ROMANOS 15
15
Lapi̱ li̱pa̱huana̱ Cristo, xli̱ca̱na̱ pi̱ naputzaya̱ la̱ntla̱ namakta̱yale̱nko̱y a̱makapitzĂ̱n
1Xli̱pacs quin hua̱nti̱ makcatzi̱ya̱hu pi̱ tlihuaka̱ kalhi̱ya̱hu quintaca̱najlacĂĄn, chu̱ tancs catzi̱ya̱hu la̱ntla̱ lacasquĂn Cristo nali̱pa̱huana̱hu, pus quili̱lakcatzatcĂĄn, chu̱ quilacĂĄn quili̱tlahuatcĂĄn xtaxlajuanatcĂĄn nata̱lanĂ̱n hua̱nti̱ ni̱ naj catzi̱ko̱y la̱ntla̱ li̱huana̱ nali̱pa̱huanko̱y; xa̱huachĂ̱ ni̱ caj xma̱n huĂĄÌ± natlahuaya̱hu hua̱ntu̱ caj naacstumakapa̱xuhuacana̱hu, usu nama̱tla̱ni̱ya̱hu. 2Xli̱pacs quin quili̱makapa̱xuhuatcĂĄn a̱makapitzĂ̱n laqui̱mpi̱ lacatzucu̱ namakta̱yako̱ya̱hu, chu̱ quinca̱mini̱niyĂĄÌ±n natlahuaya̱hu hua̱ntu̱ xlacĂĄn a̱tzinĂș̱ catzi̱ko̱y pi̱ tla̱n, laqui̱mpi̱ chunĂĄÌ± lacatzucu̱ namakta̱yako̱ya̱hu li̱huaca̱ aksti̱tum nali̱pa̱huanko̱y Quimpu̱chinacĂĄn. 3Sa̱mpi̱ hua̱ Cristo acxni̱ qui̱lachi, ni̱ pĂștzalh hua̱ntu̱ caj xacstu nali̱makapa̱xuhuacĂĄn, usu pala tĂș̱ nali̱tatlanqui̱y, chi̱ hua̱mpi̱ xlĂĄÌ± makta̱yako̱lh tachixcuhuĂ̱tat, chunĂĄÌ± kantĂĄxtulh c-xlatĂĄma̱t hua̱ntu̱ tatzokni̱t c-Li̱kalhtahuaka̱ anta̱ni̱ chunĂĄÌ± huan: âHua̱ xtama̱xcajua̱li̱ncĂĄn ti̱ xma̱xcajua̱li̱ma̱kĂłÌ±n, xta̱chunĂĄÌ± xacmakcatzi̱ma̱ pala quit xquili̱ma̱xcajua̱li̱ma̱kĂłÌ±.â 4Na̱ mili̱catzi̱tcĂĄn pi̱ xli̱pacs hua̱ntu̱ xamaka̱n quilhtamacĂș̱ tatzoktahuilani̱t c-Li̱kalhtahuaka, hua̱ li̱tzokuili̱cani̱t laqui̱mpi̱ quin hua̱nti̱ la̱nchuj quilhtamacĂș̱ lama̱hu, antĂĄÌ± naquilhpa̱qui̱ya̱hu la̱ntla̱ aksti̱tum nalatama̱ya̱hu, chu̱ nakalhi̱ya̱hu ta̱kpuhuantĂ̱n nakalhkalhi̱tahuilaya̱hu hua̱ntu̱ Dios quinca̱ma̱lacnu̱niyĂĄÌ±n, chu̱ quinca̱li̱kalhi̱mĂĄÌ±n pi̱ nalakcha̱na̱hu. 5Cha̱nchu̱ cumu hua̱ Dios ma̱sta̱y tapa̱xuhua̱na̱lĂ©Ì±n, xa̱hua̱ ta̱kpuhuantĂ̱n, quit ankalhĂ̱n csquiniy li̱tlĂĄÌ±n pi̱ caca̱ma̱xquĂ̱n ma̱na huatiya aktum talacapa̱stacni̱ laqui̱mpi̱ luhua li̱pa̱xuhu nala̱ta̱latapa̱yĂĄÌ±tit xta̱chunĂĄÌ± la̱ntla̱ quinca̱li̱pu̱lanini̱tĂĄn Cristo JesĂșs, 6laqui̱mpi̱ la̱ntla̱ macxtum la̱li̱catzi̱niyĂĄÌ±tit, na̱ chunĂĄÌ± macxtum nama̱xqui̱yĂĄÌ±tit ca̱cni̱ Dios ti̱ huatiya̱ xtla̱t quimpu̱chinacan Jesucristo.
