Populära bibelverser från ᒫᑎᐅᓯᐅᑉ ᐊᒡᓚᖏᑦ 19

Dela

ᔩᓱᓯᐅᑉ ᑕᑯᓴᕐᓗᒋᑦ ᐅᖃᐅᑎᕔᑦ, “ᑕᒪᓐᓇ ᐃᓄᖕᓄᑦ ᐊᔪᕐᓇᕐᐳᖅ; ᒎᑎᒧᓪᓕ ᓱᓇᓕᒫᓂᒃ ᐊᔪᕐᓇᕐᑐᖃᓐᖏᓚᑦ.”

ᑍᒤᒻᒪᑦ ᑖᒃᑯᐊᒃ ᒪᕐᕉᔪᓐᓃᕐᐴᒃ ᑎᒥᒃᑯᓪᓕ ᐊᑕᐅᓯᐅᓕᕐᐳᒃ. ᑍᒤᒻᒪᑦ ᒎᑎᐅᑉ ᑲᑎᑎᑕᖏᒃ, ᐃᓅᑉ ᐊᕕᑎᑕᒃᓴᕆᓐᖏᓛᒃ.”

ᔩᓱᓯᐅᑉ ᑭᐅᕔᑦ, “ᒎᑎᐅᑉ ᐅᖃᐅᓯᖏᓐᓂᒃ ᐊᑐᐊᕐᓯᓚᐅᓐᖏᓚᓰ? ᐅᖃᕐᑐᖃᕐᒪᑦ, ‘ᐱᒋᐊᕐᓂᕐᒥ ᐱᓐᖑᕐᑎᑦᓯᔪᖅ ᐱᓐᖑᕐᑎᑦᓯᓚᐅᕐᒪᑦ ᐊᖑᒻᒥᒃ ᐊᕐᓇᒥᒡᓗ.’ “ᒎᑎ ᐅᖃᕐᓯᒪᕗᖅ, ‘ᑍᒤᒻᒪᑦ ᐊᖑᑎᐅᑉ ᐊᑖᑕᓂ ᐊᓈᓇᓂᓗ ᕿᒪᖕᓂᐊᕐᐹᒃ ᓄᓕᐊᓂ ᑲᑎᒫᖓᕈᒪᓗᒍ, ᑖᒃᑯᐊᒃᓗ ᒪᕐᕉᒃ ᑎᒥᒃᑯᑦ ᐊᑕᐅᓯᐅᓕᕐᓂᐊᕐᐳᒃ.’

ᔩᓱᓯ ᐅᖃᕐᐳᖅ, “ᓱᕈᓯᑯᓗᐃᑦ ᐅᕙᓐᓄᑦ ᕾᑎᑕᐅᓕᑦ, ᐊᒡᕕᐊᖏᓪᓗᓯᐅᒃ; ᑍᒤᑦᑐᓄᑦ ᒎᑎᐅᑉ ᐊᑕᓂᐅᕕᖓ ᐱᒋᔭᐅᖕᒪᑦ.”

ᐊᒥᓱᑦ ᓯᕗᓪᓕᐅᔪᑦ ᑭᖑᓪᓕᐅᔪᒫᕐᐳᑦ, ᐅᓄᕐᑐᓪᓗ ᑭᖑᓪᓕᐅᔪᑦ ᓯᕗᓪᓕᐅᔪᒫᕐᐳᑦ.”

ᑭᒃᑯᓕᒫᑦ ᐃᒡᓗᒥᖕᓂᒃ ᕿᒤᓯᒪᔪᑦ ᖃᑕᓐᖑᑎᒥᖕᓂᒡᓘᓐᓃᑦ ᓇᔭᒥᖕᓂᒡᓘᓐᓃᑦ ᐊᑖᑕᒥᖕᓂᒡᓘᓐᓃᑦ ᐊᓈᓇᒥᖕᓂᒡᓘᓐᓃᑦ ᕿᑐᕐᖓᒥᖕᓂᒡᓘᓐᓃᑦ ᓄᓇᒥᖕᓂᒡᓘᓐᓃᑦ, ᐅᕙᖓ ᐱᑦᔪᑎᒋᓗᖓ, ᑖᒃᑯᐊ ᐱᑎᑕᐅᒃᑲᓐᓂᕈᒫᕐᐳᑦ 100ᐃᕐᑐᓪᓗᐊᕐᑐᓂᒃ, ᑐᓂᓯᕕᐅᓗᑎᒡᓗ ᐃᓅᓯᕐᒥᒃ ᓄᖑᓱᐃᑦᑐᒥᒃ.

