Kɨlag 10
10
Ta lo Pierr kɨ Korney
1De mad ndɨ ɓebot kɨ Sejare tɔa i Kɔrnei, i bɨradɔ asɨgar romag kɨ kɔrd asɨ ɓu, kɨ a kunɨna ɓut Italiag. 2Kɔrnei taa ne, i de kɨ nyaɗaa i kɨgo lo Luwaht, i ngeɓool Luwah nat kɨ ngékɨɓe lon tube tɔ, ɗa kɨ deg ngãibe, kɨ ngéndog kɨ Israelt, kamla elta kɨ Luwah kɨkanj nya ta. 3Ndɔ mad, lon kàd norrjin ye, de'n non oo malaika lo Bɨraɓe tɨga wang kam nyakookamndilt. Malaika ɗe and goat, ela an: Kɔrnei.
4Lon Kɔrnei oo malaika ye ɓool ɗaa ad el an: I ɗi a Bɨraɓe? Malaika tura an: Luwah ndig tag'n el sia nõ nat kɨ kadkarig loi'n i ndɨ ad ngéndog. 5Tajigla i la deg kɨ Jopet kad aw kunɨn Simõ'n a kunɨna Pierr kad ɗe; 6de'n non hɔ lo ro Simõt kɨ ngekɔrrgidndar, kuj loa ɗa ta bahbokat't. 7Kamla lon malaika'n elta Kɔrnei tɔi aw ye, Kɔrnei kun ɓerg lon joo kɨ asɨgar mad kɨɗa, kɨ nya ɗaa i kɨgo lo Luwaht ku degt'n hã ndɨ ɗan kɨla adɨna kɨ hal kɨro kɨ ndɔg. 8Kɔrnei ɔrrd hoi nyag'n hã ɗan nya tube, ad oon, kamla lad kɨ awɨn Jope.
9Loti got, ɓerg'n non son ɗobo, nãi nderbe kad teen ɓebot kɨ Jope kɨ kàd kɨ ɗa ngawden ɓet. Pierr al dõ dɔ kujt kad nelta kɨ Luwah. 10Ɓo õa, ndig kad'n sanya. Na lon ndɨ ɗan nyasa kɨ n'adɨna ɓaitɔ ye, oo nya kam ndilt, 11Oo dɔrã ɗa tag, nya mad kɨ tit kub dɔ tabɨl kɨbobe, ndɨ ɗisɨ kɨ ber. 12Dãg kɨ dang dang tube kɨ njad i sɔɔ, kɨ ngékɔrrkɔd'd ber, kɨ yelg kɨ dõ ĩn kamt. 13Ndi ta mad ela an: Pierr i ɓai dõ, i tɔl i sa.
14Na Pierr tur an: Ã ã Bɨraɓe. M'sanya sa mad kɨyerr nja kɨɗa al bat. 15Tel oo dɔ ndɨ ta mad ela ta kɨkõjoo an: Nya'n Luwah tela kɨ kart ye, ot tela kɨyerrt.
16Nya'n non ɗa nya nja mɨta, kamla tuin kub'n non kɨ dõ dɔrãt gog ye. 17Lon kam Pierr daa ta paabe dɔ girr nyakokam ndilt'n oo ye, oo deg'n Kɔrnei lad, ɗe ɗan tabit't ɗa ndɨjen anan: Kuj lo Simõ ye i ɗa a? 18Ɗa kunɨn nya kamla ndɨjen ta anan: Simõ'n a kunɨna Pierr ye, ndɨ nẽbe e? 19Na lon Pierr ndɨ gah dɔ nyat'n oo kam ndilt ɓaitɔ ye, Ndil Kɨkunjɗang ela an: Oo deg mɨta ɗa sahin. 20I ɓai dõ tajigt ne, i ɗisɨ aw sed kɨkanj ɓad, kɨta oo mĩ la m'lad kɨ dɔit ye.
21Taa ne, Pierr ɗisɨ kɨ ro degt'n Kɔrnei lad na eld an: Mĩ la m'ɗan, mĩ kan i ɗa i sahmɨn, ɗesɨ ye i kɨtɔɗi a?