JesĂșs lakma̱xtuputunko̱y pu̱tum tachixcuhuĂ̱tat ma̱squi ni̱ judĂos
7HuachĂĄÌ± xpa̱lacata, ni̱ pala cha̱tum calakmakĂĄntit hua̱nti̱ na̱ li̱pa̱huamputunko̱y JesĂșs ma̱squi ni̱ naj luhua aksti̱tum lama̱, huata luhua li̱pa̱xuhu camakamaklhti̱nĂĄntit xta̱chunĂĄÌ± la̱ntla̱ Cristo ca̱makamaklhti̱ni̱tĂĄn. Lapi̱ chunĂĄÌ± natlahuayĂĄÌ±tit, lhu̱hua̱ ti̱ nama̱xqui̱ko̱y pa̱xcatcatzĂ̱nit Dios caj mimpa̱lacatacĂĄn. 8Quit tla̱n nacca̱ma̱lulokniyĂĄÌ±n pi̱ Cristo qui̱li̱scujko̱chi̱ judĂos laqui̱mpi̱ chunĂĄÌ± pacs ma̱kantĂĄxti̱lh hua̱ntu̱ Dios tima̱lacnu̱niko̱chĂĄÌ± xakasiya̱ quinatla̱tnacĂĄn, xa̱huachĂ̱ antĂĄÌ± stalanca tasiyuy pi̱ Dios pacs ma̱kantaxti̱y hua̱ntu̱ ma̱lacnu̱y. 9Hua̱mpi̱ na̱ chuna li̱tum xlĂĄÌ± qui̱lachi̱ laqui̱mpi̱ nalakma̱xtuko̱y hua̱nti̱ ni̱ judi̱os, laqui̱mpi̱ chunĂĄÌ± lacxtum nalakachixcuhui̱ko̱y Dios caj xpa̱lacata xtalakalhamĂĄÌ±n, chunĂĄÌ± la̱ntla̱ tatzokni̱t c-Li̱kalhtahuaka̱ anta̱ni̱ chunĂĄÌ± huan:
âHuĂĄÌ± xpa̱lacata nacli̱ma̱xqui̱yĂĄÌ±n ca̱cni̱ c-xlaksti̱pa̱ncan hua̱nti̱ ni̱ judĂos
chu̱ li̱pa̱xuhu nactli̱niyĂĄÌ±n la̱ntla̱ nacma̱siyuy mintalakalhamĂĄÌ±n.â
10Na̱ chunĂĄÌ± huampalay a̱lacatum:
âHuixĂn xaakmakat chixcuhuĂ̱n hua̱nti̱ ni̱ juDĂos
chĂș̱ luhua lacxtum cata̱pa̱xuhuakĂłÌ±tit yama̱ judĂos xlakskata̱n Dios hua̱nti̱ makĂĄÌ±n lacsacko̱ni̱t.â
11Chu̱ huilapĂĄÌ± lacatum anta̱ni̱ chunĂĄÌ± huan:
âXli̱pacs huixĂn hua̱nti̱ ni̱ judĂos, chu̱ hua̱nti̱ huilĂĄtit c-xli̱ca̱tlanca̱ ca̱tuxĂĄÌ±huat,
acxtum calakachixcuhuĂ̱tit Dios.â
12Profeta IsaĂas na̱ chunĂĄÌ± titzĂłknu̱lh c-xlibro̱:
âCha̱tum xquilhtzucut xamaka̱n IsaĂ nalacachĂn
chu̱ natahuixca̱ni̱y laqui̱mpi̱ napuxcu̱naniko̱y, chu̱ napu̱lale̱nko̱y xli̱pacs tachixcuhuĂ̱tat hua̱nti̱ ni̱ judĂos,
