ nyag kɨ yaya'n ɗa dãsɨt. I gerɨn nya 'nten ɓet.
23De'n non i lana ji degt, kɨgo kɔjtat kɨ ger kete lo Luwah, ad deg kɨ ngétɔidɔta tɔlɨna, na gana dɔ kagdosɨt. 24Na Luwah ada ɓai lo koit, ta nyàa dõ ta kõt kɨ koit, kɨta i root al kad koi hɔ Jeju girr tɔgɨnt.
25Kɨtɔ Dabid elta dan dɔ Jeju an:
M'oo Bɨraɓe nõmt kɨndɔgndɔg.
I dɔ ji kõmt m'a so al bat.
26Kɨtɔ 'nten la m'ɗan ronel kammt ad tam ɔsɨ pa ronel,
titbe dãrom a taakò kɨ nda kam dɔt.
27Luwah a nya dãrom lot kɨ koo al bat,
a i nya de lon kɨjaɓat ad ndum kam holɓe koit al ho tɔ.
28I adɨm m'ger ɗobg kɨ ndɨ teen kɨ de kumkajirt,
i ad ngarkam ɗoosɨ kɨ ronel takumit.
29Pierr el tɔ an: Ngankõ adɨn m'elsɨ ta lo Bɔwj Dabid kɨ tɨga wakɨsɨ mad oon: Dabid kɨ kaaj oi, duwɨna, dɔɓada to ne ɓaitɔ.
30Na Dabid i ngekelta kɨ ta Luwaht, ger ɓet kad Luwah un kɔn kɨ yokɨnda ada an: M'a m'nda kɨkɨɗa ku nganit dɔ komber ngart.
31Dabid oo nya'n ɓet a ɗa nya ye kete woi, ad elta dɔ ɓai Krist lo koit an: Luwah a nya dãron lot kɨ koo al bat, a nya dãron ad ndum kam holɓe koit al ho.
32Jeju'n non taa ne, Luwah ada ɓai lo koit, jĩ tube jĩ ngémanaj dɔ tat 'nten. 33Luwah tɔia kɨ dõ, ndaa dɔ ji kont. Jeju ta Ndil Kɨkunjɗang kokɨro bɔwt'n un kɔn ada, kamla Luwah ũ ndilɨn dɔdt, nya'n 'nten la i ɗa oon kɨ kumsɨ ho, i ɗa oon kɨ mbisɨ tajigla ho ye. 34Kɨtɔ Dabid aw dõ dɔrãt al, na ĩ kɨɓe kɨ dɔn el an: Bɨraɓe el Bɨraɓe lom an: I ɗe i ndɨ dɔ ji kõmt.
35Mbã kad m'tel madngétaig mad ĩn girr tɔgit.
36Kɨtɔ 'nten, girrdeg kɨ Israelt tube, maj kad i gerɨn kɔikɔi. Jeju'n non, ĩn i gana kagdosɨt ye, Luwah tela Bɨraɓet kɨ Krist tɔ ho.
37Lon deg oon dɔ ta'n non ye, ta so kamdt lam ad ndɨjen Pierr kɨ ndeg ngombangkɨlag anan: Ngankõ ka kɨ ɗa ɗi?
38Pierr turd an: I tɔrrɨn ndisɨ, kɨ dekɨɗen ɗa baptem kam tɔ Krist't. Kad kɨ Luwah nyàgo majalg losɨ kɔ, na a adsɨ Ndil Kɨkunjɗang. 39Kɨtɔ kunkɔ lo Luwah i kɨtatɔsɨ ho, i kɨta ngansɨg ho. I kɨta deg'n hã ndɨn sãi ho, kɨta ndeg deg tube'n hã Bɨraɓe Luwah loj a kund kɨ ront ho.
40Pierr eld ta madg ngãibe, manaj loa hɔ deg kɨ ta, ɗa ɔj deg an: Ajɨn rosɨ kɔ ku degt kɨmajal kɨ dɔ kaglot'n ɗan.
41Deg'n taan ta loa ye, ɗand baptem. Kam ndɔt'n non ngahn deg dub mɨta ad son dɔ ngéndoogt lo Jeju.