22Turɨna anan: Kɔrnei kɨ bɨra dɔ asɨgar romag la laj ye. I de kɨdenesew kɨ ngeɓool Luwah. Juipg tube ndɨ man naj kɨmaj dɔat. Malaika lo Luwah ela ta an: I lago Pierrt ada ɗe, na i nel mbii oon dɔ ta'n ɓet a eli.
23Taa ne, Pierr ad deg kɨ mɨta'n non andɨn kam kujt na ɗad mbaht.
Pierr aw ɓe lo Kɔrnei
Loti got, Pierr aw sed deg kɨmita. Ngétaata lo Krist madg kam ɓet kɨ Jope awɨn sia. 24Loti got tɔ la teen ɓebot kɨ Sejare ye. Kɔrnei ndɨ ngood, kaw ngékɨɓe lon kɨ namɨng kɨ nat kete woi. 25Lon Pierr ndɨ and ye, Kɔrnei la taa, so njaat kamla ɔsɨ dɔn ber. 26Na Pierr la jin ɔrran kɨ dõ, na ela an: I ɓai. Mĩ kɨɓe kɨ dɔm mĩ de tɔ ho.
27Pierr el sia ta, andɨn kam kujt taa ne, ngah deg ngãibe'n kawɨn na kɨ nat.
28Eld an: I gerɨn kad i goɗobat al kad de'n i Juip nda ron nat kɨ de kɨɗang, ke and kam kujt loa. Na Luwah ɔjɨm nya mad, kɨ m'ot kun de mad de kɨyerr, kɨ m'gonga al tɔ. 29Kɨtɔ 'nten lon i la gomt kad m'ɗe ye, m'ɗe kɨkanj ɓad. Tajigla m'ndɨ ndɨjei kɨtɔɗi i lan gomt a?
30Kɔrnei tur an: Ɓone asɨ ndɔsɔɔ, dɔ kàda laten, i kɨ kàd kɨ norrjin m'ndɨ m'elta kɨ Luwah kam kujt, taa ne, m'oo de mad ɗa nõmt la kub kɨ ndulo ngẽingẽi. 31De'n non elɨm an: Ĩ Kɔrnei, Luwah oo dɔ tag'n el sia nõ. Kama oi dɔ kadkarig kɨ ad ngéndog nõ al. 32Kɨtɔ 'nten, i la deg Jopet ad aw kunɨn Simõ, ĩn tɔa i Pierr ɗen sia; hɔ lo to ɓe lo Simõ kɨ ngékɔrrgidndar ta bahbot. 33I titbe la tajigt m'lan kɨla kɨ dɔit ye, ĩ kaa ne, i ɗa maj la i ɗe ye. Na tajigla jĩ tube jĩ nõit nẽbe, kɨ ndig kad j'oo nyag tube'n Bɨraɓe ndai mbera kad elj.
Pierr elta kuj lo Kɔrnei
34Taa ne, Pierr tee tan elɨn ta an: Tajigla m'ger jeje kad Luwah i ngekɔrr de dene al; 35na kam girrdegt kɨ dang dang, ĩla de mad ndɨ ɓoola ho, ndɨ ɗa nya kɨ dene nõat ho a ne, de'n non ro Luwah a nela sia. 36Luwah la kɨ ta lon kɨ ro degt kɨ Israel, ad lan mber hoita kɨmaj kɨ ɔj dɔ lapia kɨtakul Jeju Krist'n i Bɨraɓe lo deg tube. 37Ĩn kɨɓe kɨ dɔsɨ i gerɨn nya'n hã ɗa nya, mba girrɨn kam dɔning Galilet kamtã teen dɔning Judet got'n Jã la mber kad deg ɗan baptem. 38I gerɨn titbãi Luwah wurɨn Jeju kɨ Najaret't kɨ tɔg Ndil Kɨkunjɗang. Jeju lago log tube a ɗa maj kɨ deg, yoot ĩgɨn diabɨl da kumd ndo, kɨta Luwah i nat sia. 39Jĩ ngémanaj dɔ nyagt tube'n Jeju ɗa kam dɔning Judet kɨ ɓebo Jerusalemt. Na deg tɔlɨna, gana kag dosɨt. 40Na go ndɔt kɨkõmɨta Luwah ada ɓai ku ngékoit, ada ɔj ron kɨ tɨga. 41Kɨ ro degt tube al, na kɨ ro ngémanajt. Kɨtɔ 'nten Luwah mbedj kete woi, kad jĩ ngémanaj. Lon ɓai lo koit ye kɨ sa sia ho, kɨ j'ãi sia ho. 42Jeju'n non ndaj mber kad kɨ la mber hoita kɨmaj jad deg kɨ man naj 'nten kad Jeju la Luwah kɔta ndaa kad gangta dɔ degt kɨ ngékoig kɨ deg kɨ ndɨn kumkajir tu. 43Ngékeltag kɨ ta Luwaht tube elɨn ta dan ne dɔ Jeju anan: Dekɨdẽ'n taa ta lo Jeju Krist a ne, Luwah a nyàgo majalg loa kɔ kɨtakula.