chu̱ xli̱pacs nali̱pa̱huanko̱y pi̱ tla̱n nalakma̱xtuko̱y.â
13Quit csquiniy li̱tlĂĄÌ±n Dios hua̱nti̱ quinca̱ma̱lacnu̱niyĂĄÌ±n xatla̱n latĂĄma̱t c-akapĂș̱n, pi̱ caca̱ma̱xquĂ̱n tapa̱xuhuĂĄÌ±n, chu̱ ta̱ksti̱tumĂ̱li̱t c-milatama̱tcĂĄn huixĂn hua̱nti̱ aya li̱pa̱huanĂĄÌ±tit, xa̱huachĂ̱ caca̱li̱makta̱yĂĄn EspĂritu Santo xli̱tlihuaka̱ laqui̱mpi̱ niucxni̱ nataxlajuani̱yĂĄÌ±tit c-mintaca̱najlacĂĄn la̱ntla̱ kalhkalhi̱ti̱yĂĄÌ±tit hua̱ntu̱ Dios tancs ma̱lacnu̱ni̱t naca̱ma̱xqui̱yĂĄÌ±n.
14Nata̱lanĂ̱n, quit ccatzi̱y pi̱ huixĂn aya kalhi̱yĂĄÌ±tit tapĂĄÌ±xqui̱t, talakalhamĂĄÌ±n, xa̱hua̱ tla̱n talacapa̱stacni̱ laqui̱mpi̱ tla̱n nali̱ta̱kalhchihui̱nanĂĄÌ±tit a̱makapitzĂ̱n hua̱ntu̱ ni̱ naj tancs catzi̱ko̱y xtalacapa̱stacni Dios. 15Hua̱mpi̱ quit cca̱tzoknimĂĄÌ±n yuma̱ carta̱ laqui̱mpi̱ a̱tzinĂș̱ lacatancs nacca̱li̱ta̱kalhchihui̱nanĂĄÌ±n hua̱ntu̱ xlĂĄÌ± lacasquĂn natlahuayĂĄÌ±tit, chu̱ naca̱makta̱yayĂĄÌ±n niucxni̱ napa̱tzanka̱yĂĄÌ±tit. HuĂĄÌ± chunĂĄÌ± cca̱li̱huaniyĂĄÌ±n sa̱mpi̱ caj xpa̱lacata̱ pi̱ quilakalhamani̱t Dios 16xlĂĄÌ± chunĂĄÌ± quili̱ma̱paksi̱ni̱t pi̱ nacscujnaniy c-milaksti̱pa̱ncĂĄn huixĂn hua̱nti̱ ni̱ judĂos. Hua̱ quintascĂșjut tu̱ quima̱xqui̱ni̱t hua̱ yumĂĄÌ± pi̱ nacca̱li̱akchihui̱naniyĂĄÌ±n li̱pa̱xuhu xtama̱catzi̱nĂ̱n hua̱ntu̱ ma̱sta̱y laktĂĄxtut. Dios chunĂĄÌ± tlĂĄhualh sa̱mpi̱ xcatzi̱y pi̱ lhu̱hua̱ huixĂn nali̱pa̱huanĂĄÌ±tit caj xpa̱lacata nakaxpatĂĄÌ±tit xtama̱lacnĂș̱n, laqui̱mpi̱ a̱li̱sta̱lh acxni̱ naca̱najlaniyĂĄÌ±tit, EspĂritu Santo tla̱n naca̱makta̱yayĂĄÌ±n ma̱aksti̱tumi̱yĂĄÌ±tit milatama̱tcĂĄn, laqui̱mpi̱ xalĂĄn quit nacca̱macama̱sta̱yĂĄÌ±n c-xlacati̱n Dios xta̱chunĂĄÌ± la̱ aktum li̱ca̱xtlahuĂĄÌ±n hua̱ntu̱ xlĂĄÌ± luhua nalakati̱y.