Ndɨ kɨ dɔ dõ lo ngétaata lo Krist
42Deg kɨ ngétaata lo Krist hɔn go nyandoo lo ngombangkɨlag, kɨ ɗa namna kɨ ngankõ, kɨ tet bɨna nat, kɨ kelta kɨ Luwah. 43Ngombangkɨlag ɗan nyag kɨ yaya kɨ nyakɔjg ngãibe ad ɓool ɗa deg. 44Ngétaata lo Krist tube kawɨn na kɨ nat lo kɨɗa, na gan na dɔ nyagt kɨ kam jidt tube. 45Ɗawɨn nyangahg lod ad i ndɔɔg, kɨ kujg kɨ nyamajg lod ho, na kegɨn na nara kudt kɨgo nyageet lo dekɨɗen kudt. 46Kɨ ndɔg tube, nyan ta kawna kam kuj ndub Luwaht al, na ndɨ tetɨn bɨna kam kujgt. Kamla ndɨ san nyasa lod kɨ ronel ho kamnda ho. 47Ɔsɨn pa ndubɨn ne Luwah, ngahn manaj kɨmaj nõ degt tube. Ad kɨ ndɔg tube Bɨraɓe ndi la kɔr deg'n ajɨn dɔ ngékawnat, ad ɓai kɨ dɔt dɔt.
Nu markerat:
Kɨlag 2: MlL
Märk
Kopiera
Jämför
Dela
Vill du ha dina höjdpunkter sparade på alla dina enheter? Registrera dig eller logga in
Mbai Bible Revision © Bible Society of Chad, 2015.
Kɨlag 2
2
Ndil Kɨkunjɗang ɗe dɔ degt kɨ ngétaa ta lo Krist
1Lon ndɔ Pentekot asɨ woi ye, ngétaata lo Krist kawɨn na tube ndɨn lo kɨɗa. 2Tentenbe kah nya mad kɨ tit nel kɨ la kɨ tɔg ɗe ko dõ dɔrãt ɓa busɨ, kah nya'n non, asɨ kam kuj tube'n ndɨnt nõ nakɨ. 3Taa ne, oon ndõ madg tit ndõ horrg be teen kɨ rodt, ndõg'n non tɔn na, ad ndõ horr kɨɗen ndɨ dɔ det kɨɗen kudt. 4Deg tube ɗoosɨn kɨ Ndil Kɨkunjɗang ad mbã girr kelta kɨtaɓe lo deg madg kɨɗang kɨgo kadt'n Ndil ad'd kad elɨn.
5Juip madg kɨ ngéɓool Luwah ɗen kɨ dɔɓe dɔɓe kam ɓet kɨ Jerusalem. 6Lon koosɨdeg oon dɔ kah ndɨ nya'n ko ye, kawɨn na kɨ nat, ta yad biw kɨta dekɨɗen oo dɔ ta'n ngetaata lo Krist ɗa elɨn kɨ taɓe lon kɨ kɔsɨ dɔn. 7Ta yad, dɔd tel wãri ad elɨn anan: Hai. Deg tube'n ɗa elɨn ta ye ĩn deg kɨ dɔning Galilet ale? 8Ye ɗa titbãi hã dekɨɗen kujt ndɨ oo dɔ taɓe lon kɨ kɔsɨdɔn noojɨna ne a? 9Jĩ kɨ ɓai dɔning Partet kɨ Mede kɨ Elam, kɨ Mesopotami, kɨ dɔning Jude kɨ Kapadosɨ, kɨ dɔning Põt, kɨ dɔning Asi, 10kɨ dɔning Pirji, kɨ Pampilit. Kɨ ɓai dɔning Ejipt't, kɨ log kɨ Libiat, kɨ nderbe kɨ ɓebo Sirent, kɨ deg kɨ ɓain ko Romt, ĩn Juipg kɨ kooj, kɨ deg kɨ telɨn Juipg tɔ. 11Deg kɨ Kret kɨ Arabg, dekɨɗen kuujt oo dɔ ta kɨ taɓe lon dɔ nyagt kɨbobo'n Luwah ɗa. 12Ĩn tube ta yad biw, gerɨn nya kɨ kad ɗan al, ad elɨn na anan: Nya 'nten ye girra i ɗi a?
