Populära bibelverser från ᕉᒪᒥᐅᓄᑦ 1

Dela

ᐅᖃᐅᓰᑦ ᑐᓴᕈᒥᓇᕐᑐᑦ ᑲᓐᖑᓲᑎᒋᖏᓐᓇᒃᑭᑦ: ᒎᑎᐅᑉ ᐱᔪᓐᓇᕐᓂᕆᖕᒪᒋᑦ ᐅᒃᐱᕐᑐᓕᒫᓄᑦ ᐱᐅᓕᔭᐅᑦᔪᑕᐅᖁᓪᓗᒋᑦ, ᔫᑎᑦ ᓯᕗᓪᓕᐅᓗᑎᒃ ᒍᕇᑭᓄᓪᓗᑦᑕᐅᖅ.

ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ ᒎᑎᒧᑦ ᓈᒻᒪᒋᔭᐅᓕᕐᓂᖅ ᓴᖅᑭᑎᑕᐅᖕᒪᑦ ᐅᒃᐱᕐᓂᑯᑦ; ᐃᒫᒃ ᑎᑎᕋᕐᓯᒪᔪᖃᕐᒪᑦ, “ᐃᓗᐊᕐᑐᓕᔪᖅ ᐃᓅᔪᒫᕐᐳᖅ ᐅᒃᐱᕐᓂᕐᒥᓄᑦ.”

ᑍᒪᓐᖓᓂᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ, ᒎᑎᐅᑉ ᑕᑯᒃᓴᐅᓇᓂ ᐱᔪᓐᓇᕐᓂᖏᑦ, ᐊᔪᒐᖃᖏᓐᓂᖓᓗ ᐃᓱᖃᖏᑦᑐᖅ, ᒎᑎᐅᓂᖓᑕᓗ ᐃᓕᖅᑯᓯᖓ, ᓇᓗᓇᖏᑦᓯᐊᕐᓗᑎᒃ ᑕᑯᒃᓴᐅᖕᒪᑕ, ᑐᑭᓯᔭᐅᔪᓐᓇᕐᐳᓪᓗ ᓴᓇᓯᒪᔭᖏᑎᒍᑦ ᓇᓗᓁᕐᑕᐅᖕᒪᑕ. ᑍᒤᒻᒪᑦ ᐸᓯᔭᒃᓴᐅᖏᑦᔪᑎᒃᓴᖃᕈᓐᓃᕐᐳᑦ.

ᒎᑎᒥᒃ ᖃᐅᔨᒪᒐᓗᐊᕐᐳᑦ ᓂᕐᑐᕐᓇᒍᓕ ᒎᑎᖃᕐᑐᑎᑐᑦ ᖁᔭᒋᓇᒍᓘᓐᓃᑦ, ᐃᓱᒪᒋᔭᖏᑦ ᐊᑑᑎᖃᕈᓐᓃᕐᐳᑦ ᐃᓱᒪᖏᓪᓗ ᐃᒃᐱᒍᓱᖏᑦᑐᑦ ᑖᕐᓯᑎᑕᐅᕗᑦ.

ᓱᓕᓂᕐᓗ ᒎᑎᒥᑦ ᐱᔪᖅ ᐃᓇᖏᕐᑕᐅᑎᑉᐹᑦ ᓴᒡᓗᓂᕐᒧᑦ, ᓂᕐᑐᐃᖔᕐᓗᑎᒃ ᐱᔨᑦᓯᕐᓗᑎᒡᓗ ᐱᓐᖑᕐᑎᑕᐅᓯᒪᔪᓂᒃ ᐱᓐᖑᕐᑎᑦᓯᔨᑎᒃ ᐃᓱᒪᒋᓇᒍ, ᑖᓐᓇ ᓂᕐᑐᕐᑕᐅᔪᒃᓴᐅᔪᖅ ᐃᓱᖃᖏᑦᑐᒧᑦ. ᐋᒥᓐ.