17Caj xpa̱lacata hua̱ntu̱ tlahuani̱t Cristo JesĂșs c-quilatĂĄma̱t, xli̱ca̱na̱ pi̱ luhua cli̱pa̱xuhuay la̱ntla̱ tla̱n cma̱kantaxti̱ni̱t tascĂșjut hua̱ntu̱ Dios quima̱xqui̱ni̱t. 18Hua̱mpi̱ acxni̱ cli̱chihui̱nĂĄn quintascĂșjut quit xma̱n huĂĄÌ± nacli̱chihui̱nĂĄn hua̱ntu̱ tlahuani̱t Cristo c-quilatĂĄma̱t, sa̱mpi̱ caj xpa̱lacata̱ pi̱ quima̱lacscujuni̱t c-xlaksti̱pa̱ncĂĄn hua̱nti̱ ni̱ judĂos, lhu̱hua̱ hua̱nti̱ tla̱n lakapasko̱ni̱t la̱ntla̱ ma̱tzuqui̱putĂșn xtapĂĄksi̱t c-xlatama̱tcĂĄn, chu̱ li̱pa̱huanko̱ni̱t. Hua̱mpi̱ huĂĄÌ± li̱pa̱huanko̱ni̱t sa̱mpi̱ kaxmatko̱ni̱t xtachihui̱n Cristo hua̱ntu̱ cli̱akchihui̱nani̱t, chu̱ ucxilhko̱ni̱t quintatlahu. 19Sa̱mpi̱ Dios quimĂĄÌ±xqui̱lh xli̱lihuaka EspĂritu Santo laqui̱mpi̱ tla̱n nactlahuay lhu̱hua̱ lactlanca li̱ca̱cni tatlahu, chu̱ a̱ti̱pa̱tu̱ xali̱ucxĂlhti̱t laqui̱mpi̱ nacatzi̱cĂĄn pi̱ xli̱ca̱na̱ xtachihui̱n Dios hua̱ntu̱ xacli̱chihui̱nama̱. Cma̱tzuqui̱ni̱t c-JerusalĂ©n la̱ntla̱ cli̱akchihui̱nama̱ xasa̱sti tama̱catzi̱nĂ̱n la̱ntla̱ Cristo lakma̱xtunĂĄn, chu̱ hasta antiyĂĄÌ± cqui̱ta̱yani̱t c-makat tĂyat huanicĂĄn Iliria. 20Quit antĂĄÌ± cli̱chihui̱nani̱t yuma̱ laktĂĄxtut hua̱ntu̱ Dios ma̱lacnu̱y hasta anta̱ni̱ lakamakatni tĂyat, chu̱ anta̱ni̱ ni̱ xa̱li̱chihui̱nancĂĄn Cristo, sa̱mpi̱ ni̱ clakati̱y nacli̱chihui̱nĂĄn anta̱ni̱ aya li̱chihui̱nanko̱ni̱t a̱makapitzĂ̱n hua̱nti̱ na̱ anko̱ni̱t li̱akchihui̱nanko̱y. 21Huata quit chunĂĄÌ± cma̱kantaxti̱ma̱ xta̱chunĂĄÌ± la̱ntla̱ huan lacatum c-Li̱kalhtahuaka:
âYuma̱ tachixcuhuĂ̱tat hua̱nti̱ ni̱ a̱ma̱catzi̱ni̱ko̱cĂĄn pi̱ huĂ̱ hua̱nti̱ tla̱n nalakma̱xtuko̱y, huata xlacĂĄn chĂș̱ nacatzi̱ko̱y,
chu̱ hua̱nti̱ niucxni̱ a̱kaxmatko̱y xpa̱lacata, naakata̱ksko̱y pi̱ xli̱ca̱na̱ lakalhamanko̱y.â
