Mataiu 4
4
SimÌaro nalo kanalo parinio tubo, naio mila von Yesu
Mak 1:12-13; Luka 4:1-13
1 #
Ipru 2:18, 4:15 Iorou ka bogo napano Jone Baruei naio baruei ea Yesu bisi, ana Niununo Lu buru Yesu ban ea vio yauo tai ka simÌaro nalo kanalo parinio tubo rila von naio. 2Naruei Yesu naio mondulu ka bogoti duelimo va veri [40] a bogiano duelimo va veri [40], ka bolkouo, mia iorou ka bogoti nalo nei ana jijer taneaio. 3Ana mo SimÌaro, toro namÌa milavonvon tomu nalo, naio ber ka Yesu, berinavo âVerenio jau kobe Atua kenerinio riano, ana mo kover ka puruveru nalo na aju na, ka amei ave joko, ka kesen tai.â
4Ana Yesu naio berdopÌeio, berinavo âMakanio, bior Niosi Lu naio berenio ruei, berinavo
âMaka toro rijikia rimeul ea ga sinaniano,
mia toro mijikia rimeul ea iliano nonovio napano Atua naio berenio.ââ Tiut 8:3
5Mia SimÌaro naio milavon Yesu kiano jidomiano bereio, naio jiloglog Yerusalemo, naio buru kiano jidomiano bavin mave ea Atua Kunuano Lu. 6Naruei SimÌaro ber ka Yesu, berinavo âVerenio jau kobe Atua kenerinio, ana mo jau koviako kavatove ea borotano. Mia jau kovu ga na, bior Iliano Lu naio berii Atua, berinavo
âMia naio mijikia riila kiano nailiano nalo,
ka amei atu avitikariso.
Mia nalo adukarso ga ka jumÌalo mave, ka mia kavan re jaamo ea puruveru.ââ Iouano 91:11,12
7Ana Yesu berdopÌe SimÌaro, berinavo âMakanio, bior Niosi Lu ber bunu ruei, berinavo
âMaka rivu ka kalavon kanamo Tubo Atua, jau katadua re naio ka rila kiamo vite tai.ââ Tiut 6:16
8Naruei SimÌaro naio milavon Yesu bereio, ka jidom rivuru Yesu kiano jidomiano rivavin ea burusuku na toru laka tai, ka mia naio rijikia siloglog buruvenuo nonovio na vio yetemeriba nei ka Yesu, rivija vite maraiu nene nalo. 9Naruei SimÌaro milavon Yesu bereio va rolu nene, berinavo âSaba nalo na komial na mia kiniou najamo kalo vanso, verenio jau keinietano, jau kolotu ka kiniou.â
10Mia Yesu naio mil ban SimÌaro, berdopÌe kiano iliano, berinavo âJau kovuro den kiniou, SimÌaro. Niosi Lu naio berenio ruei, berinavo
âMia jau kolotu ka ga Tubo kiamo Atua, naio ga takurano,
mia naio ga kala kanano imÌauano.ââ
11Naruei SimÌaro buro den Yesu, ana nailiano nalo abinimei, aju naliko amiyolupÌilupÌi naio.
Yesu jikar kiano imÌauano ea tanobuku na Kalele
Mak 1:14-15; Luka 4:14-15
12 #
Mataiu 14:3; Mak 6:17; Luka 3:19,20 Mia ka bogo nei, parinio tubo Erot kiano tomu na mira nalo tai aba abokar Jone Baruei, ana aburu naio ban ea yimo na tetavokoiano. Mia ka legiano nene ga Yesu naio mijogial lilianiano nei, naruei naio jumolu den vio na, ana ban bereio ea tanobuku na vio Kalele. 13#Jone 2:12Mia naio maka riva toa vio Nasarete, mia naio mijaka batove ea mÌarkomeli na vio Kapeneam, napano naio jo vaataro ka ueiyabo na toru na vio Kalele. Vio nalo nei napano jikar Kalele batove boru koyou ea tei, beamu borotano nei naio be Sebulano kiano bajulukuti nalo bija Naptali kiano bajulukuti nalo kialo nua. 14Tenei miyotuba jel jibe nei ka mia rila iliano nalo napano Naverialiano Aisea berialio nanua ruei, rimei rive riano tibe ka napano naio berenio, berinavo
15 âKamiu tomu nalo na Sebulano bija Naptali kialo vio nalo,
napano kamiu kumitu iviso ka mÌarauei na vio Yortano bija tei na toru,
kamiu na vio Kalele, vio na tomu na maka ajikia Atua, kamiu kuvijog iliano nei:
