Populära bibelverser från Matsayo 28

Dela

Kho mutsie, mubakhole abomumahanga kosi babe abeechi, nimubabatisia beenjisibwe muliira liaPapa, nende eliOmwana, nende eliaRoho Omutakatifu; nimubeechesia okhukholanga akeenako kosi aka ndamulaka; ne lole, endiho nineenywe halala tsindaalo tsiosi, kata okhuula khushihesi shieshise shino.

Ne Yesu niyeetsa ewa bali, nababoolela mbu Ndaheebwa obunyali bwosi mwikulu khandi khushialo.

Naye malaika nakalusia nasunjila abakhasi abo ari Muraria ta; shichila emanyile mbu mukhaabanga Yesu, owabambilwe. Shiali hano ta; okhuba alamuushe, shinga olwa yaboola. Mwitse mulole habundu ewa Omwami yayalisiibwe.

Mana Yesu nabasunjila ari Muraria ta; tsie muboolele abashianje mbu batsie eGalilaya; ebweneyo niyo ewa balandolela. Aka abalindi baboola

Nabo olwa bali nibakhung'aaniile halala nende abakofu, nibasanjilaane halala, babaheelesia abasikari abo amapeesa amanji, bari Muboolenje mbu Abeechibe beetsile mushilo, nibamwiba ifwe olwa khubeele nikhuli mundoolo. Ne kano nikaba nikahuliilishila Kafuna, khulamunichilisia, kaleshe okhumuhendia inywe. Kho babukula amapeesa, nibakhola shinga olwa beebaalilwa; likhuwa elo nilitswana mubaYahudi, okhuula olwa leelo.