13Na deg madg ɗa gon ngétaata lo Krist ad elɨn anan: Deg'n ɗan ãin kasɨnduu ad ɗad.
Pierr elta koosɨdeg
14Taa ne, Pierr ɓai ɗa dõ nat kɨ ngombangkɨlag kɨkɨlah gidaikɨɗa elta kɨ ndin kɨbo an: Ĩn deg kɨ dɔning Galilet, kɨ ngendɨ ɓebo Jerusalemt, i nelɨn mbisɨ oon ne dɔ ta'n m'a m'elsɨ nõ maj.
15Deg'n ɗan, kasɨnduu ɗad tit'n i ɗa elɨn ne nõ al, kɨta lo i kɨ nõkadndah ɓaitɔ. 16Na ta'n ngekelta kɨ ta Luwaht Joel el ye, nya'n non tɔl konɨn ɓone. Oon tag'n el la ten: 17Luwah el an: Kam ndɔg kɨ dɔboit nya'n a ɗa nya la ten, m'a mad Ndilɨm i dɔ degt tube, ngansɨg kɨdɨngãg, kɨ kɨɗẽg a ndɔ'n Ndil kam tɔmt, m'a mad basag losɨ a oon nya kam Ndilt, na m'a m'da nya bɨgag losɨ kam niit. 18Ã, kam ndɔgt'n non, m'a mad Ndilɨm i dɔ ɓergt kɨdɨngãg kɨ kɨdẽgt, a ndɔ'n Ndil kam tɔmt ho. 19M'a mad nyag kɨ yaya teen kam dɔrãt dõ, kɨ nyag kɨkootɓool a ɗan nya kam dɔningt ne, mosɨ a ãi, horr kɨ sahorr a ɓain; 20kàd a tel til, nah a tel tit mosɨ ho, kamla ndɔ lo Bɨraɓe a ɗe ye, ndɔ'n non a i ndɔ kɨbo kɨmaj tɔitɔi. 21Ad deg tube'n a kunɨn tɔ Bɨraɓe a ne, a ngahn kaj.
22Deg kɨ Israelt oon dɔ ta'n ɓet m'a m'elsɨ nõ maj. Jeju kɨ Najaret i de'n kɨtakula Luwah ɔj'jɨn kɨlaɗag kɨ tɔg, kɨ nyag kɨ yaya'n ɗa dãsɨt. I gerɨn nya 'nten ɓet.
23De'n non i lana ji degt, kɨgo kɔjtat kɨ ger kete lo Luwah, ad deg kɨ ngétɔidɔta tɔlɨna, na gana dɔ kagdosɨt. 24Na Luwah ada ɓai lo koit, ta nyàa dõ ta kõt kɨ koit, kɨta i root al kad koi hɔ Jeju girr tɔgɨnt.
25Kɨtɔ Dabid elta dan dɔ Jeju an:
M'oo Bɨraɓe nõmt kɨndɔgndɔg.
I dɔ ji kõmt m'a so al bat.
26Kɨtɔ 'nten la m'ɗan ronel kammt ad tam ɔsɨ pa ronel,
titbe dãrom a taakò kɨ nda kam dɔt.
27Luwah a nya dãrom lot kɨ koo al bat,
a i nya de lon kɨjaɓat ad ndum kam holɓe koit al ho tɔ.
28I adɨm m'ger ɗobg kɨ ndɨ teen kɨ de kumkajirt,
i ad ngarkam ɗoosɨ kɨ ronel takumit.
29Pierr el tɔ an: Ngankõ adɨn m'elsɨ ta lo Bɔwj Dabid kɨ tɨga wakɨsɨ mad oon: Dabid kɨ kaaj oi, duwɨna, dɔɓada to ne ɓaitɔ.
30Na Dabid i ngekelta kɨ ta Luwaht, ger ɓet kad Luwah un kɔn kɨ yokɨnda ada an: M'a m'nda kɨkɨɗa ku nganit dɔ komber ngart.