Pablo puhuĂĄn naĂĄn lakapaxia̱lhnanko̱y hua̱nti̱ xala c-Roma
22Pus caj huĂĄÌ± xpa̱lacata̱ pi̱ ni̱ pala tzinĂș̱ quili̱makuaniy nacca̱lakana̱chĂĄÌ±n ma̱squi xli̱ca̱na̱ pi̱ maklhu̱huatĂĄÌ± cpuhuĂĄn pi̱ nacana̱chĂĄ. 23Hua̱mpi̱ hua̱ chĂș̱ pi̱ aya clakatza̱lako̱ni̱t yuma̱ lactzu̱ ca̱chiquĂ̱n u̱nĂș̱ lacatum c-tĂyat, cpuhuĂĄn pi̱ aya cxlajani̱t quintascĂșjut, pus chĂș̱ ma̱x juerza̱ nacca̱lakana̱chĂĄÌ±n cumu maka̱sa quilhtamacĂș̱ chunĂĄÌ± cli̱lhca̱ni̱t. 24Cumu aya cli̱lhca̱ni̱t pi̱ nacĂĄn hasta c-xatiyat España, huata xatlĂĄÌ±n pu̱lana̱ huixĂn nacca̱ti̱laktaxtuyĂĄÌ±n laqui̱mpi̱ acxni̱ chĂș̱ aya li̱pa̱xuhu la̱lakapasni̱tahu nahuĂĄn, aver pala tla̱n huixĂn naquimakta̱yayĂĄÌ±tit, chu̱ naquima̱xqui̱yĂĄÌ±tit hua̱ntu̱ nacmaclacasquĂn c-tiji̱ acxni̱ naquima̱quilhanu̱yĂĄÌ±tit, chu̱ nacana̱chĂĄÌ± hasta c-España. 25Hua̱mpi̱ la̱nchĂș̱ pu̱lh nacĂĄn xtaka̱ actzu̱ tumi̱n c-JerusalĂ©n laqui̱mpi̱ nali̱tamakta̱yako̱y makapitzi̱n nata̱lanĂ̱n hua̱nti̱ antĂĄÌ± huilakĂłÌ±. 26Sa̱mpi̱ hua̱ yuma̱ nata̱lanĂ̱n xala c-Macedonia, chu̱ c-Acaya, lacapa̱stacko̱lh napu̱qui̱ko̱y actzu̱ tumi̱n laqui̱mpi̱ nali̱makta̱yako̱y yama̱ lakli̱ma̱xkani̱n nata̱lanĂ̱n xala c-JerusalĂ©n. 27Yuma̱ nata̱lanĂ̱n luhua xli̱pacs xtapa̱xuhua̱ncĂĄn ma̱sta̱ko̱lh xtumi̱ncĂĄn, xli̱ca̱na̱ pi̱ tla̱n hua̱ntu̱ tlahuako̱lh sa̱mpi̱ chunĂĄÌ± li̱pa̱xcatcatzi̱niputunko̱lh judĂos sa̱mpi̱ xlacĂĄn na̱ ma̱sta̱ko̱lh quilhtamacĂș̱ pi̱ xlacĂĄn hua̱nti̱ ni̱ judĂos nali̱pa̱xuhuako̱y yama̱ laktĂĄxtut hua̱ntu̱ Dios xma̱xqui̱ko̱ni̱t. Hua̱ lapi̱ chunĂĄÌ± lakalhamani̱nanko̱lh judĂos, pus na̱ luhua mini̱niko̱y hua̱nti̱ ni̱ judĂos nali̱makta̱yako̱y yama̱ lakli̱ma̱xkani̱n