Luwah ad Ndilɨn ɗe dɔ deg madgt ku girrdegt kɨ dang dang
44Lon Pierr ndɨ eltag'n non ɓaitɔ a ne, Ndil Kɨkunjɗang ɗisɨ dɔ degt tube'n ndɨ oon ta lo Luwah. 45Ngétaata lo Krist kɨ ĩn Juipg, kɨ ĩn nat kɨ Pierr ye, ta yad dɔ Ndil kɨkunjɗangt'n ɗisɨ dɔ girrdegt kɨ dang dang nõ. 46Kɨtɔ oon deg'n non elɨn ta kɨ taɓeg kɨ dang dang ɗa tɔin ne Luwah kɨbo. Taa ne, Pierr el an: 47Tajigne deg'n ɗan, taan Ndil Kɨkunjɗang titj ye, de mad kɨ asɨ kɔgd dɔ baptem kɨ kam mant goto. 48Ad Pierr ndamber kad ɗand baptem kam tɔ Jejut, kamla deg'n non, ndɨjen Pierr kad ndɨ sed ngonsĩ ɓaitɔ.
Nu markerat:
Kɨlag 10: MlL
Märk
Kopiera
Jämför
Dela
Vill du ha dina höjdpunkter sparade på alla dina enheter? Registrera dig eller logga in
Mbai Bible Revision © Bible Society of Chad, 2015.
Kɨlag 10
10
Ta lo Pierr kɨ Korney
1De mad ndɨ ɓebot kɨ Sejare tɔa i Kɔrnei, i bɨradɔ asɨgar romag kɨ kɔrd asɨ ɓu, kɨ a kunɨna ɓut Italiag. 2Kɔrnei taa ne, i de kɨ nyaɗaa i kɨgo lo Luwaht, i ngeɓool Luwah nat kɨ ngékɨɓe lon tube tɔ, ɗa kɨ deg ngãibe, kɨ ngéndog kɨ Israelt, kamla elta kɨ Luwah kɨkanj nya ta. 3Ndɔ mad, lon kàd norrjin ye, de'n non oo malaika lo Bɨraɓe tɨga wang kam nyakookamndilt. Malaika ɗe and goat, ela an: Kɔrnei.
4Lon Kɔrnei oo malaika ye ɓool ɗaa ad el an: I ɗi a Bɨraɓe? Malaika tura an: Luwah ndig tag'n el sia nõ nat kɨ kadkarig loi'n i ndɨ ad ngéndog. 5Tajigla i la deg kɨ Jopet kad aw kunɨn Simõ'n a kunɨna Pierr kad ɗe; 6de'n non hɔ lo ro Simõt kɨ ngekɔrrgidndar, kuj loa ɗa ta bahbokat't. 7Kamla lon malaika'n elta Kɔrnei tɔi aw ye, Kɔrnei kun ɓerg lon joo kɨ asɨgar mad kɨɗa, kɨ nya ɗaa i kɨgo lo Luwaht ku degt'n hã ndɨ ɗan kɨla adɨna kɨ hal kɨro kɨ ndɔg. 8Kɔrnei ɔrrd hoi nyag'n hã ɗan nya tube, ad oon, kamla lad kɨ awɨn Jope.