31Dabid oo nya'n ɓet a ɗa nya ye kete woi, ad elta dɔ ɓai Krist lo koit an: Luwah a nya dãron lot kɨ koo al bat, a nya dãron ad ndum kam holɓe koit al ho.
32Jeju'n non taa ne, Luwah ada ɓai lo koit, jĩ tube jĩ ngémanaj dɔ tat 'nten. 33Luwah tɔia kɨ dõ, ndaa dɔ ji kont. Jeju ta Ndil Kɨkunjɗang kokɨro bɔwt'n un kɔn ada, kamla Luwah ũ ndilɨn dɔdt, nya'n 'nten la i ɗa oon kɨ kumsɨ ho, i ɗa oon kɨ mbisɨ tajigla ho ye. 34Kɨtɔ Dabid aw dõ dɔrãt al, na ĩ kɨɓe kɨ dɔn el an: Bɨraɓe el Bɨraɓe lom an: I ɗe i ndɨ dɔ ji kõmt.
35Mbã kad m'tel madngétaig mad ĩn girr tɔgit.
36Kɨtɔ 'nten, girrdeg kɨ Israelt tube, maj kad i gerɨn kɔikɔi. Jeju'n non, ĩn i gana kagdosɨt ye, Luwah tela Bɨraɓet kɨ Krist tɔ ho.
37Lon deg oon dɔ ta'n non ye, ta so kamdt lam ad ndɨjen Pierr kɨ ndeg ngombangkɨlag anan: Ngankõ ka kɨ ɗa ɗi?
38Pierr turd an: I tɔrrɨn ndisɨ, kɨ dekɨɗen ɗa baptem kam tɔ Krist't. Kad kɨ Luwah nyàgo majalg losɨ kɔ, na a adsɨ Ndil Kɨkunjɗang. 39Kɨtɔ kunkɔ lo Luwah i kɨtatɔsɨ ho, i kɨta ngansɨg ho. I kɨta deg'n hã ndɨn sãi ho, kɨta ndeg deg tube'n hã Bɨraɓe Luwah loj a kund kɨ ront ho.
40Pierr eld ta madg ngãibe, manaj loa hɔ deg kɨ ta, ɗa ɔj deg an: Ajɨn rosɨ kɔ ku degt kɨmajal kɨ dɔ kaglot'n ɗan.
41Deg'n taan ta loa ye, ɗand baptem. Kam ndɔt'n non ngahn deg dub mɨta ad son dɔ ngéndoogt lo Jeju.
Ndɨ kɨ dɔ dõ lo ngétaata lo Krist
42Deg kɨ ngétaata lo Krist hɔn go nyandoo lo ngombangkɨlag, kɨ ɗa namna kɨ ngankõ, kɨ tet bɨna nat, kɨ kelta kɨ Luwah. 43Ngombangkɨlag ɗan nyag kɨ yaya kɨ nyakɔjg ngãibe ad ɓool ɗa deg. 44Ngétaata lo Krist tube kawɨn na kɨ nat lo kɨɗa, na gan na dɔ nyagt kɨ kam jidt tube. 45Ɗawɨn nyangahg lod ad i ndɔɔg, kɨ kujg kɨ nyamajg lod ho, na kegɨn na nara kudt kɨgo nyageet lo dekɨɗen kudt. 46Kɨ ndɔg tube, nyan ta kawna kam kuj ndub Luwaht al, na ndɨ tetɨn bɨna kam kujgt. Kamla ndɨ san nyasa lod kɨ ronel ho kamnda ho. 47Ɔsɨn pa ndubɨn ne Luwah, ngahn manaj kɨmaj nõ degt tube. Ad kɨ ndɔg tube Bɨraɓe ndi la kɔr deg'n ajɨn dɔ ngékawnat, ad ɓai kɨ dɔt dɔt.
Nu markerat:
:
Märk
Kopiera
Jämför
Dela
Vill du ha dina höjdpunkter sparade på alla dina enheter? Registrera dig eller logga in
Mbai Bible Revision © Bible Society of Chad, 2015.