ມາລາຄີ 4
4
ຕສ໊ຽວ ເຍີຍ ຮນອຍ ອ໋ອຍ ເຖົາ
1ເນິ່ນ ເຈ໋ຍ ເຍີຍ ຕສ໊ຽວ ກ໊ອງ, “ໝັ່ງ ມ່າະ! ວົ້ວ ນອມ ຮນອຍ ອ໋ອຍ ເຖົາ, ຢ່າ ອ໋ອຍ ຮນັ້ງ ຕົ້ມ ໂຕ໌ວ ນໍ. ເທສງ-ໂຮລ ເຍີຍ ມ່ຽນ ເຖສົາ ເອ໊າະ ມ່ຽນ ຢຽດ ຕສູ໊ງ ອ໋ອຍ ຕສຸ ໂຕ໌ວ ປົ໊ວ ທຈຸຍ ເດສ່ງ ຮນັ້ງ ປົ໊ວ ເບຢົ້າ ອກ໊າວ ກອນ, ລ່ຽມ ອກ໊າວ ລ່ຽມ ດສູ້ງ ໄມ້ ເຕສ່ງ ຢຽດ ເຕີ໋ຍ. 2ມປ່າ ເຫວີ່ຍ ທ່າຍ ເຢຍ ເຍີຍ ບົ໋ວ ວົ້ວ ເຕີ໋ຍ ມ່ຽນ, ມ່າຍ ແປ້ງ ຟິມ ເຍີຍ ເຈົ໊າ ອ໋ອຍ ທສວດ ຕ້າຍ ຮນັ້ງ ບະຮນອຍ ນໍ. ນິ່ນ ເຍີຍ ຫຍຸດ ຢ່າ ອ໋ອຍ ແອ໊ງ ທສວດ ຕສໍ່ ແປ່ງ. #4:2 ຮິບລູ ຫວ່າ ກ໊ອງ “ມ່າຍ ແປ້ງ ຟິມ ເຍີຍ ບະຮນອຍ ອ໋ອຍ ທສວດ ຕ້າຍ. ນິ່ນ ເຍີຍ ດ໊າດ ໄຮ່ ຕສໍ່ ແປ່ງ”. ເມີ່ຍ ບົວ ຕສ່ຽວ ຕຸ໊ ທສວດ ມີ່ງ ຮນັ້ງ ງົ່ງ ຕອນ ຕຸ໊ ປູ໋ງ ທສວດ ລ່ານ ອະເຮນີ້ຍ ເຍີຍ ດິ້ວ ລູ່ງ. 3ຢຽມ ເຢຍ ໂຕສ໋ວ ນ້າຍ ເຕີ໋ຍ ສີ່ ວົ້ວ ນອມ ຮນອຍ, ເມີ່ຍ ບົວ ຕສູ໊ງ ຕຸ໊ ທສ້າຍ ຈ໊ຽນ ເອ໊າະ ມ່ຽນ. ນິ່ນ ບົວ ຕສ່ຽວ ຮນັ້ງ ຊ້າຍ ຢຽມ ເມີ່ຍ ບົວ ເຍີຍ ເຕສົ໋າ-ເດ໊ຍ ນໍ.” ເນິ່ນ ເຈ໋ຍ ເຍີຍ ຕສ໊ຽວ ຮນັ້ງ ນ້າຍ ນໍ ກ໊ອງ.
4“ອ໋ອຍ ຕສຸ ຈັ໋ງ ຈ໊ຽນ ເຢຍ ຢຽມ ໂຮເລບ ບົງ #4:4 ໂຮເລບ ເຊ ຊີນາຍ ເຍີຍ ກັ້ນ ນອມ ບົ໋ວ. ປຸນ ເຢຍ ເຍີຍ ໂປວ, ໂມເຊ, ຫລຽບ ຕ້າຍ ເຍີຍ ເລີ໌ຍ-ຫລັດ. ເຊ ເຫວີ່ຍ ອິສະລາເອນ ເຍີຍ ຕສວັ໋ງ ມ່ຽນ ຫລຽບ ເຍີຍ ຫລີ່ງ ເຖສົາ ເລີ໌ຍ.
5“ໝັ່ງ ມ່າະ! ຕສ໊ຽວ ໂຮລ ໄຫ່, ກ້ຳ ເດສ໋ຍ ໄຫ່ ເຍີຍ ຮນອຍ ໄມ້ ແກ້ງ ເຖົາ, ເຢຍ ຕສູ໊ງ ອ໋ອຍ ພ້າຍ ເຢຍ ເຍີຍ ໂຕ່ວ ຫວ່າ ມ່ຽນ, ເອລີຢາ, ຕ້າຍ ລໍ໌ ເມີ່ຍ ບົວ ດ່າງ. #ມັດທາຍ 11:14; 17:10-13; ມາໂຄ 9:11-13; ລູກາ 1:17; ໂຢຮັນ 1:21 6ນິ່ນ ອ໋ອຍ ປຸນ ໂຕສ໋ວ ເຕຍ ເຍີຍ ມ່ຽນ ເຖສົາ ນິ່ນ ບົວ ເຍີຍ ຝຸຈ໊ວຍ ຫອບ ໂຮຍ້ວ ຕ້າຍ, ຢ່າ ປຸນ ຝຸຈ໊ວຍ ແອ໋ງ ເຖສົາ ນິ່ນ ບົວ ເຍີຍ ເຕຍ ຫອບ ຕ້າຍ. ໄມ້ ເຕສີຍ ແອ໊ະ, ເຢຍ ອ໋ອຍ ຕ້າຍ ປຸນ ວົ້ວ ນອມ ເຕີ່ຍ-ປູງ ຕສຸ ໝຽດ ເດສ່ງ ອ໊ະ.” #4:6 ຕສຸ ໝຽດ ເດສ່ງ ອ໊ະ ຟານ ຕສະ ກ໊ອງ ຕສຸ ຕສ໋ຽວ.
Nu markerat:
ມາລາຄີ 4: IuMiLAO
Märk
Kopiera
Jämför
Dela
Vill du ha dina höjdpunkter sparade på alla dina enheter? Registrera dig eller logga in
Mien Bible (Lao Script) © 2007 Thailand Bible Society, 2007.