9Loti got, ɓerg'n non son ɗobo, nãi nderbe kad teen ɓebot kɨ Jope kɨ kàd kɨ ɗa ngawden ɓet. Pierr al dõ dɔ kujt kad nelta kɨ Luwah. 10Ɓo õa, ndig kad'n sanya. Na lon ndɨ ɗan nyasa kɨ n'adɨna ɓaitɔ ye, oo nya kam ndilt, 11Oo dɔrã ɗa tag, nya mad kɨ tit kub dɔ tabɨl kɨbobe, ndɨ ɗisɨ kɨ ber. 12Dãg kɨ dang dang tube kɨ njad i sɔɔ, kɨ ngékɔrrkɔd'd ber, kɨ yelg kɨ dõ ĩn kamt. 13Ndi ta mad ela an: Pierr i ɓai dõ, i tɔl i sa.
14Na Pierr tur an: Ã ã Bɨraɓe. M'sanya sa mad kɨyerr nja kɨɗa al bat. 15Tel oo dɔ ndɨ ta mad ela ta kɨkõjoo an: Nya'n Luwah tela kɨ kart ye, ot tela kɨyerrt.
16Nya'n non ɗa nya nja mɨta, kamla tuin kub'n non kɨ dõ dɔrãt gog ye. 17Lon kam Pierr daa ta paabe dɔ girr nyakokam ndilt'n oo ye, oo deg'n Kɔrnei lad, ɗe ɗan tabit't ɗa ndɨjen anan: Kuj lo Simõ ye i ɗa a? 18Ɗa kunɨn nya kamla ndɨjen ta anan: Simõ'n a kunɨna Pierr ye, ndɨ nẽbe e? 19Na lon Pierr ndɨ gah dɔ nyat'n oo kam ndilt ɓaitɔ ye, Ndil Kɨkunjɗang ela an: Oo deg mɨta ɗa sahin. 20I ɓai dõ tajigt ne, i ɗisɨ aw sed kɨkanj ɓad, kɨta oo mĩ la m'lad kɨ dɔit ye.
21Taa ne, Pierr ɗisɨ kɨ ro degt'n Kɔrnei lad na eld an: Mĩ la m'ɗan, mĩ kan i ɗa i sahmɨn, ɗesɨ ye i kɨtɔɗi a?
22Turɨna anan: Kɔrnei kɨ bɨra dɔ asɨgar romag la laj ye. I de kɨdenesew kɨ ngeɓool Luwah. Juipg tube ndɨ man naj kɨmaj dɔat. Malaika lo Luwah ela ta an: I lago Pierrt ada ɗe, na i nel mbii oon dɔ ta'n ɓet a eli.
23Taa ne, Pierr ad deg kɨ mɨta'n non andɨn kam kujt na ɗad mbaht.
Pierr aw ɓe lo Kɔrnei
Loti got, Pierr aw sed deg kɨmita. Ngétaata lo Krist madg kam ɓet kɨ Jope awɨn sia. 24Loti got tɔ la teen ɓebot kɨ Sejare ye. Kɔrnei ndɨ ngood, kaw ngékɨɓe lon kɨ namɨng kɨ nat kete woi. 25Lon Pierr ndɨ and ye, Kɔrnei la taa, so njaat kamla ɔsɨ dɔn ber. 26Na Pierr la jin ɔrran kɨ dõ, na ela an: I ɓai. Mĩ kɨɓe kɨ dɔm mĩ de tɔ ho.
27Pierr el sia ta, andɨn kam kujt taa ne, ngah deg ngãibe'n kawɨn na kɨ nat.
28Eld an: I gerɨn kad i goɗobat al kad de'n i Juip nda ron nat kɨ de kɨɗang, ke and kam kujt loa. Na Luwah ɔjɨm nya mad, kɨ m'ot kun de mad de kɨyerr, kɨ m'gonga al tɔ. 29Kɨtɔ 'nten lon i la gomt kad m'ɗe ye, m'ɗe kɨkanj ɓad. Tajigla m'ndɨ ndɨjei kɨtɔɗi i lan gomt a?