ᔩᓱᓯᐅᑉ ᐅᖃᐅᑎᕚ, “ᓈᒻᒪᑦᓯᐊᕈᒪᒍᕕᑦ, ᐱᖁᑎᓕᒫᑎᑦ ᓂᐅᕐᕈᑎᒋᔭᕐᑐᒃᑭᑦ, ᑮᓇᐅᔭᕐᑖᑎᓪᓗ ᐊᔪᕐᓴᕐᑐᓄᑦ ᑐᓂᕐᕈᑎᒋᓗᒋᑦ, ᑕᕝᕙ ᐱᖁᑎᖃᑦᓯᐊᕐᓂᐊᕐᐳᑎᑦ ᕿᓚᖕᒥ; ᐊᑏ ᕾᓕᕆᑦ, ᒪᓕᒡᓗᖓ.”

ᔩᓱᓯᐅᑉ ᑭᐅᕚ, “ᓱᖕᒪᑦ ᐊᐱᕆᕕᖓ ᓱᓇ ᐱᐅᖕᒪᖔᑦ? ᐊᑕᐅᓯᖅ ᑭᓯᒥ ᐱᐅᔪᑑᕗᖅ. ᐃᓅᓯᕐᒧᑦ ᓄᖑᓱᐃᑦᑐᒧᑦ ᐃᑎᕈᒪᒍᕕᑦ ᐱᖁᔭᓂᒃ ᒪᓕᑦᓯᐊᓕᕆᑦ.”

ᓱᓕ ᐅᖃᐅᑎᒃᑲᓐᓂᕐᐸᑦᓯ; ᐊᒡᓛᑦ ᐊᔪᕐᓇᖏᓐᓂᕐᓴᐅᕗᖅ ᑳᒥᓕ ᒥᖅᑯᑎᐅᑉ ᐃᔨᖓᒎᕆᐊᖓ, ᐊᔪᕐᓴᖏᑦᑑᑉ ᐃᓯᕋᔭᕐᓂᖓᓂᑦ ᒎᑎᐅᑉ ᐊᑕᓂᐅᕕᖓᓄᑦ.”

ᑍᒤᒻᒪᑦ ᐅᖃᐅᑎᕙᑦᓯ; ᓇᓪᓕᐊᑦ ᓄᓕᐊᒥᓂᒃ ᐊᕕᑦᓯᓪᓚᕆᒃᐸᑦ, ᐊᓯᓐᓂᐊᕐᓂᕐᒥᒃ ᐱᑦᔪᑎᖃᖏᓪᓗᓂ, ᐊᓯᐊᓂᒡᓗ ᓄᓕᐊᓂᒡᓗᓂ ᑖᓐᓇ ᓄᓕᐊᕆᓚᐅᕐᑕᒥᓂᒃ ᐊᓯᓐᓂᐊᕐᐳᖅ.”

ᔩᓱᓯ ᐃᓕᓐᓂᐊᕐᑎᒥᓄᑦ ᐅᖃᕐᐳᖅ, “ᓱᓕᔪᒥᒃ ᐅᖃᐅᑎᕙᑦᓯ: ᐃᓄᖕᓄᑦ ᐊᔪᕐᓴᖏᑦᑐᓄᑦ ᒎᑎᐅᑉ ᐊᑕᓂᐅᕕᖓᓄᑦ ᐃᑎᕆᐊᒃᓴᖅ ᐊᔪᕐᓇᑲᓴᖕᓂᐊᕐᐳᖅ.