ᒎᑎᐅᑉ ᓂᓐᖓᐅᓯᖓ ᕿᓚᖕᒥᑦ ᓴᖅᑭᑎᑕᐅᖕᒪᑦ ᒎᑎᖃᖏᑦᑐᓕᒫᓄᑦ ᐃᓄᐃᓪᓗ ᐱᐅᖏᑐᓕᐅᕐᓂᖏᓐᓄᑦ ᓱᓕᓂᕐᒥᒃ ᐊᒡᕕᐊᕐᓯᔪᓄᑦ ᐱᐅᖏᑦᑐᓕᐅᕐᓂᕐᒥᖕᓄᑦ.

ᑍᒤᒻᒪᑦ, ᒎᑎᐅᑉ ᐃᓱᒪᕐᓱᕐᑎᓕᕐᐰᑦ ᐱᔪᒪᓂᕐᔪᐊᓄᑦ ᑲᓐᖑᓇᕐᑐᓄᑦ. ᐊᕐᓁᓪᓘᓐᓃᑦ ᐊᖑᒻᒧᑦ ᐱᔪᒪᓂᑎᒃ ᐊᑐᕈᓐᓃᕐᓗᒍ ᐊᑐᖃᑦᑕᓕᕐᐳᑦ ᐊᑐᒐᒃᓴᔭᕆᓐᖏᑕᒥᖕᓂᒃ, ᑍᒫᒃᑕᐅᖅ ᐊᖑᑏᑦ ᐱᓂᐊᕐᓂᕆᔭᒃᓴᑎᒃ ᐊᕐᓇᒧᑦ ᐊᑐᕈᓐᓃᕐᓗᒍ ᐊᖑᑕᐅᖃᑎᒥᖕᓄᑦ ᐱᓇᓱᐊᖃᑦᑕᓕᕐᐳᑦ, ᑲᓐᖑᓇᕐᑐᐊᓗᖕᓂᒃ ᐱᓇᓱᐊᖃᑦᑕᕐᐳᑦ ᐊᖑᑕᐅᖃᑎᒥᖕᓄᑦ; ᑍᒤᒻᒪᑦ ᐃᒻᒥᖕᓄᑦ ᐊᑭᓕᕐᑕᐅᑦᔪᑎᒃᓴᒥᖕᓂᒃ ᐊᑐᖃᑦᑕᕐᐳᑦ ᑕᒻᒪᕈᑎᐊᓗᖕᒥᖕᓄᑦ. ᓱᓕ ᒎᑎᒥᒃ ᖃᐅᔨᔭᕆᐊᖃᕋᓱᒋᖏᒻᒪᑕ, ᒎᑎᐅᑉ ᐃᓱᒪᕐᓱᕐᑎᓕᕐᐰᑦ ᐱᐅᖏᑦᑐᒥᒃ ᐱᔪᒪᓂᖏᓐᓄᑦ, ᐊᑐᒐᒃᓴᕆᓐᖏᑕᒥᖕᓂᒡᓗ ᐊᑐᓕᖁᓪᓗᒋᑦ.

ᓯᓚᑐᓇᓱᒋᒐᒥᒃ, ᓯᓔᑦᑑᓕᕐᐳᑦ, ᒎᑎᐅᑉ ᑐᖁᓱᐃᑦᑑᑉ ᓂᕐᑐᕐᓇᕐᓂᕐᔪᐊᖓ ᐃᓇᖏᕐᑕᐅᑎᑉᐹᑦ ᐃᓅᑉ ᑐᖁᔪᒫᕐᑑᑉ ᐊᑦᔨᖓᓄᑦ ᑎᖕᒥᐊᓄᓪᓗ, ᓂᕐᔪᑏᓪᓗ ᐃᒪᕐᒥᐅᑍᓪᓗ ᐊᑦᔨᖏᓐᓄᑦ.