30Kɔrnei tur an: Ɓone asɨ ndɔsɔɔ, dɔ kàda laten, i kɨ kàd kɨ norrjin m'ndɨ m'elta kɨ Luwah kam kujt, taa ne, m'oo de mad ɗa nõmt la kub kɨ ndulo ngẽingẽi. 31De'n non elɨm an: Ĩ Kɔrnei, Luwah oo dɔ tag'n el sia nõ. Kama oi dɔ kadkarig kɨ ad ngéndog nõ al. 32Kɨtɔ 'nten, i la deg Jopet ad aw kunɨn Simõ, ĩn tɔa i Pierr ɗen sia; hɔ lo to ɓe lo Simõ kɨ ngékɔrrgidndar ta bahbot. 33I titbe la tajigt m'lan kɨla kɨ dɔit ye, ĩ kaa ne, i ɗa maj la i ɗe ye. Na tajigla jĩ tube jĩ nõit nẽbe, kɨ ndig kad j'oo nyag tube'n Bɨraɓe ndai mbera kad elj.
Pierr elta kuj lo Kɔrnei
34Taa ne, Pierr tee tan elɨn ta an: Tajigla m'ger jeje kad Luwah i ngekɔrr de dene al; 35na kam girrdegt kɨ dang dang, ĩla de mad ndɨ ɓoola ho, ndɨ ɗa nya kɨ dene nõat ho a ne, de'n non ro Luwah a nela sia. 36Luwah la kɨ ta lon kɨ ro degt kɨ Israel, ad lan mber hoita kɨmaj kɨ ɔj dɔ lapia kɨtakul Jeju Krist'n i Bɨraɓe lo deg tube. 37Ĩn kɨɓe kɨ dɔsɨ i gerɨn nya'n hã ɗa nya, mba girrɨn kam dɔning Galilet kamtã teen dɔning Judet got'n Jã la mber kad deg ɗan baptem. 38I gerɨn titbãi Luwah wurɨn Jeju kɨ Najaret't kɨ tɔg Ndil Kɨkunjɗang. Jeju lago log tube a ɗa maj kɨ deg, yoot ĩgɨn diabɨl da kumd ndo, kɨta Luwah i nat sia. 39Jĩ ngémanaj dɔ nyagt tube'n Jeju ɗa kam dɔning Judet kɨ ɓebo Jerusalemt. Na deg tɔlɨna, gana kag dosɨt. 40Na go ndɔt kɨkõmɨta Luwah ada ɓai ku ngékoit, ada ɔj ron kɨ tɨga. 41Kɨ ro degt tube al, na kɨ ro ngémanajt. Kɨtɔ 'nten Luwah mbedj kete woi, kad jĩ ngémanaj. Lon ɓai lo koit ye kɨ sa sia ho, kɨ j'ãi sia ho. 42Jeju'n non ndaj mber kad kɨ la mber hoita kɨmaj jad deg kɨ man naj 'nten kad Jeju la Luwah kɔta ndaa kad gangta dɔ degt kɨ ngékoig kɨ deg kɨ ndɨn kumkajir tu. 43Ngékeltag kɨ ta Luwaht tube elɨn ta dan ne dɔ Jeju anan: Dekɨdẽ'n taa ta lo Jeju Krist a ne, Luwah a nyàgo majalg loa kɔ kɨtakula.
Luwah ad Ndilɨn ɗe dɔ deg madgt ku girrdegt kɨ dang dang
44Lon Pierr ndɨ eltag'n non ɓaitɔ a ne, Ndil Kɨkunjɗang ɗisɨ dɔ degt tube'n ndɨ oon ta lo Luwah. 45Ngétaata lo Krist kɨ ĩn Juipg, kɨ ĩn nat kɨ Pierr ye, ta yad dɔ Ndil kɨkunjɗangt'n ɗisɨ dɔ girrdegt kɨ dang dang nõ. 46Kɨtɔ oon deg'n non elɨn ta kɨ taɓeg kɨ dang dang ɗa tɔin ne Luwah kɨbo. Taa ne, Pierr el an: 47Tajigne deg'n ɗan, taan Ndil Kɨkunjɗang titj ye, de mad kɨ asɨ kɔgd dɔ baptem kɨ kam mant goto. 48Ad Pierr ndamber kad ɗand baptem kam tɔ Jejut, kamla deg'n non, ndɨjen Pierr kad ndɨ sed ngonsĩ ɓaitɔ.
Nu markerat:
:
Märk
Kopiera
Jämför
Dela
Vill du ha dina höjdpunkter sparade på alla dina enheter? Registrera dig eller logga in
Mbai Bible Revision © Bible Society of Chad, 2015.