judĂos hua̱nti̱ li̱pa̱huanko̱y Cristo hua̱ntu̱ xlacĂĄn kalhi̱ko̱y acatzunĂ̱n. 28ChunĂĄÌ± pi̱ acxni̱ huatiya̱ cacma̱kantĂĄxti̱lh yuma̱ tascĂșjut hua̱ntu̱ nactlahuay c-JerusalĂ©n, pus tuncĂĄn nactaca̱xa̱ laqui̱mpi̱ nacĂĄn c-España, hua̱mpi̱ ni̱ cali̱puhuĂĄntit sa̱mpi̱ yama̱ tiji̱ hua̱ntu̱ clacsacni̱t pi̱ naclacĂĄn, antĂĄÌ± ti̱taxtuy c-Roma, chu̱ pu̱lh huixĂn nacca̱ti̱laktaxtuyĂĄÌ±n. 29Na̱ ccatzi̱y pi̱ acxni̱ nacca̱lakcha̱na̱chĂĄÌ±n, Cristo naquima̱xqui̱y xtalacapa̱stacni laqui̱mpi̱ tancs nacca̱li̱ta̱kalhchihui̱nanĂĄÌ±n, chu̱ acxtum nakalhi̱ya̱hu lhu̱hua̱ tu̱ nala̱li̱makapa̱xuhuaya̱hu.
30Nata̱lanĂ̱n, cumu acxtum li̱pa̱huana̱hu Quimpu̱chinacan Jesucristo, chu̱ kalhi̱ya̱hu tapĂĄÌ±xqui̱t hua̱ntu̱ EspĂritu Santo ca̱ma̱xqui̱ni̱tĂĄn laqui̱mpi̱ acxtum nala̱lakalhamana̱hu, pus huĂĄÌ± xpa̱lacata cca̱squiniyĂĄÌ±n li̱tlĂĄÌ±n pi̱ caquinta̱scĂșjtit, chu̱ caquimakta̱yĂĄtit c-mioracioncĂĄn laqui̱mpi̱ Dios caquimĂĄÌ±xqui̱lh li̱tlihuaka. 31CasquinĂtit Dios pi̱ acxni̱ nacchĂĄÌ±n c-Judea, anta̱ni̱ lhu̱hua̱ hua̱nti̱ ni̱ ca̱najlaputunko̱y xtachihuĂ̱n JesĂșs quisi̱tzi̱niko̱y, ni̱tĂ̱ caquima̱akspĂșli̱lh hua̱ntu̱ ni̱tlĂĄÌ±n; chu̱ na̱ chunĂĄÌ± yama̱ nata̱lanĂ̱n xala c-JerusalĂ©n pi̱ li̱pa̱xuhu camakamaklhti̱nanko̱lh hua̱ntu̱ li̱makta̱yama̱ko̱ca̱ ma̱squi caj actzĂș̱. 32Laqui̱mpi̱ a̱li̱sta̱lh, lapi̱ hua̱ Dios chunĂĄÌ± lacasquĂn, li̱pa̱xuhu quit xacca̱lakanchĂĄÌ±n, chu̱ acxni̱ chĂș̱ xla̱ucxilhui, acxtum xkalhi̱hu tapa̱xuhuĂĄÌ±n. 33Pus hua̱ tama̱ Quintla̱tican Dios hua̱nti̱ ma̱sta̱y tapa̱xuhuĂĄÌ±n, csquiniy li̱tlĂĄÌ±n pi̱ xa̱li̱ankalhĂ̱n caca̱makta̱yĂĄn. ChunĂĄ calalh, amĂ©n.
1999, Wycliffe Bible Translators, Inc. All rights reserved.