Populära bibelverser från 2 kubaseKorinthe 1

Dela

Akabongwe Nkulunkulu uYise weNkhosi yetfu Jesu Khristu, longuYise wemusa. Yebo, akabongwe Nkulunkulu longumtfombo wayo yonkhe indvudvuto. Yena uyasidvudvuta etinhluphekweni tetfu tonkhe; kuze labo labasetinhluphekweni sibe nemandla ekubadvudvuta ngaleyo ndvudvuto lesiyemukela kuNkulunkulu.

Njengaloku tinhlupheko taKhristu tisiphetse kangaka, kanjalo-ke nekudvudvuteka kwetfu kuyaphuphuma ngaKhristu.

Yebo, kona, tsine ngekwetfu besesibona kutsi litfunti lekufa selisengeme. Leyontfo yasifundzisa kutsi singatetsembi tsine, kodvwa setsembe Nkulunkulu; ngobe nguye yedvwa lovusa labafile.

NguNkulunkulu losicinisako tsine kanye nani kuKhristu. NguNkulunkulu futsi lowasigcoba, wasibeka luphawu lwakhe tsine; wasipha Moya wakhe, etinhlitiyweni tetfu, losibambiso saloko lokutako.

Nasihlupheka kungenca yekudvudvutwa nekusindziswa kwenu; nasidvudvuteka kungenca yekudvudvuteka kwenu, khona Nkulunkulu atenidvudvuta nanicinisele kuletinhlupheko letisiphetse tsine nani.