16 Tomu nalo napano mÌa aju nunu ga, mia nalo aial burumÌara yulu tai.
Nalo na aju nunu damÌariga,
ka mia mÌa amÌarmÌaro ga,
mia burumÌara yulu tai naio rimereralilo.â Aisaia 9:1,2
17 #
Mataiu 3:2
Mia jikar ea bogo nei, ana Yesu naio jomÌa mioliolu, naio berinavo âKamiu monoka kuvilig kenemiu jidomiano nalo ka kenemiu kariano nalo, bior navenatuboiano na vio mave naio binimei vaataro ruei.â
Yesu bio kiano naiagagoano veri
Mak 1:16-20; Luka 5:1-11
18Yesu naio jomÌa mieliel kiki jakii baramudou na ueiyabo napano toru na vio Kalele, ana naio mial tomu juo, Saimon Pitere naio kuruano Adru. Naljuo ajumÌa ajuvan supÌede, bior naljuo amijikia bajago namÌa aburu niado. 19Mia naio ber kalo, berinavo âKamjuo kuvitakisor kiniou, mia kiniou nala kamiu kuve navagadeano na tomu nalo.â 20Mia vaarakurano, naljuo ajuvan kialo supÌede nalo ajubo, ana nalo ajakisor Yesu.
21Karina Yesu naio miel ban lie kija ga bereio, ana naio mial tomjuo dolu bereio, Yemesi naio kuruano Jone, nalo abe Sepeti kenerinio nalo. Nalo ajua kialo buluku uako naliko karamÌalo, nalo ajumÌa amila batitig kialo supÌede. Naruei Yesu biolo ka atakisorio, 22mia vaarakurano ga, nalo ajumolu sopÌeli, ajuvan karamÌalo jobo ea kialo uako, ana nalo ajakisor Yesu abano.
Yesu naio mioliolu, berloglog tomu nalo, a naio mieliel ka mieiano nalo
Luka 6:17-19
23 #
Mataiu 9:35; Mak 1:39 Naruei Yesu naio jomÌa mieliel ea vio nalo napano Kalele, naio jomÌa berloglog kulo Ju nalo ea kialo yimo na lotuano nalo. Naio jomÌa berial ioluano novo nei na Atua kiano navenatuboiano, mia naio mieliel ka tomu napano namÌa amie, naio milarur tomu namÌa mieiano dedade nalo milalo, abo bereio. 24Naruei ajukunu ka Yesu siano banbano barko reraio bunu burumÌara tanobuku na vio Kalele tivelinio batove, napano ajisia ka Siria. Naruei tomu nalo na vio na bunu abarvar kialo namieiano nalo abinimei amial Yesu. Nalo nene tealo amie, tealo amijog niabele mijalele, tealo niadu jualo, tealo ajumÌa amiabulu mÌarmÌaro, mia nalo tealo napano niabele nalo amÌarmÌaro, mia Yesu naio milarurlo abo bereio. 25Mia tiniobi toru na tomu nalo ajakisor Yesu ka bogo na. Nalo nei amolmoluo ea vio Kalele, ea vio napano ajisia ka Komeli Duelimo, mia ea vio Yerusalemo a ea vio dolu nalo na vio Yutea, a ea vio nalo napano jua mÌarauei na vio Yortano tivelinio bano. Nalo na vio nalo nei naruei nalo ajakisor Yesu ea bogo na.
Nu markerat:
Mataiu 4: bki
MĂ€rk
Dela
JÀmför
Kopiera
Vill du ha dina höjdpunkter sparade pÄ alla dina enheter? Registrera dig eller logga in
© 2018, Wycliffe Bible Translators, Inc. All rights reserved.
