Populära bibelverser från Markus 7

Dela

wiels von bennen ut eenem Mensch sien Hoat komen schlajchte Jedanken, Huararie, Stälsucht, Mort, Ehebruch, Jiez, schlajcht sennen, Schuftarie, Lost, Aufgonst, Lastren, Stolt un aule Dommheit. Aul dit schlajchte kjemt von bennen un veorreinicht eenen Mensch.

Doa es nuscht, waut eenen Mensch veorreinicht daut von buten en am nenn kjemt; een Mensch woat derch daut orrein, waut ut am rut kjemt.

Hee säd to an: Jie Heichla! De Profeet Jesaja haft von junt gaunz rajcht verut jesajcht, soo aus jeschräwen steit: “Dit Volkj ieet mie met de Leppen, sajcht Gott; oba em Hoat sent see wiet auf von mie.

See deenen mie vejäfs, wiels see lieren sest nuscht aus Menschen Väaschreften.”

Jie haben Gott siene Jebooten veloten, om Väaschreften von Menschen to hoolen; soowaut aus Kuffels un Kaunen utwauschen, un noch välet mea biesied.